Film izle hacklink kiralık bahis sitesi satılık bahis sitesi Adalet.az | MƏMURLARIMIZI KƏMƏRLƏNDİRƏK Adalet.az | MƏMURLARIMIZI KƏMƏRLƏNDİRƏK Adalet.az | Ədalət -
ANA SƏHİFƏ / YAZARLAR

MƏMURLARIMIZI KƏMƏRLƏNDİRƏK

Nicat Novruzoğlu

21523    |   2018-05-04 10:00
Şriftin ölçüsü:
A+ Böyütmək
A+ Balacalaşdır

İnsan kəmərlənməyi və kəmərləməyi bacarmalıdı. Onu əyri-üyrü yollara aparıb salan tamahını, şərini, böhtanını, kinini kəmərləməlidir. Məsələn, saxta dərmanları insanlara yedizdirib haram pul qazanıb ailəsinə, övladlarına yedizdirməyə tamahını kəmərləməlidir. Və yaxud da uşaq evinin, internatın rəhbəri olub o uşaqların yeməyindən oğurlamaqdan özünü kəmərləməlidir. Nə yazıq ki, bu gün belələrinin kəmərləmək əvəzinə kəmərlərini bərkidənlər daha çoxdu. İtinə tökdü.

İnsan kəmərlənməyi və kəmərləməyi bacarmalıdı. Onu əyri-üyrü yollara aparıb salan tamahını, şərini, böhtanını, kinini kəmərləməlidir. Məsələn, saxta dərmanları insanlara yedizdirib haram pul qazanıb ailəsinə, övladlarına yedizdirməyə tamahını kəmərləməlidir. Və yaxud da uşaq evinin, internatın rəhbəri olub o uşaqların yeməyindən oğurlamaqdan özünü kəmərləməlidir. Nə yazıq ki, bu gün belələrinin kəmərləmək əvəzinə kəmərlərini bərkidənlər daha çoxdu. İtinə tökdü.

Kəmərlənmək yaxşı şeydi. Bundan adama ziyan gəlməz. Kəmərlənərsən kəmərindən neft gələr, su gələr, qaz gələr. Kəmərlənərsən şalvarından arxayın olarsan. Bilərsən ki, belindədi, düşəsi deyil.

Kəmərlənərsən qəzadan da qurtularsan. Avtomobillərimizdə olan təhlükəsizlik kəməri səni qəza ölümündən müəyyən faizlə qoruya bilir. Bu haqda geniş yazmaq olar. Yazının içərisinə dünya statistikasını, arxasınca da bir-iki əcnəbinin kəmərlə bağlı işlətdiyi ifadəni də əlavə edib babat bir yazıda, ozü də savadlı görsənəcək bir yazı da yazmaq olardl. Amma mən qərar verdim ki, elə də savadlı, əhatəli yox, elə sadə dilimizlə bu kəmər barəsində bir məsələyə toxunum.

Söhbət təhlükəsizlik kəmərindən gedir. Bu gün hər bir sürücü demək olar ki, təhlükəsizlik kəmərini taxır. Taxmasa qanunumuzun tələbi ilə 40 manat cərimələnir. Bilmirəm indi bu camaat o 40-a görə, ya da ki, təhlükəsizliyinə görə taxır, amma fakt budur ki, taxır. Hələ yanlarında oturanlara da taxdırırlar. Arada söz-söhbət çıxdı ki, bəs arxa oturacaqda oturanlar da taxmalıdı, amma bu məsələnin sonradan başı buraxıldı. Dedilər ki, elə qabaqdakılar kəmərlənsin kifayətdi. Millət də kəmərləndi.

Məni narahat edən isə kəmərlənməyənlərdi, yəni məmurlar. Oxucum, sənin yaşadığın rayonda görmüsənmi ki, rəisiniz, icra başçınız, prokurorunuz oturduğu maşında kəmər taxsın? Heç olmasa, sürücüləri kəmər taxsın? Çətin görəsiniz. Bəlkə də taxanı var. Amma çox az sayda.

Mən başa düşürəm ki, illərlə kreslolarına kəmərlənmiş birisi üçün həm də avtomobil oturacağına kəmərlənmək çətindi. Amma Siz bunu bizim üçün eləməlisiniz, əziz məmurlar. O təhlükəsizlik kəmərini vurmaqla həm də rəhbəri olduğunuz elin, obanın təhlükəsizliyini kəmərləmiş olursunuz. Allah eləməmiş, birdən kəmərsizlik ucbatından başınıza bir iş gəlsə, sizi kəmərsiz görüb cərimələməyən o yol polisinə yazığınız gəlsin. Biz onu topa qoyub çiləyərik ki, axı niyə vaxtında bu məmur qardaşımıza cərimə yazmadın, onu tənbeh eləmədin ki, bu gün başımıza bu müsibət gəlməyəydi.

O məmurların sürücülərini də cərimələyin, danlayın, tənbeh edin. Onlar məsuliyyətlərini anlamırlar. Yüngül bir qəza ilə kəmərsiz idarə edilən avtomobilin idarəetməsini itirmək bizə, bizim məmurumuza baha başa gələ bilər axı.

Noolsun ki, məmurlarımız cəfakeşdi. Noolsun ki, onlar həmişə xalq üçün canlarından, sağlamlıqlarından keçməyə hazır olublar. Bu əsas deyil ki, biz onların canını qoruyacaq təhlükəsizlik kəmərini taxmamalarına göz yumaq. Bu yol verilməzdir. Öz məmurunu sevən yol polisi onun təhlükəsizliyi üçün bu addımı atmağa borcludur. Hətta bu borc məmurdan çıxsa belə.

Borcdan söz düşmüşkən, o cərimənin də miqdarını artırmaq lazımdır. Elə rəqəm seçmək lazımdır ki, məmurlar rəqəmdən qorxsunlar. 40 manatlıq cərimə ilə onlar kəmər taxası deyillər. Onların cəriməsi ən azında 40 min manat olmalıdır ki, məmurlarımız anlasın ki, biz onların təhlükəsizliyi üçün necə narahatıq. Və ya onların təhlükəsizliyi necə qiymətlidir. Cərimənin miqdarını rayonlar üçün dəyişmək də olar. Məsələn, Bərdə 40 min olarsa, Ağdam 20 min manat. Gəncə 100 min manat. Zərdab 30 min manat və s. Bəlkə bu yola bunlara kəmər taxdıraq.

Sabah təhlükəsizlik kəməri taxmadan avtomobili idarə edən bir məmuru və ya onun sürücüsünü çəkib internetə qoysam, kimsə məni qınamasın. Mən məmurlarımızı və xalqımı sevdiyimdən bunu edirəm. Məmurlarımızı millət üçün qoruduğumdan edirəm.

Ey məmurlar, taxın təhlükəsizlik kəmərinizi. Sürücünüzə də taxdırın. Qayda-qanuna görə demirik ha, təhlükəsizliyiniz üçün deyirik.




İmza:

YAZARIN ARXİVİ

2018-04-20 : İT GÜNÜNDƏ
2018-03-29 : DAY-DAY
2018-02-12 : XANALIQ
2018-01-24 : Vayına oturum
2017-11-01 : QOL-un içi
2017-10-25 : Nətərsən?
2017-10-17 : FAL QƏLƏM
2017-10-06 : TRANSPLANTASIYA
2017-09-16 : İlk zəng
2017-09-14 : MƏN ÖLƏCƏM
2017-09-11 : MƏN ÖLƏCƏM
2017-08-23 : SAHİBSİZLƏR
SON XƏBƏRLƏR
2019-09-19
2019-09-18


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Qarabağ", yoxsa "Sevilya"?

"Qarabağ" (66.67%)
"Sevilya" (33.33%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK