ANA SƏHİFƏ / YAZARLAR

Faiq QİSMƏTOĞLU: SEVİLƏ-SEVİLƏ GEDƏN DƏRD

8846    |   2018-06-01 13:36
Şriftin ölçüsü:
A+ Böyütmək
A+ Balacalaşdır

… Deyirlər ki, Allah sevdiyi insanları müxtəlif çətinliklərlə, xəstəliklərlə imtahan edir. Daha doğrusu, yoxlayıb görür ki, bəndəsi çətin anda, sıxıntılı məqamda ona sadiqdir, ya yox?! Əgər sadiqdirsə, Allahı sevirsə, Yaradan özü yenə onu o çətin, o mürəkkəb durumdan xilas eləyir. Şükürlər olsun ki, Allah-Təala öz bəndəsini həmişə qoruyur. Təki sən Ulu Yaradandan nəsə istə. Sidqi ürəkdən istənilən hər hansı bir arzunu Allah-Təala gec-tez insana gerçəkləşdirir…

Yazını bu notlar üstündə başlamağım heç də elə-belə deyil. Qurban olduğum Ulu Yaradan həmişə məni və doğmalarımı ən ağır anlardan, ən ağır məqamlardan, ən çətin sınaqlardan qorumağı bacarıb. Və biz də düşünmüşük ki, Allahın köməkliyi olmasaydı, biz o bəladan xilas ola bilməzdik. Necə ki, üç il bundan əvvəl qardaşıma ürəyi ilə ilə bağlı Bakıda ölüm diaqnozu qoymuşdular. Yəni demişdilər ki, bunun cəmi-cümlətani üç ay ömrü var. İncidib eləməyin, qoyun öz ömrünü yaşasın, sakitliklə hər şeyi başa vursun. Hətta təyyarəyə də mindirməyi məsləhət bilmirdilər. Tanınmış həkimlər deyirdilər ki, təyyarəyə mindirsəniz, o dəqiqə dünyasını dəyişəcək. Ancaq Allahın köməkliyi ilə biz təyyarəyə də mindik, İstanbula da getdik. Orda kardioloq-cərrah Mehmet Sultan Bilal qardaşımın ürəyində apardığı möcüzəli əməliyyat nəticəsində o tezliklə sağaldı. Və İstanbuldan evimizə böyük sevinclə qayıtdıq. İndi qardaşım maşallah, lap yaxşıdı. Kefi qalxanda 250 qram araq vurur, hətta siqaret də çəkir.

… Bir neçə gündür bir az narahatlığım vardı. Buna son qoymaq üçün dörd il bundan əvvəl ödümdə əməliyyat eləmiş tibb elmləri doktoru Müşfiq Həsənovla telefon əlaqəsi yaratdım. Ümumiyyətlə, Müşfiq Həsənov çox böyük ürək sahibidir və həmişə də kimsəsiz adamlara arxa durub. Və mən də onu özümə arxa saymışam. Ümumiyyətlə, mənim həkim sarıdan deyəsən bəxtim gətirib. Əgər belə olmasaydı, beş əməliyyatdan sağ-salamat çıxmazdım. Həkim dostlarım – tibb elmləri doktoru, kardio-cərrah Firdovsi İbrahimov, tibb elmləri doktoru Müşfiq Həsənov, tibb elmləri namizədi Rafiq Yusifli, həkim İdrak Həsənov və eləcə də proktolok Aynur xanım mənim həyatımda çox böyük önəmli rol oynayıblar. Yəni Allahdan sonra onlar məni həyata qaytarıblar. Buna görə göydə Allahıma, yerə həmin həkimlərə borcluyam…

… Axı dedim, Müşfiq Həsənovla əlaqə yaratdım. Dünən səhər saatlarında işlədiyi özəl klinikaya getdim. İki il idi onunla görüşmürdük. Düzdür, telefon danışıqlarımız olurdu, bayram günlərində bir-birimizi təbrik eləyirdik. Amma bu dəfə Müşfiq həkimin çöhrəsində çox böyük bir nur gördüm. Əvvəlcə tibb elmləri doktoru adı alması münasibəti ilə onu təbrik elədim. Düzdür, telefonda təbrik etmişdim. Ancaq o vaxtdan bəri görüşümüz olmurdu. Bizim millət də belədi də işimiz düşməsə heç kimi axtaran deyilik. Axı mən də azərbaycanlıyam.

… O məni həmişə təmənnasız müayinə və müalicə edib. Ancaq əməliyyata gələndə isə mütləq özəl klinikaya lazımi vəsaiti köçürməlisən. Bir qədər hal-əhvaldan sonra Müşfiq həkimə səhhətimdə yaranmış problemlə bağlı söhbət açdım. Söhbətin qurtarmağına imkan vermədi. Ayağa qalxdı və qonşu otağa keçməyimi məsləhət bildi. O, qonşu otaqda məni müayinə etdi. Sonra da dedi ki, səndə sivişin problemi yenidən yaranıb. Mən də üç il bundan əvvəl həmin xəstəlikdən Gömrük Hospitalında əməliyyat olunmuşdum. Bu sözləri deyəndən sonra həkim dostum gördü ki, mən həyəcanlanıram, tez də əlavə etdi: «Dədə, qorxub eləmə ey, bu xəstəlik heç kimi öldürmür. Sadəcə olaraq, hər bir xəstəliyə pasiyent diqqətlə yanaşmalıdır. İndi mən sənə dərman yazaram, o dərmanları alıb bir ay qəbul edərsən. Bir aydan sonra bir də müayinə edərik, baxıb görərik nə kimi dəyişikliklər var. Ondan sonra əməliyyata ehtiyac olunub-olunmamasına qərar verə bilərik. Yenə deyirəm, heç nədən qorxub eləmə, çətinliyin olsa zəng vur. Bil ki, sən tək deyilsən!»

Vallah, bu cür təmənnasız həkimləri görəndə, onların şəfaverici söhbətlərini eşidəndə adam sanki hər şeyi unudur. Hətta xəstəlik də yadından çıxır. Və mənim özüm də heç vaxt hər hansı xəstəlikdən qorxub eləyən deyiləm. İnsan yarandığı gündən ömrünün son anına qədər mübarizələrin ağuşunda olur. Mübarizə aparırsa, həmin problemi qatlayıb qoyursan dizinin altına. Zəiflik göstərirsənsə, o məsələ sənin axırına çıxır. Mən də elə zəif iradəli adam deyiləm və az yaşım da yoxdu. Dünyanın hər üzünü, hər sifətini, hər rəngini görmüşəm. Və indən sonra nə də görsəm, Allaha and olsun ki, təəccüblənib eləyən deyiləm. Çünki bu dünya ki var, hər şey ola bilər. Və mən də o hər şeyə hər dəqiqə, hər an hazıram.

Əvvəlki yazılarımda da qeyd eləmişəm. Allah-Təala məni nə az, nə çox düz 15 dəfə ölümdən qurtarıb. Hələ 5 yaşımda ikən maşının kabinəsini açıb Araz çayına düşmək istəmişəm, həmin anda atam rəhmətlik bir anlıq özünü çatdırıb və paltarımdan yapışıb suya düşməyə qoymayıb. Vallah, bilmirəm hansı birini deyim. Üç-dörd dəfə gürzə ilanı məni vurmaq istəyib, xoşbəxtlikdən və Allahın böyüklüyündən hər şey yaxşı qurtarıb. Üç-dörd dəfə çayda, göldə, dənizdə boğulmuşam, ancaq məni ölməyə qoymayıblar. Və birində Əhəd əmimin oğlu İbrahim məni kəndin üstündəki kanalda boğulmaqdan xilas edib. İki-üç dəfə də avtomobil qəzasına düşmüşəm. Onda yanımdakılar ağır xəsarət alsa da, mən yüngül zədə ilə canımı qurtamışam. Mən qurtarmamışam ey, mən nə karəyəm ki, canımı qurtaram. Mənə can verən, nəfəs verən, həyat verən Allah-Təala qurtarıb. Məgər bunlar azdı? Əgər bu hadisələr vaxtı dünyamı dəyişsəydim, nə mənim ailəm olardı, nə uşaqlarım, nə də nəvələrim. İndi şükür Allaha, gözəl ailəm var, övladım var, iki də qəşəng nəvəm: Sədaqət və Tunar! Onlar da Horadiz şəhərindəki 1 nömrəli tam orta məktəbdə oxuyurlar. Sədaqət 8-ci sinifdə, Tunar da 4-cü sinifdə təhsil alır. Hər ikisi dərs əlaçısıdır. Min şükür bunlara!..

Qurban olduğum yenə məni sınağa çəkibsə, bu Yaradanın öz işidi. Və həmşə də bu sınağa, bu imtahana hazır olmuşam. İnanın, ən ağır əməliyyata gedəndə belə özümdə elə qeyri-adi güc hiss eləmişəm ki, sanki əməliyyata yox, toy-bayrama gedirəm. Bax, bunları da mənim qəlbimdə, ürəyimdə yaradan qurban olduğumdu. Onun izni olmasa, nə bir addım ata bilərəm, nə qurtum su içərəm, nə də səhəri açaram.

… Və mən şükür eləyirəm ki, Allahım məni tez-tez sınağa çəkir. Nə qədər tez-tez sınağa çəksə də, yenə ona böyük sevgim, böyük məhəbbətim var. Çünki bilirəm ki, sonda Allah sevdiyi bəndələri sınayır, sadiq olduğunu bilir, səbrinə güvənir və bundan sonra yenidən onu sevindirir. Min şükür Allahın mənə verəcəyi dərdə və sevincə! Onun bəxş etdiyi dərdi də mən həmişə sevinc kimi qəbul edirəm, sevə-sevə, əzizləyə-əzizləyə öz dünyamda yaşadıram. Bu kədər, bu dərd necə sevilə-sevilə gəlibsə, eləcə də sevilə-sevilə qayıdıb gedir…




İmza:

YAZARIN ARXİVİ

2017-12-15 : O BİR QAYA
2017-12-13 : PARTAPART...
2017-12-05 : UNA NƏ QATAQ?
2017-11-28 : O BALACA UŞAQ
2017-11-22 : QALXIN, OTURAQ!
2017-11-08 : O, BİR NUR İDİ
2017-08-31 : DUZSUZ ADAMLAR
2017-08-28 : İSRAFÇILIQ
2017-08-18 : MÜBARƏK ÖLÜM
2017-08-11 : AY İŞIĞI
2017-07-07 : NƏNƏ VƏ NƏVƏ
2017-06-23 : MÖCÜZƏ
2017-06-06 : ÖLDÜR MƏNİ...
2017-05-23 : ÖLMƏYƏN ÜMİD
2017-05-12 : QARA QOÇ
2017-03-30 : NANKOR OĞUL
2017-03-17 : TUT QURUSU…
2017-02-03 : ÖLÜ XORTLADI…
2017-01-06 : BU ÜRƏKLƏ…
2016-12-09 : SÖZÜN ƏTRİ
2016-11-05 : O YAZ YAĞIŞI...
2016-11-04 : O YAZ YAĞIŞI…
2016-10-15 : AĞ YUXU
2016-07-09 : ÇİNAR AĞACI
2016-04-23 : ŞEYTAN AĞACI
2016-03-08 : BALACA PADŞAHLAR
2016-02-20 : KÖPƏYƏ EHSAN
2016-01-16 : DÜNYA MALI...
2015-11-14 : EŞŞƏK SÜDÜ
2015-08-22 : ZƏRBƏ
2015-07-04 : AĞACLAR QURUYUR
2015-06-13 : QORXMA, OĞUL!
2015-06-02 : ALAÇATI...
2015-05-16 : BİR KƏLMƏ...
2015-05-15 : ARXAYA BAXANDA...
2015-05-01 : ENDİRİMLƏR...
2015-04-11 : YAZ YAĞIŞI
2015-04-03 : BOLLUQ OLACAQ?
2015-03-20 : ELÇİLİK
2015-03-14 : DƏYİRMAN DAŞI
2015-03-05 : "BARI NAXÇIVAN"
2015-02-14 : FALA BAXIRAM
2015-01-24 : GÖZƏL ÖLÜM
2015-01-16 : QARA ÇÖRƏK
2015-01-15 : QARA ÇÖRƏK
2014-12-31 : SƏBRLİ OLSAN...
2014-12-20 : KİRVƏ
2014-12-13 : DİLİN BƏLASI
2014-12-06 : CƏHALƏT QUYUSU
2014-11-29 : LOTU
2014-09-27 : SƏBR ELƏ
2014-09-25 : BELƏ TOY OLAR?!
2014-09-20 : BÖYÜK GÜNAHLAR
2014-09-13 : KÜPƏ
2014-09-06 : BEŞ CANAVAR
2014-09-03 : SU QITLIĞI...
2014-08-16 : BÖYÜK DAYAQ
2014-08-12 : LAQEYDLİK
2014-08-09 : SOYUQ ADAMLAR...
2014-08-02 : TÖHMƏT
2014-07-19 : YALAN...
2014-06-07 : ÇƏTİN GÜN
2014-05-28 : EHSAN
2014-05-17 : ƏLDƏN QALAN...
2014-03-08 : Təmiz adam
2014-03-01 : Qarınotaranlar
2014-02-28 : Yağmurlu hava...
2014-02-22 : GÜN KEÇDİ...
2014-02-08 : TOY GECƏSİ...
2014-01-25 : TAMAH
2014-01-18 : XƏCALƏT TƏRİ
2014-01-11 : YAĞIŞ...
2013-12-28 : DÖNÜŞ
2013-11-23 : SƏDR ATI
2013-11-16 : YURD YERİ...
2013-11-02 : PAXIL
2013-09-07 : BAŞ REDAKTOR
2013-08-31 : CADUGƏR
2013-08-17 : KOBRA
2013-08-03 : POÇTALYON
2013-07-27 : AYRILIQ...
2013-07-20 : SÖZGƏZDİRƏN
2013-07-13 : SƏNGƏR
2013-07-06 : QUDURĞAN
2013-06-22 : DƏMİRÇİ
2013-06-15 : GOPÇU KİŞİ
2013-05-25 : QOHUMLUQ
2013-05-18 : HƏSRƏT YAĞIŞI
2013-05-11 : ƏRİK AĞACI
2013-05-04 : AYRILIQ
2013-04-27 : ELÇİLİK
2013-04-20 : İLDIRIM
2013-04-13 : GÜN İŞIĞI
2013-04-06 : DÖYÜŞ
2013-03-30 : EHSAN
2013-03-20 : YARMARKA OYUNU...
2013-03-16 : ÜRƏK DÖZSƏ...
2013-03-08 : KOR ARVAD
2013-03-02 : YALTAQ
2013-02-23 : ZƏHRİMAR
2013-02-16 : SÖNƏN OCAQ
2013-02-02 : DÜYÜN
2013-01-26 : VƏZİFƏ
2013-01-19 : MƏRDİMAZAR
2012-12-22 : QORXU
2012-12-15 : TƏNHA QOCA...
2012-12-08 : ÜZÜK
2012-11-27 : QAN DAVASI...
2012-11-27 : GÖZ DƏYİB...
2012-09-15 : GECƏYARISI QƏTL
2012-08-18 : GÖZ YAŞI...
2012-08-04 : DAŞ HASARLAR...
2012-06-15 : TOY...
2012-06-02 : DURULAN DÜNYA...
2012-05-12 : KÖÇ...
2012-04-28 : POÇT QUTUSU...
2012-04-07 : ÜNVANSIZ EŞQ
2012-03-03 : ZƏHƏR TULUĞU
2012-02-18 : POLKOVNİK...
2012-02-11 : YALANÇININ...
2011-12-31 : Bir ovuc torpaq
2011-12-24 : DÜZ SÖZ...
2011-12-17 : O DÜNYALIQ...
2011-12-10 : QUTUDA İLAN...
2011-12-03 : ARTIQ TAMAH...
2011-10-22 : DƏRİN QUYU...
2011-08-13 : PARTLAYIŞ...
2011-08-06 : OD İÇİNDƏ...
2011-07-23 : AĞ DÜNYA...
2011-05-07 : QARA EYNƏK...
2011-04-30 : HAQSIZLIQ
2011-04-23 : MÜBARİZƏ...
2011-04-16 : GÜNAH...
2011-02-12 : HARINLIQ...
2010-12-31 : ATƏŞFƏŞANLIQ
2010-11-06 : BAHALIQ
2010-08-28 : DƏLƏDUZLUQ...
2010-07-10 : BƏDNƏZƏR
2010-06-12 : ÇƏTİN GÜN
2010-03-13 : YOLUNU AZANLAR...
2010-02-27 : YASİN PULU
2010-02-20 : ÇİY SÜD
2010-02-13 : YANAR ÜRƏK...
2010-01-09 : YAD QIZI
2009-12-31 : DÜNYA QOPUR
2009-12-19 : UZUN GECƏ...
2009-11-07 : ADAM OL...
2009-10-24 : QURDUN PAYI...
2009-08-15 : DƏLİXANA
2009-06-06 : NADAN
2009-05-09 : BUZ BALTASI
2009-05-02 : PULSUZLUQ
2008-10-30 : ÇİY SÜD
SON XƏBƏRLƏR
2018-09-22
2018-09-21


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Qiymətlər qalxandan sonra avtobusa minəcəksiniz?

Hə (66.67%)
Yox (33.33%)

ÇOX OXUNAN
GÜNÜN LƏTİFƏSİ
Kişi restorana gəlir və ofisianta deyir:
- Mənə 12 qədəh araq gətirin.
Ofisiant gətirir.
- İndi isə xahiş edirəm, birinci və axırıncı qədəhləri götürün.
- Niyə ki?
- Bilirsinizmi, birinci pis gedir, axırıncıda isə mən dəli oluram.




digər lətifələr
ARXİV
FACEBOOK