ANA SƏHİFƏ / YAZARLAR

SA ALLAH, KÜÇƏYƏ SİQARET ATMAYIN, MÜDİR HİRSLƏNİR

Nicat NOVRUZOĞLU

26573    |   2018-05-01 09:44
Şriftin ölçüsü:
A+ Böyütmək
A+ Balacalaşdır

Son zamanlar iş elə gətirir ki, tez-tez müdiri ora-bura mən aparmalı oluram. Amma sağ olsun, heç olmasa benzinimi müdir alır. Danlamağı da xoşlayır:

- A bala, yavaş sür…

- Solunu gözlə…

- Telefonuna əl vurma…

- Kəmərini bağla…

- Burdan sağa dön, sola dön…

- A bala, bəs mən olmayanda maşını nə təhər sürürsünüz?...

Və sair və ilaxır. Dostların dediyinə görə, müdir Şumaxerin sürdüyü maşına otursa, dünyanın bir nömrəli avtoşuna da irad tutar.

Srağagün yenə harasa aparıram, bərk hirslənib:

- Nə təhər jurnalistsən? Niyə yazmırsan?

- Nəyi müdir?

- Bax, Bakıda az qala bir milyon maşın var, sürücülər də, sərnişinlər də siqaret çəkirlər. Sonra da o siqareti pəncərədən atırlar küçəyə. Hər maşından gündə bir on dənə siqaret atsalar, eləyir on milyon. Bu gözəllikdə şəhəri zibilləyirlər. İndi gəl bu zibilləri təmizlə də. Yaz dana! Qına, ictimai qınaq yarat. Qoy bilsinlər ki, siqareti küçəyə atmaq olmaz, şəhəri zibilləmək olmaz. Budey, maşında külqabı var də, at ora, sonra bir yerdə dayananda tök zibilqabına.

Hələ çox danladı küçəyə siqaret atanları. Dedi, qayıdan kimi bu mövzunu yazırsan, özü də birinci səhifədən açırsan.

Dedim:

- Yaxşı, müdir, yazaram.

Və sonra da müdir ədəb-ərkanla maşının şüşəsini yendirdi, əlindəki siqareti də atdı küçəyə. Məni də bic gülmək tutdu.

Dünən vaxtım olmadı, amma bu gün müdirin tapşırığını yerinə yetirib istədiyi yazını yazdım. Amma bilmirəm oxuyandan sonra mənə töhmətdən-zaddan verəcək, ya yox?!




İmza:

YAZARIN ARXİVİ

2018-04-20 : İT GÜNÜNDƏ
2018-03-29 : DAY-DAY
2018-02-12 : XANALIQ
2018-01-24 : Vayına oturum
2017-11-01 : QOL-un içi
2017-10-25 : Nətərsən?
2017-10-17 : FAL QƏLƏM
2017-10-06 : TRANSPLANTASIYA
2017-09-16 : İlk zəng
2017-09-14 : MƏN ÖLƏCƏM
2017-09-11 : MƏN ÖLƏCƏM
2017-08-23 : SAHİBSİZLƏR
SON XƏBƏRLƏR
2020-07-09
2020-07-08


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (88.89%)
Pullsuz (11.11%)

ÇOX OXUNAN
GÜNÜN LƏTİFƏSİ

Siyasətçi ilə dolu bir avtobus seçki kampaniyası üçün kənd-kənd gəzirlərmiş. Avtobus böyük bir fermanın yanından keçərkən avtobus sürücünün diqqətsizliyindən dərəyə aşır.

Fermer qaçaraq gəlir və gecə qurda-quşa yem olmasın deyə cəsədləri basdırmağa başlayır.

Ertəsi gün polis sorğu üçün fermaya gəlir.

Fermerdən soruşur:

- Deməli, avtobusdakı bütün siyasətçiləri basdırdın. Hamısının ölü olduğundan əminsən?

Fermer cavab verir:

- Bəziləri yaşadıqlarını iddia elədilər, amma siyasətçiləri bilirsiniz də, necə yalan danışırlar. Amma məni aldada bilmədilər.




digər lətifələr
ARXİV
FACEBOOK