hacklink Adalet.az | Düz saya bilməyənlər Adalet.az | Düz saya bilməyənlər Adalet.az | Ədalət -
ANA SƏHİFƏ / YAZARLAR

Düz saya bilməyənlər

22965    |   2018-05-18 22:17
Şriftin ölçüsü:
A+ Böyütmək
A+ Balacalaşdır

İdman mətbuatındakı meydan gör kimlərə qaldı, Koroğlu... Sənin zamanında belə cızma-qaraları ortaya çıxarmaqmı olardı? Həmin jurnalisti Çənlibeldəki teleqüllədən üzüaşağı tullayardın, o da gedərdi öz işinin dalınca. Ən yaxşı halda Dəli Həsənə deyərdin, reklam pulunu kəsərdi, qələmi köndələn tutan da qalardı pulsuz-parasız.
Qocalana yaxın kitablara düşə bilən bir söz dedin, yadındamı? Hə... anladım. Qocalıq pis şeydi, hər sözü yadda saxlamaq olmur. Dedin ki, internet çıxandan igidlik keçdi arxa plana.
Sənin zarafatoloq-politoloq Mübariz Əhmədoğlunun qızıldan qiymətli fikirlərindən də dəyərli sözünün qədir-qiymətini indi bilməyə başlamışıq. Çənlibelin "Ağ Ev"dən də populyar olan vaxtında hər yerindən duran sayt aça bilirdi, bu gün isə hətta yerindən dura bilməyən də sayt yaradır, özünə jurnalist deyir, Azər Həsrətə dərs demək iddiasına düşür. Həndbolla voleybolun fərqini bilməyən idman yazarı kimi mətbuata sırınır, AFFA-nı götürüb PFL-ə, PFL-i götürüb AFFA-ya qatır.
Belələlərinə cavab verməmək də olar, indi heç BMT Təhlükəsizlik Şurasının qətnamələrini saya sayan yoxdu. Bir-iki sayt yazmaqla AFFA və PFL-in ələ-ələ verib keçirdiyi gül kimi futbol çempionatımız gözdən düşməyəcək ki? Bizim 7,5 komandalıq premyer-liqamızı gecə-gündüz demədən tənqid edənlər, yuxarıdan aşağı baxanlar düşmən stadionunu sulayanlardı. Belələri heç vaxt istəklərinə çata bilmirlər. Keçəl Həmzə də bir vaxtlar Koroğlunun avtomobilini, pardon, atını oğurlamışdı, sonra nə oldu? Qıratı da qaytardı, üstəlik cəriməsini də ödədi, ara yerdə el-aləmdə biabır oldu.
İndi bütün yaradıcılıqlarını AFFA və PFL-ə həsr edənlər guya nə yaza bilirlər ki? Şər-şəbədə, yalan-palan, vəssalam. Onların cızma-qaralarına görə Azərbaycandan başqa dünyanın hər yerində milli çempionatlar maraqlı keçir. Siz yazdınız, biz də inandıq, ölmüşdü elə Kim Çen İr... Hər yerdə çempionat belə gərgin və maraqlı keçirsə niyə dünya bir Messinin əlində girinc olub? Niyə Gürcüstanda Ronaldo, Tacikistanda Beyl, Türkmənistanda Qrizmann, Özbəkistanda Məhəmməd Salah, Moldovada Ramos yoxdu?
Bir neçə gün qabaq əksər idman saytlarında bir yazı oxudum. Elə əsəbiləşdim heç bizdə futbol mövsümünün bitməsini gözləməyə də səbrim çatmadı. Sanki sözü bir yerə qoyub yazıblar ki, guya Azərbaycan premyer-liqasının oyunları az qala boş tribunalar qarşısında keçir, guya hər qarşılaşmanı cəmi 200-300 azarkeş izləyir. Yalançının əmisi oğlu "Bakı" klubunda baş menecer işləsin. AFFA və PFL-ə şər atanın dayısı oğlu "Xəzər Lənkəran"da inzibatçı olsun, bibisi oğlu "MKT Araz"ın həkimi maaşını alsın, xalası oğlu "Viləş"də tərcüməçi işləsin, qaynının bacanağı "Karvan"da qapıçılarla işləyən məşqçi olsun... Koroğlu ortalıqda yoxdur deyə ağzınıza gələni yazıb bu yekəlikdə çempionatımızı lağa qoymalısınız? Statistikanı qəsdən təhrif etməkdə, azarkeş sayını az yazmaqda məqsədiniz nədir axı? Hətta Monqolustanda da hamı yaxşı bilir ki, bizim premyer-liqanın oyunlarını stadionlardan canlı izləyənlərin sayı sizin saytlarda yazıldığından qat-qat çoxdur. Sizin yazmağınızla deyil ki?
Futbolla maraqlanmayanlara da aydındır ki, oyun günü hər iki komanda stadiona öz avtobusu ilə gəlir. Amma siz nədənsə azarkeş statistikasında həmin o iki sürücünü göstərmirsiz. Və yaxud da matçın gedişində stadionun hər tərəfində top daşıyan xeyli uşaq-muşaq olur. Bəs onları niyə saymırsız? Bu balaca uşaqları stadiona gətirən valideynləri niyə hesaba almırsız? Hələ mən stadionunun üstündən uçan quşları, süni örtüklü arenalarımızın böyür-başından əsən Xəzrini, Gilavarı yazmıram. Ay sizin nəyinizi deyim, ay düz-əməlli saya bilməyənlər...
Azarkeşlərlə bağlı statistikanı qəsdən azaltmaq qəhrəmanlıq deyil, gedin özünüzə ciddi iş tapın. Heç olmasa Samiraldo kimi stilist olun, Tolik kimi televiziyada aparıcılıq edin, heç olmasa Zaur kimi efirə hamam xalatında çıxın...
Statistika qəliz məsələdi, sizlik deyil. İspaniya çempionatını hər cızma-qaralarınızda gözümüzə soxmayın. Messi, Ronaldo olmasa adını yazdığınız ölkədə bir azarkeş stadionun qapısını açıb içəri boylanmaz. Düzdür, hələ biz Messi, Ronaldo kimi ulduzlar yetişdirə bilməmişik, amma AFFA-mızın baş katibi Elxan Məmmədov bu problemi də həll edəcək, inşallah.
Onda görüm azarkeş sayını qəsdən necə az yaza biləcəksiz...



YAZARIN ARXİVİ

2019-06-14 : Ziya
2019-02-09 : Alim-Maestro
2018-09-14 : Bizi deyirlər...
2018-07-04 : İftixarımız
2018-04-07 : Fəxri Zakir
2017-12-02 : Onun adı Rey
2016-09-30 : ...Sadə Qabil
2016-08-13 : Poeziya, Salam
2016-08-12 : Poeziya, Salam
2016-06-11 : Təhsil elçisi
2015-10-09 : Qadağaya qadağa
2015-08-29 : Birinci 10 il
2015-04-11 : Təzə Ağdamlı
2015-03-20 : Bizim Corc
2014-12-13 : "Kitayski" çex
2014-04-05 : Abini anarkən...
2014-01-11 : Əfsanə bolluğu
2013-12-28 : Sonuncu alman
2013-11-30 : Nə sözün?
2012-08-09 : Gedin və baxın!
2012-05-30 : Məqsədli yazı
2011-08-27 : A+A+A
2011-01-08 : Hamı telekanala!
2010-10-02 : Al bıçağı...
2010-06-19 : Top, tar və...
2009-12-12 : 2012
2009-06-20 : YILMAZ, BU KİM?
2009-03-20 : DAVALI YORĞAN
2008-05-24 : Nazirlər soyunur
2008-04-26 : Qalxa-qalxa gedir
2008-03-30 : Tərcümeyi-hal
2008-03-01 : Mənə "beş" ver
2007-11-10 : Reklamlı yazı
SON XƏBƏRLƏR
2019-11-18


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (93.33%)
Pullsuz (6.67%)

ÇOX OXUNAN
GÜNÜN LƏTİFƏSİ
"- Orda danışdığın anektodu mənə də danışa bilərsən?"

"Lavrov: 

- Hansını? Mollanın Teymurla olan fil anektodunu?"



digər lətifələr
ARXİV
FACEBOOK