ANA SƏHİFƏ / AVTOMOBİL

Marşrut xətti ilə bağlı müsabiqə elan edilib

11265    |   2018-05-07 17:15
Şriftin ölçüsü:
A+ Böyütmək
A+ Balacalaşdır

Bakı Nəqliyyat Agentliyi 19 nömrəli müntəzəm şəhərdaxili sərnişindaşıma marşrutu üzrə müsabiqə elan edir.

Agentlikdən Adalet.az-a verilən məlumata görə, müsabiqənin şərtlərinə görə, Əliyar Əliyev küçəsi ("Çermet” kimi tanınan yaşayış massivi) – Neftçilər prospekti, Bakı Dəniz Vağzalı istiqamətində xidmət göstərilməsi üçün daşıyıcıdan ən azı 15 avtobus tələb olunur. Bu avtobuslar ən azı 75 sərnişin tutumuna və sayı 30-dan yuxarı oturacaq yerlərinə malik olmalıdır. Bundan başqa, avtobuslar səhər saat 06:00-da reysə başlamalı, 23:45-də isə reysi bitirməlidir.

Çoxsaylı vətəndaş müraciətləri nəzərə alınaraq, təşkil ediləcək yeni marşrut xətti Əliyar Əliyev ("Çermet” kimi tanınan yaşayış massivi), Y.V.Çəmənzəminli, A.Nemətulla küçələri ilə metronun "N.Nərimanov”, "Gənclik”, "Ş.İ.Xətai” və "Sahil” stansiyalarını əlaqələndirəcək.

Qeyd edək ki, Bakı şəhərində mövcud bütün marşrut xətləri müvafiq qanunvericiliyin tələblərinə uyğun olaraq, mərhələli qaydada müsabiqəyə təqdim ediləcək. Məqsəd, sərnişindaşıma sahəsində göstərilən xidmətin keyfiyyətinin, təhlükəsizliyin və rahatlığın artırılmasıdır.

Müsabiqə "Avtomobil nəqliyyatı haqqında” Azərbaycan Respublikası Qanununa, Azərbaycan Respublikası Nazirlər Kabinetinin 2009-cu il 3 aprel tarixli 52 nömrəli qərarı ilə təsdiq edilmiş "Avtomobil nəqliyyatı ilə müntəzəm şəhərdaxili (rayondaxili), şəhərlərarası (rayonlararası) və beynəlxalq marşrutlar üzrə sərnişin daşımalarına daşıyıcıların cəlb olunmasına dair müsabiqənin keçirilməsi qaydası”na uyğun keçirilir.

Müsabiqədə iştirak etmək istəyənlər daha ətraflı məlumatı www.bna.az saytından əldə edə bilər.




İmza:
SON XƏBƏRLƏR
2018-09-21
2018-09-20
15:38 TƏBRİK


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Qiymətlər qalxandan sonra avtobusa minəcəksiniz?

Hə (66.67%)
Yox (33.33%)

ÇOX OXUNAN
GÜNÜN LƏTİFƏSİ
- Ədə, dünən məni evə kim gətirib?
- Mən apardım qaqa, amma eşşək qədər içmişdin haa.
- Ay lom, biz 5-ci mərtəbədə qalırıq, mən səhər 4-cü mərtəbədəki xalaşkanın evində oyanmışam.
- Dəlisən sən? Qapını atan açdı axı.




digər lətifələr
ARXİV
FACEBOOK