ANA SƏHİFƏ / YAZARLAR

Faiq QİSMƏTOĞLU: İŞIQ SELİ

3086    |   2018-02-09 13:15
Şriftin ölçüsü:
A+ Böyütmək
A+ Balacalaşdır

… Dünyada elə insanlar, elə adamlar var ki, onlarla görüşəndə, söhbət eləyəndə sanki bir işıq selinə düşürsən. Və bu işıq seli səni öz ağuşuna alıb nurlu bir aləmə aparır. O nurlu aləm ki, sən orda ancaq yadda qalan, insanı yaşadan və həyatı sevdirən anlarla üzləşirsən. Belə adamlarla saatlarla, günlərlə söhbət eləsən, dərdləşsən heç vaxt bezməzsən, darıxmazsan. Çünki onların işıqlı dünyası səni heç vaxt darıxmağa və yorulmağa qoymur…

… Onda 1992-ci ilin avqust ayıydı. «Abşeron» sanatoriyasına müalicə olunmağa getmişdim. Və mənim qohumum rəhmətlik Hasil İbrahimov da orda baş həkimin müalicə işləri üzrə müavini vəzifəsində çalışırdı. Nə illah eləyirdim nə ona, nə də şöbə müdiri, gözəl həkim və insan Zülfüqar Kazımova bir qonaqlıq verə bilmirdim. Günlərin bir günü Hasil həkim dedi ki, səni gənc bir həkimlə tanış edəcəm. Görəcəksən ki, necə də gözəl insanlar var. Bir də gördüm ki, onun kabinetinə çox nurlu, orta yaşlı, ağ xalatlı insan daxil oldu. Onu görən kimi Hasil həkimin çöhrəsinə bir sevinc qondu və dilləndi:

- Dediyim həkim bax, budur. Şahin Quliyevdir! Bizdə şöbə müdiri işləyir.

Şahin həkim çox yüksək mədəniyyət və sevgiylə mənə əl uzatdı. Və gördüm ki, mənə əl uzadan bu həkim doğurdan da səmimi və ziyalı insandır. Və elə o vaxtdan da Şahin Quliyevlə mənim dostluğum bu günə kimi davam eləyir. Bir vaxtlar mənim dostlarım olmuş və haqq dünyasına qovuşmuş Hasil İbrahimovun və Zülfüqar Kazımovun ətrini, qoxusunu elə Şahin həkimdən alıram. Çox vaxt da söhbətimiz bu rəhmətliklər haqqında olur. Söhbətdən Şahin həkim kövrəlir və deyir ki, onların yeri həmişə görünür…

Yazıçı-publisist Seyran Səxavətin çox gözəl bir deyimi var: «İnsanın təkcə dərddən ürəyi partlamır, həm də sevincdən ürəyi partlaya bilər. Ona görə də biz sevincimizi dərdimiz kimi kiminləsə bölüşməyi bacarmalıyıq». Ancaq Şahin həkim heç vaxt dərdini kiminləsə bölüşən deyil. Sevincini, xoşbəxt anlarını dostlarıyla paylaşmağı bacaran ziyalıdır.

Ümumiyyətlə, mənim dostlarımın çoxu həkimlərdir. Əvvəlcə onların yanına pasiyent kimi getmişəm, sonra isə bu, dostluğa çevrilib. Həkim dostlarımın arasında dünyasını dəyişənlər də var: Hasil İbrahimov, Əhliman Əliyev. Onlar dünyanın çox təmiz və halal insanlarıydı. Bu gün isə tam məsuliyyətlə deyə bilərəm ki, mənim Firdovsi İbrahimov kimi, Rafiq Yusifli kimi, Müşfiq Həsənov kimi, İdrak Həsənov kimi, Köçəri Əliyev kimi çox savadlı, millətini və xalqını sevən ziyalı həkim dostlarımız var. Onlarla hər dəfə görüşəndə inanın, xəstəliyim, dərdim yadımdan çıxır. Çünki bu ziyalılar dünya ədəbiyyatını, klassik Azərbaycan yazıçılarını və şairlərini o qədər gözəl bilirlər ki, saatlarla onların söhbətindən doymaq olmur. Bizi də bir-birimizə yaxınlaşdıran məhz bu nur, bu işıq və bu həyat sevgisidir. Şahin Quliyev də mənim belə ziyalı həkim dostlarımdandır.

Ən azından ildə bir dəfə müalicəyə gedərkən onunla görüşür və dərdləşirik. Dəqiqələr, saatlar elə tez ötür ki, 15 günün necə gəlib keçdiyini duya bilmirəm. Həmişə də məndən dost kimi bir xahiş eləyir. Deyir ki, müalicəyə getməmişdən öncə mənimlə görüş, sonra müalicə qəbul elə. Bunun özü də çox böyük dost sevgisidi desək, yanılmarıq.

Bu günlərdə, daha doğrusu, fevralın 2-də hörmətli prezidentimiz cənab İlham Əliyevin sərəncamı ilə Şahin Quliyev uzun müddət səhiyyə sahəsindəki səmərəli fəaliyyətinə görə, «Əməkdar həkim» fəxri adına layiq görülüb. Gözəl ziyalı və mənən zəngin olan Şahin həkimin bu fəxri ada layiq görülməsi bir dost olaraq məni çox sevindirdi. Çünki həmişə mən onun dərin məntiqi təfəkkürünün, vətənpərvərliyinin və bir həkim olaraq vicdanlı, ziyalı olduğunun şahidi olmuşam. Bu insan nə qədər ucalığa qalxsa da, öz sadəliyini və səmimiliyini qorumağı bacarıb.

«Abşeron» sanatoriyasının baş həkimi Fəxrəddin Kazımov da elə mənim uzun illər dostluq elədiyim ziyalılardandı. Yəni Fəxrəddin Kazımovla ürək söhbəti eləmək, onunla bir stəkan çay içmək adamı çox gözəl bir aləmə aparır. Düşünürsən ki, nə yaxşı belə ziyalılar var və nə yaxşı onlarla dostluq eləyirsən. Fəxrəddin həkim Şahin Quliyevin cənab prezident tərəfindən belə fəxri ada layiq görülməsini çox yüksək qiymətləndirir. Deyir ki, bu təkcə cənab prezidentin Şahin Quliyevə verdiyi qiymət deyil, həm də bizim kollektivimizə göstərilən çox böyük qayğıdır. Biz həmişə Şahin Quliyev kimi həkimlərimizlə qürur duymuşuq. Bir dəfə sizin qəzetdə bizim gözəl həkim, Allah dərgahına qovuşmuş Zülfüqar Kazımov barəsində yazınızı oxudum. Və həmin qəzeti özümün arxivimdə saxlayıram. Sizin kimi insanların dostlara sədaqətli olduğunu görəndə bir daha düşünürəm ki, həqiqətən də jurnalist qələminə və jurnalist vicdanına söykənən insanlar nə yaxşı ki, bu gün var. Bir daha mən Şahin həkimi bu fəxri ad münasibətiylə təbrik eləyirəm.

Şahin Quliyev 13 dekabr 1960-cı ildə anadan olub. Azərbaycan Dövlət Tibb İnstitutunun (Universitetin) müalicə-proflaktika fakültəsini bitirib. 1986-cı ildə «Abşeron» sanatoriyasında həkim kimi fəaliyyətə başlayıb. 1988-89-cu illərdə isə Sankt-Peterburqda Həkimlərin Təkmilləşdirmə İnstitutunda 6 aylıq kurs keçib. Müxtəlif beynəlxalq konfranslarda iştirak edib. O, öz istedadı və zəhmətiylə həmişə seçilib. Və onu da xatırladaq ki, Şahin həkim bu mərtəbəyə, bu yüksəlişə öz zəhməti və halal əməyiylə çatıb. Yəni onun arxasında hansısa imkanlı və vəzifəli adam olmayıb. İnsan da hər hansı zirvəyə öz gücü hesabına çatanda o daha gözəl olur. Çünki bu zirvəyə gedən yol yuxusuz gecələrdən, zəhmətdən keçir.

Həmişə başqalarından öz dəsti-xətti və yüksək mədəniyyətiylə seçilən bu gözəl insan müxtəlif vaxtlarda Azərbaycan Həmkarlar Konfederasiyasının Fəxri Fərmanlarına layiq görülüb. Ötən il «Dədə Qorqud» Milli Fondu tərəfindən «Qızıl ürək» mükafatıyla təltif edilib. O deyir ki, mən həmişə çalışmışam ki, harda işləməyimdən asılı olmayaraq, həkim peşəsini uca tutum və insanlara bacardığım tibbi xidməti göstərim. Əgər buna layiq olmuşamsa, deməli, insanlığa bir addım da yaxınlaşmışam…

… Ötən ilin payızında Şahin həkimlə bir daha görüşdük. Onda da söhbətimiz çox şirin və səmimi keçdi. Ən çox sevdiyi amerika yazıçısı Cek Londonun «Həyat eşqi» və «Tonqal» hekayələrini yada salırdı. Bu söhbətlərdən bir daha əmin olurdum ki, mənim dostum, gözəl insan və həkim Şahin Quliyev dünya ədəbiyyatını bu gün də izləyir və mütaliyə edir. O, baş həkimin müalicə işləri üzrə müavini vəzifəsində çalışır. Şahin həkim eyni zamanda fəlsəfə doktorudur. İki övlad atasıdır.

… O, həmişə sevincini insanlarla bölməyi bacaran ziyalıdır. O heç vaxt başqaları kimi bir uğuru əldə edəndə özünü qaldırıb dağın başına qoymaz. O heç vaxt kiməsə yuxarıdan aşağı da baxmaz. Sadəcə olaraq, öz ömrünü yaşayır və çalışır ki, insanlara hardasa bir əl tutsun, yaxşılıq eləsin və arxa dursun. O arxa ki, vaxtında heç kəs ona «qorxma!» deməyib. Amma özü çətinə düşənlərə, sıxıntılı anlar yaşayanlara arxa durub. İnsanı yaşadan həm də sevincli anlarında o sevinci, o işığı, o nuru və o gözəlliyi başqalarına ötürməkdir.

Və mənim tanıdığım Şahin Quliyev də ömrünün bu 58 ilində həmişə insanlara qəlbinin nurunu, ürəyinin işığını paylayıb. Və bu işıq da heç vaxt, heç zaman sönən deyil. Ən azından ona görə ki, bu işıq selini, bu nuru ona Allah-Təala bəxş edib…




İmza:

YAZARIN ARXİVİ

2017-12-15 : O BİR QAYA
2017-12-13 : PARTAPART...
2017-12-05 : UNA NƏ QATAQ?
2017-11-28 : O BALACA UŞAQ
2017-11-22 : QALXIN, OTURAQ!
2017-11-08 : O, BİR NUR İDİ
2017-08-31 : DUZSUZ ADAMLAR
2017-08-28 : İSRAFÇILIQ
2017-08-18 : MÜBARƏK ÖLÜM
2017-08-11 : AY İŞIĞI
2017-07-07 : NƏNƏ VƏ NƏVƏ
2017-06-23 : MÖCÜZƏ
2017-06-06 : ÖLDÜR MƏNİ...
2017-05-23 : ÖLMƏYƏN ÜMİD
2017-05-12 : QARA QOÇ
2017-03-30 : NANKOR OĞUL
2017-03-17 : TUT QURUSU…
2017-02-03 : ÖLÜ XORTLADI…
2017-01-06 : BU ÜRƏKLƏ…
2016-12-09 : SÖZÜN ƏTRİ
2016-11-05 : O YAZ YAĞIŞI...
2016-11-04 : O YAZ YAĞIŞI…
2016-10-15 : AĞ YUXU
2016-07-09 : ÇİNAR AĞACI
2016-04-23 : ŞEYTAN AĞACI
2016-03-08 : BALACA PADŞAHLAR
2016-02-20 : KÖPƏYƏ EHSAN
2016-01-16 : DÜNYA MALI...
2015-11-14 : EŞŞƏK SÜDÜ
2015-08-22 : ZƏRBƏ
2015-07-04 : AĞACLAR QURUYUR
2015-06-13 : QORXMA, OĞUL!
2015-06-02 : ALAÇATI...
2015-05-16 : BİR KƏLMƏ...
2015-05-15 : ARXAYA BAXANDA...
2015-05-01 : ENDİRİMLƏR...
2015-04-11 : YAZ YAĞIŞI
2015-04-03 : BOLLUQ OLACAQ?
2015-03-20 : ELÇİLİK
2015-03-14 : DƏYİRMAN DAŞI
2015-03-05 : "BARI NAXÇIVAN"
2015-02-14 : FALA BAXIRAM
2015-01-24 : GÖZƏL ÖLÜM
2015-01-16 : QARA ÇÖRƏK
2015-01-15 : QARA ÇÖRƏK
2014-12-31 : SƏBRLİ OLSAN...
2014-12-20 : KİRVƏ
2014-12-13 : DİLİN BƏLASI
2014-12-06 : CƏHALƏT QUYUSU
2014-11-29 : LOTU
2014-09-27 : SƏBR ELƏ
2014-09-25 : BELƏ TOY OLAR?!
2014-09-20 : BÖYÜK GÜNAHLAR
2014-09-13 : KÜPƏ
2014-09-06 : BEŞ CANAVAR
2014-09-03 : SU QITLIĞI...
2014-08-16 : BÖYÜK DAYAQ
2014-08-12 : LAQEYDLİK
2014-08-09 : SOYUQ ADAMLAR...
2014-08-02 : TÖHMƏT
2014-07-19 : YALAN...
2014-06-07 : ÇƏTİN GÜN
2014-05-28 : EHSAN
2014-05-17 : ƏLDƏN QALAN...
2014-03-08 : Təmiz adam
2014-03-01 : Qarınotaranlar
2014-02-28 : Yağmurlu hava...
2014-02-22 : GÜN KEÇDİ...
2014-02-08 : TOY GECƏSİ...
2014-01-25 : TAMAH
2014-01-18 : XƏCALƏT TƏRİ
2014-01-11 : YAĞIŞ...
2013-12-28 : DÖNÜŞ
2013-11-23 : SƏDR ATI
2013-11-16 : YURD YERİ...
2013-11-02 : PAXIL
2013-09-07 : BAŞ REDAKTOR
2013-08-31 : CADUGƏR
2013-08-17 : KOBRA
2013-08-03 : POÇTALYON
2013-07-27 : AYRILIQ...
2013-07-20 : SÖZGƏZDİRƏN
2013-07-13 : SƏNGƏR
2013-07-06 : QUDURĞAN
2013-06-22 : DƏMİRÇİ
2013-06-15 : GOPÇU KİŞİ
2013-05-25 : QOHUMLUQ
2013-05-18 : HƏSRƏT YAĞIŞI
2013-05-11 : ƏRİK AĞACI
2013-05-04 : AYRILIQ
2013-04-27 : ELÇİLİK
2013-04-20 : İLDIRIM
2013-04-13 : GÜN İŞIĞI
2013-04-06 : DÖYÜŞ
2013-03-30 : EHSAN
2013-03-20 : YARMARKA OYUNU...
2013-03-16 : ÜRƏK DÖZSƏ...
2013-03-08 : KOR ARVAD
2013-03-02 : YALTAQ
2013-02-23 : ZƏHRİMAR
2013-02-16 : SÖNƏN OCAQ
2013-02-02 : DÜYÜN
2013-01-26 : VƏZİFƏ
2013-01-19 : MƏRDİMAZAR
2012-12-22 : QORXU
2012-12-15 : TƏNHA QOCA...
2012-12-08 : ÜZÜK
2012-11-27 : GÖZ DƏYİB...
2012-11-27 : QAN DAVASI...
2012-09-15 : GECƏYARISI QƏTL
2012-08-18 : GÖZ YAŞI...
2012-08-04 : DAŞ HASARLAR...
2012-06-15 : TOY...
2012-06-02 : DURULAN DÜNYA...
2012-05-12 : KÖÇ...
2012-04-28 : POÇT QUTUSU...
2012-04-07 : ÜNVANSIZ EŞQ
2012-03-03 : ZƏHƏR TULUĞU
2012-02-18 : POLKOVNİK...
2012-02-11 : YALANÇININ...
2011-12-31 : Bir ovuc torpaq
2011-12-24 : DÜZ SÖZ...
2011-12-17 : O DÜNYALIQ...
2011-12-10 : QUTUDA İLAN...
2011-12-03 : ARTIQ TAMAH...
2011-10-22 : DƏRİN QUYU...
2011-08-13 : PARTLAYIŞ...
2011-08-06 : OD İÇİNDƏ...
2011-07-23 : AĞ DÜNYA...
2011-05-07 : QARA EYNƏK...
2011-04-30 : HAQSIZLIQ
2011-04-23 : MÜBARİZƏ...
2011-04-16 : GÜNAH...
2011-02-12 : HARINLIQ...
2010-12-31 : ATƏŞFƏŞANLIQ
2010-11-06 : BAHALIQ
2010-08-28 : DƏLƏDUZLUQ...
2010-07-10 : BƏDNƏZƏR
2010-06-12 : ÇƏTİN GÜN
2010-03-13 : YOLUNU AZANLAR...
2010-02-27 : YASİN PULU
2010-02-20 : ÇİY SÜD
2010-02-13 : YANAR ÜRƏK...
2010-01-09 : YAD QIZI
2009-12-31 : DÜNYA QOPUR
2009-12-19 : UZUN GECƏ...
2009-11-07 : ADAM OL...
2009-10-24 : QURDUN PAYI...
2009-08-15 : DƏLİXANA
2009-06-06 : NADAN
2009-05-09 : BUZ BALTASI
2009-05-02 : PULSUZLUQ
2008-10-30 : ÇİY SÜD
SON XƏBƏRLƏR
2018-02-21
2018-02-20


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Real" PSJ-yə qalib gələcəkmi?

Hə (75%)
Yox (25%)

ÇOX OXUNAN
GÜNÜN LƏTİFƏSİ
- Xeyrulla salam, necəsən? Nəsə toydan sonra səsin çıxmır, təzə gəlin bacıyla necəsən?
- Hər şey əladı, mən heç zaman bu qədər xoşbəxt olmamışdım.
- Arvad yanındadı deyəsən.
- Mən həyatımdan çox razıyam.
- Başa düşdüm. Möhkəm dur qardaş, neyləmək olar?!




digər lətifələr
ARXİV
FACEBOOK