nulled forum sanal pezevenk hacklink satın al hacklink al Sit Giriş Hack haber epin scripti warez forum warez script hacklink nulled scripts warez forum xenforo nulled hack forum spyhackerz warez php script Adalet.az | DAY-DAY Adalet.az | DAY-DAY Adalet.az | Ədalət -
ANA SƏHİFƏ / YAZARLAR

DAY-DAY

Nicat Novruzoğlu

17520    |   2018-03-29 16:05
Şriftin ölçüsü:
A+ Böyütmək
A+ Balacalaşdır

Zəmanəmizin xilaskarı. Neyləyərik onsuz biz? Odur bizi tramplinə mindirən, odur bizi dartıb aparan, odur bizi biz eliyən. Onsuz biz nə karəyik.

Bu day-day o əksəriyyətimizdə olan dayıdan deyil. Yəni anamızın qardaşına dediyimiz dayıdan deyil. Bu day-daydı. O anamızın qardaşından da, hələ desəm özümüzdən də qiymətlidi.

Biri dünyaya gəlir. Böyüyür boya-başa çatır. Savada, elmə yiyələnir. Bu savadla, elmlə düşür bizim yaşadığımız əyalətin gerçəkliyinə. Özünü oda vurur, oddan bir şey çıxmır. Bu dəfə közə vurur. Közdən də bir şey çıxmır. Vurnuxur, hoppanıb-düşür, ora qaçır, bura qaçır. Amma nə fayda. Qalır ortalıqda. Day-day yoxdu deyə. Deyən də zamanında zaman deyib-bir ləlsən, çifaidə, yox qədrini bilən.

Amma böyründəki savadsızın biri gedir hey irəli. Heç ortalıqda görsənmir də. Elə xımır-xımır, addım-addım, səssiz-səssiz gedir irəli. Deməli, day-dayı var. Deyən də yoxdur ki, ayə, hara gedirsən, ayə.

Və yaxud da ki, oxumur qiymət alır, içkili vəziyyətdə "qai" saxlayır buraxır, sənəd verir darampıltıyla götürürlər işə, adam döyür gəzir, ağac kəsir, daş atır, mahnı oxuyur, bina tikir, torpaq zəbt edir, yolu qazır, klinika açır, dərman satır, rüşvət alır və s.

Day-day həyat içində həyatdır.

Day-day şandı, şöhrətdi. Lap elə baldı.

Hələ sevgidir də. Ən böyük sevgi day-daya olan sevgidir.

Day-day bir sığorta kartıdır. Hələ ondan da qabaqdı.

Amma nolsun ki, biz day-daylarımıza o bizə verdiyimiz həyatın müqabilində heç nə etməmişik. Çox heyf.

Baxdım şairlərimizin day-day haqqında qələmə aldıqları bir şeir tapmadım. Elə bil bunların day-dayı olmayıb. Elə bil day-daysız yaşayıblar. Day-daysız şair olar? Nolar bir day-day şeri yazsaz? Misranızın qafiyəsi pozular?

Heç day-day mahnımız da yoxdu. Oxumamışıq day-dayımıza mahnı. Anaya oxumuşuq, ataya oxumuşuaq, bacıya, qardaşa, sevgiliyə, balaya, meşəbəyinə, tut ağacına, qara xala, sarı gülə, nə bilim daha nələrə, amma day-dayı unutmuşuq. Baxmayaraq ki, day-day oxudub onları. Day-day dəstəyi ilə çıxıblar efirə.

Day-day odur ki, kimisə saxlasın. Day-day ki kimisə saxlamadı o day-day sayıla bilməz. Kimisə saxlamaq day-dayın nizamnaməsi, əsasnaməsidir. Di gəl ki, bir saxlanılan durub deməz ki, məni filankəs saxlayır. Məsələn, götürək elə müğənniləri. Bu balaca ölkədə əksəriyyət bilir ki, kimi kim saxlayır, kimi də xalq saxlayır. Həmişə xalqın adını çəkirlər, amma day-dayın yox. Niyə ay manıs, day-day sənə pislik edib? İstəmisən manıs olasan, o da edib də.

Hələ bu bir tərəfə. Birdən ki, bu day-dayın həmən o manısla şəkili çıxa efirə. Yenə də danırlar. Manıs da danır, day-day da. Onda məlum olur ki, sən demə, day-day sənətsevərmiş. O üzdən manısa day-daylıq edirmiş.

Bütün bunlarla yanaşı bir də görürsən ki, biri pır elədi qanadlandı. Deyirlər ki, redbull içib. Boş söhbətdi. O qanadı redbul verə bilməz. Həm də redbulun verdiyi qanad 1-2 saatlıq qanaddır. Onun redbulu day-daydır. Day-dayın verdiyi qanadın etibarlılıq müddəti müddətsizdi.

Day-dayın hər şeyi olduğu kimi cinsi də olur. O həm qadın cinsində ola bilər, həm də kişi. Amma hər iki halda da day-day elə day-daydır. Bu gün elə qadın day-daylar var ki, kişi day-dayları heç nədir onun yanında. Kölgəsində itib batır. Ona görə deyiblər ey, day-dayın erkəyi-dişisi olmaz.

Bu virtual həyat da day-daylara soyuqqanlı yanaşır. İnternetdə day-day yazdım kimsə çıxmadı. Çox heyfisləndim. Niyə gizlədirsiniz day-daylarınızı? Və ya nə vaxtacan gizlədəcəksiniz day-daylarınızı?

Bəlkə də day-daylar özləri bu gizlinli

yin tərəfdarıdırlar. Təvazökarlıq.

Vikipediyada day-day səhifəsi yoxdu. Yığmıyıb day-dayları başına vikipediya. Onların etdiklərini çatdırmayır dünyaya.

Bax belə, laqeyidlik axırı day-daysız qoyacaq Sizi. Gizlətməyin day-daylarınızı. Qoy hamı bilsin ki, kim kimin day-dayıdır.

P.S. Yeri gəlmişkən, mənə bir xahişlik day-day lazımdır. Kim day-dayını borc verə bilər?




İmza:

Deputatların heç birində koronavirus aşkarlanmadı - RƏSMİ

Türkiyədəki azərbaycanlı tələbələr dövlətə aid yataqxanalardan çıxarılmayıb - Erkan Özoral

Koronavirus səbəbindən bəşəriyyətin yarısı karantindədir

İlham Əliyev koronavirusa görə karantin üçün hotellərini ayıran iş adamlarına təşəkkür etdi

Azərbaycan Afrika İttifaqı Komissiyasına 20 min dollar yardım edib

Dövlət başçısı: “Yaşı 65-dən yuxarı insanlar evdə oturmalıdırlar. Vəssalam, birmənalı şəkildə!”

İlham Əliyev və Mehriban Əliyeva Bakıda tibb müəssisəsinin açılışında - YENİLƏNİB

Bakıda qadın vəhşicəsinə döyüldü: Polis araşdırmalara başladı

Cəlilabadda polisi güllələyən şəxs həbs edildi - RƏSMİ

Çinin dövlət müşaviri: Koronavirusla mübarizədə Azərbaycana yardım göstərməyə hazırıq

YAZARIN ARXİVİ

2018-04-20 : İT GÜNÜNDƏ
2018-03-29 : DAY-DAY
2018-02-12 : XANALIQ
2018-01-24 : Vayına oturum
2017-11-01 : QOL-un içi
2017-10-25 : Nətərsən?
2017-10-17 : FAL QƏLƏM
2017-10-06 : TRANSPLANTASIYA
2017-09-16 : İlk zəng
2017-09-14 : MƏN ÖLƏCƏM
2017-09-11 : MƏN ÖLƏCƏM
2017-08-23 : SAHİBSİZLƏR
SON XƏBƏRLƏR
2020-04-02


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (90.48%)
Pullsuz (9.52%)

ÇOX OXUNAN
GÜNÜN LƏTİFƏSİ

Bir adam xoşbəxtcəsinə dostuna deyir ki,

indiyədək həyatımda koronavirus kimi məni sevindirən bir hadisə olmamışdı:

- Arvad artıq səyahətə getmək istəmir!

-Artıq heç bir şey satın almır, çünki hər şey Çindən gəlir.

- Alış-veriş mərkəzlərinə də getmir ki, oralarda qələbəlikdi.

- Bütün günü də ağzına maska taxıb danışmır.

Bu virus deyil ey, Allahın mənə bir lütfüdü, kefdəyəm.





digər lətifələr
ARXİV
FACEBOOK