Film izle hacklink kiralık bahis sitesi satılık bahis sitesi Adalet.az | ƏDƏBİYYAT ADAMI Adalet.az | ƏDƏBİYYAT ADAMI Adalet.az | Ədalət -
ANA SƏHİFƏ / YAZARLAR

ƏDƏBİYYAT ADAMI

82551    |   2018-05-14 13:25
Şriftin ölçüsü:
A+ Böyütmək
A+ Balacalaşdır

Əziz Elçin müəllim, dünən Sizin 75 yaşınız tamam oldu. Açığı, bu rəqəm məni həm sevindirir, həm də kövrəldir. Sevinməyimin səbəbi – bu yaş həddinə illərin və hadisələrin axarıyla zatən dəyişmədən, həmin nəcibliklə, şəxsiyyət, alim və yazıçı kamilliyi, dərin elmi-analitik təfəkkür, ədəbiyyata və onun adamlarına hər zaman duyduğunuz sevgi və sədaqətinizlə gəlib çatmağınızdır. Kövrəlməyimin səbəbi – bu illərin içində olanlar, hələ də ilğımvari işartılarla yanıb sönə-sönə Sizinlə birlikdə yol getməyə, yaşamağa davam edənlərdir... Unudulmaz ədəbiyyat və xalq adamları İlyas Əfəndiyev, Əli Vəliyev, Məsud Əlioğlu, Hüsü Hacıyev küçəsi 19, bu əfsanəvi Yazıçılar Binasının tarixi sakinləri – uzaq uşaqlıq illərində tez-tez həyətimizdə, pilləkənlərdə, evimizdə, yaxud ikinci ev saydığımız Yazıçılar İttifaqında rastlaşdığımız, yaxın qohumlarımız, əmi-dayı bildiyimiz İsa Hüseynov, İsmayıl Şıxlı, Kamal Talıbzadə, Zeynal Xəlil, Əliağa Kürçaylı, Salam Qədirzadə, Hüseyn Abbaszadə, Qabil, daha kimlər və kimlər…

Bu gün bu yubiley tarixi ilə bağlı təsirləndiyim ayrı məqamlar da var. Bu, Sizin hələ lap gənclik illərindən özünüzü hər şeydən təcrid edib bütünlüklə ədəbiyyata bağlanmağınız, illərin və hadisələrin axarıyla iş yerinizi, vəzifənizi dəyişsəniz də, ədəbiyyatı, Bədii Sözü hər şeydən uca tutmağınız, hər zaman heç nəyin fərqinə varmadan, böyük Ədəbiyyat Adamı olaraq qalmağınızdır.

Bir insanın o biri insan üçün təmənnasız olaraq nə isə etməsi hər zaman məndə qəribə kövrəklik hissi yaradıb. Sizin timsalınızda bu təmənnasızlığın miqyası xeyli böyükdür və göz önünə böyük bir xalq, millət üçün görülən misilsiz işlər, Vətənə, milyonlarla insana yarım əsrdən çox zaman kəsiyində göstərilən təmənnasız xidmətlər gəlir.

Məni təsirləndirən, həm də qürurlandıran digər məqam – Sizin gəlib çatdığınız bu yaş həddindən qat-qat yaşlı əsərlər külliyyatınızın – Azərbaycanın ədəbi fikir, elm, teatr tarixində öz layiqli yerini tutmuş unikal yaradıcılıq irsinizin, eyni zamanda bu gün hər sahədə nadir rast gəlinən və bu səbəbdən, sözün əsl mənasında, təbərrükə çevrilən Mükəmməl Ədəbi Dil Nümunələri olması, Azərbaycan dilinin, ondan istifadə mədəniyyətinin qorunmasına və zənginləşməsinə xidmət etməsidir.

Azərbaycanın ədəbi-mədəni, elmi-ictimai həyatı üçün əlamətdar olan bu tarixi gündə milli ədəbiyyatın, mədəniyyətin, ədəbiyyatşünaslıq elminin tərəqqisi naminə göstərdiyiniz misilsiz xidmətlərə görə Sizə, ilk növbədə, vətəndaş minnətdarlığımı bildirir, milli-mənəvi maarif uğrunda göstərilən bu əvəzsiz xidmətin, ərsəyə gətirilmiş titanik əməyin daim öz bəhrəsini verəcəyinə, ziyasını bu xalqdan, millətdən əsirgəməyəcəyinə inanıram.

Yolunuz aydın və rəvan olsun! Yaradıcılıq əzminiz, ədəbiyyata, bədii Sözə sevginiz tükənməsin! Bu 75 ilin axarıyla Sizi isti, doğma ata ocağıtək qoruyan müqəddəs xatirələr, yüksək amal, əqidə və məslək sahibləri olan o işıqlı, nurlu simalar hamımızın köməyi olsun!



İmza:

YAZARIN ARXİVİ

SON XƏBƏRLƏR
2019-09-19
2019-09-18


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Qarabağ", yoxsa "Sevilya"?

"Qarabağ" (66.67%)
"Sevilya" (33.33%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK