ANA SƏHİFƏ / YAZARLAR

Sabah olsa gedib dərdi atardıq...

11273    |   2018-03-10 00:20
Şriftin ölçüsü:
A+ Böyütmək
A+ Balacalaşdır

Gecə saat üçdür və Ruzbeh hələ də sevir

Ruzbeh mənim gənc dostlarımdandı. 27 yaşlı həmkarımla paytaxtdan kənarda keçirilən tədbirlərin birində tanış olmuşuq. Söz vermişəm ki, məşhur olanda bu tanışlığımızın tarixçəsi barədə daha geniş bir yazı yazacam. Hələlik isə həvəslə onu sizlərə də tanıdıram. Ruzbeh Məmməd Yardımlıda, Alçabulaq kəndində dünyaya gəlib, Lənkəran Dövlət Universitetində ali təhsil alıb, ekologiya üzrə mütəxəssisdir. Jurnalist kimi bir müddət müxtəlif redaksiyalarda çalışıb.
Bütün bunlar öz yerində, gənc dostum istedadlı şairidi, özünə də, sözünə də tələbkar qələm adamıdı.
Yəqin elə bu üzdən ilk kitabından-"Götür məni səssizliyə"dən sonralar imtina edib. Bir neçə il öncə "Qanun" nəşriyyatı onun "365 gün" adlı kitabını poeziya həvəskarlarının mühakiməsinə verib və müəllifin şeirləri ədəbi aləmdə maraqla qarşılanıb. Ruzbeh Məmməd Yazıçılar Birliyinə üzv qəbul olunub, Prezident təqaüdü alıb.
"Ulduz" jurnalı, ədəbiyyat portalları vaxtaşırı gənc şairin yaradıcılığına yer ayırırlar.

Sabah olsa gedib dərdi atardıq,
bu gün nədi-uzü üstə darıxmaq.
Ölüm nədi, həyat nədi, sevgilim,
addımbaşı dizi üstə yıxılmaq.

"Parlaq imzalar" nəşriyyatı "Yeni imzalar" seriyasından Ruzbeh Məmmədin "Gecə saat üçdür və mən səni sevirəm" kitabını bu günlərdə oxuculara təqdim edib. Düşünərək yaşayanlar üçün nəzərdə tutulan yeni kitabında şairin sevgi şeirləri toplanıb.

Yəqin, səndə qalır qoşa şəklimiz,
yəqin qocalıbdır şəkil divarda.
"Metropoliten hüznlərindən" bəhs edən gənc şair fikirlərini belə çatdırır:

Hələ sənin saçların,
hələ sənin əllərin
öyrəşməyib, incimə
gecələr darıxmağa...

Bu da gənc bir aşiqin "Qaranlıq sıxıntıları":

Səndən sonra heç bir işə
yaramadı qollarım...

İndi isə Ruzbehin "Axşam 8-dən sonra" hansı hisslərlə baş-başa qaldığını öyrənək:

Sən olduğun limanlara gecikmək ayrı qorxu,
sən olduğun küçələrdə üşümək ayrı dərddir.
Lap eləcə tutaq, yoxsan, başqa qadın, başqa eşq.
Heç ürəyin təntiməsin, qəti nigaran olma.
Tərk edilmək və sevmək indi ki, heç-heçədi...
Burda saat doqquz olub, sizdə saat neçədir?!

Şair başqa bir şeirində isə "Məni də unudaq"-deyir:

Bir qucaqlıq yerin var
qollarımda, hardasan?

Uzaqda darıxan sevgilisinə yol göstərir:
ayaqların üşüsə,
lap elə pis darıxsan,
götür ayaqlarını
gəl bizdə də üşüsün,
gəl bizdə də darıxsın.

Ruzbeh Məmmədin sakini olduğu "Ayrılıq şəhərində" tamam özgə bir mənzərə, tamam fərqli ovqat var. Şair bizə bunu belə çatdırır:

sən də çıxıb gedəndən
buralarda hüzndür.
yarıdan çox ağrımaq,
sən bildiyin üzüntü.

hər şey qoyduğun kimi,
hər şey yerli-yerində.
dəyişən heç nə yoxdur
ayrılıq şəhərində.

bizdə bütün ilboyu
qaranlıqdır pəncərə.
gündə yüz yol ölürəm,
darıxıram min cürə.

gör nə qədər vaxt keçib,
bildiyin nə çox, nə az.
sənə daha demirəm,
vaxtın olsa mesaj yaz...

Güman edirəm ki, gənc şair dostumun düşüncələri, sevgi yaşantıları ilə sizləri qısaca tanış edə bildim. Şairi daha ətraflı tanımağın ən yaxşı yolu onun kitabını oxumaqdı.
Ruzbeh Məmmədin "Parlaq imzalar" nəşriyyatında işıq üzü görən "Gecə saat üçdür və mən səni sevirəm" kitabı sizə maraqlı bir bələdçi ola bilər. Buraxılışa məsul Nurman Tariq, redaktoru isə Azər Elşadoğludur.
Bir də unutmayın ki, Ruzbehin yeni kitabı düşünərək yaşayanlar üçündü...




YAZARIN ARXİVİ

2018-09-14 : Bizi deyirlər...
2018-07-04 : İftixarımız
2018-04-07 : Fəxri Zakir
2017-12-02 : Onun adı Rey
2016-09-30 : ...Sadə Qabil
2016-08-13 : Poeziya, Salam
2016-08-12 : Poeziya, Salam
2016-06-11 : Təhsil elçisi
2015-10-09 : Qadağaya qadağa
2015-08-29 : Birinci 10 il
2015-04-11 : Təzə Ağdamlı
2015-03-20 : Bizim Corc
2014-12-13 : "Kitayski" çex
2014-04-05 : Abini anarkən...
2014-01-11 : Əfsanə bolluğu
2013-12-28 : Sonuncu alman
2013-11-30 : Nə sözün?
2012-08-09 : Gedin və baxın!
2012-05-30 : Məqsədli yazı
2011-08-27 : A+A+A
2011-01-08 : Hamı telekanala!
2010-10-02 : Al bıçağı...
2010-06-19 : Top, tar və...
2009-12-12 : 2012
2009-06-20 : YILMAZ, BU KİM?
2009-03-20 : DAVALI YORĞAN
2008-05-24 : Nazirlər soyunur
2008-04-26 : Qalxa-qalxa gedir
2008-03-30 : Tərcümeyi-hal
2008-03-01 : Mənə "beş" ver
2007-11-10 : Reklamlı yazı
SON XƏBƏRLƏR
2018-09-25
2018-09-24


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Qiymətlər qalxandan sonra avtobusa minəcəksiniz?

Hə (66.67%)
Yox (33.33%)

ÇOX OXUNAN
GÜNÜN LƏTİFƏSİ

Aşot Moskvadan bir urus qız alır. Gəlir İrəvanda da toy edir. Aradan on beş gün keçir, gəlin gileylənir:

- Bu necə olacaq, nə atanın, nə də ananın məndən xoşu gəlmir.

Aşot:

- Onları boş ver, əsas odur ki, müdirimin səndən xoşu gəlir.





digər lətifələr
ARXİV
FACEBOOK