ANA SƏHİFƏ / MÜSAHİBƏ

Sabir Rüstəmxanlı: “YA VAHİD NAMİZƏD, YA DA..."

31921    |   2017-12-14 14:32
Şriftin ölçüsü:
A+ Böyütmək
A+ Balacalaşdır

Bir müddət əvvəl "Vətəndaş Həmrəyliyi Partiyası”nın sədri Sabir Rüstəmxanlının qarşıdan gələn prezident seçkilərində müxalifətin vahid namizədi olması ehtimalından yazsaq da, ölkədə olmaması səbəbindən məsələyə onun öz münasibətini öyrənə bilməmişdik. Nəhayət, bu günlərdə Türkiyə səfərindən qayıdan partiya sədriylə sözügedən mövzuda söhbətləşmək cəhdimiz baş tutdu.

-Sabir bəy, 2018-ci ildə keçiriləcək prezident seçkilərinə hazırlaşırsınızmı? Bu istiqamətdə partiyanızda nə kimi işlər görülür? Başqa siyasi qurumlarla hər hansı məsləhətləşmələr aparılırmı?

- Seçki ilə bağlı bütün partiyalarda müəyyən hazırlıqlar gedir, müxtəlif siyasi partiyalar arasında görüılər keşirilir. Müxalifət düşərgəsinin seçkiyə münasibətilə bağlı bir neçə görüş keçirilib. Bəzilərində biz də iştirak etmişik. Hələ ki, daha çox seçkidə iştirak etmək, yoxsa baykot taktikası seçmək ətrafında fikir mübadiləsi aparılır. Bizim mövqeyimiz hər zaman birmənalı və dəyişməz olub - seçkidə iştirak etmək lazımdır. Seçkidə iştirak hələ namizəd irəli sürmək anlamına gəlmir. Sadəcə, söhbət partiyanın, onun üzvlərinin iştirakından gedir. O ki qaldı mənim özümün namizəd kimi seçkiyə qatılmağıma, bu məsələ hələ gündəmdə deyil. Bizim partiyanın qarşıda qurultayı var. Rayonda konfranslar keçirilir, artıq yekunlaşmaq üzrədir. Qurultay keçirə bilsək, yəqin ki, orda qərar qəbul edəcəyik.

Seçkilərlə bağlı qanunvericilikdə də dəyişikliyə ehtiyacı olan çox məqamlar var. Seçkinin ayrı-ayrı mərhələləri üçün nəzərdə tutulan müddətlər qısaldılıb. MSK ilə bağlı, seçki qanunu ilə bağlı çoxlu təkliflər var, heç biri nəzərə alınmayıb. Həmişə olduğu kimi yenə də vaxta az qalanda müzakirələr başlayacaq. Nəzərə almaq lazımdır ki, gələn il ölkəmizdə başqa mühüm tədbirlər də çoxdur. Xalq Cümhuriyyətinin yüz illiyi, milli azadlıq hərəkatının 30 illiyi...

-Neçə vaxtdır ki, Türkiyədə səfərdəydiniz. Maraqlıdır, oradakı siyasi partiyalarla seçkiyə dəstəklə bağlı müzakirələriniz oldumu?

- Bir çox siyasi partiyalarda, Türkiyə Böyük Millət Məclisində tanışlarım var. Rusiya duması ilə əlaqələrim var. Amma mən heç vaxt seçki məsələsini xarici ölkə siyasətçiləri ilə müzakirə etməmişəm. Bu hər bir ölkənin daxili işidir. Sadəcə olaraq, biz orda keçirilən seçkilərlə necə maraqlanırıqsa, onlar da elə maraqlanırlar. Mənim MHP, AKP və CHP-də yüksək səviyyədə tanışlarım var. Onlarla məsləhətləşməm olmayıb ki, siz bu işə necə baxırsınız. Sadəcə maraqlanırlar ki, seçki necə olacaq. Biz də ölkədə gedən seçkiyə hazırlıq prosesi ilə bağlı məlumat veririk, amma başqa elə bir xüsusi əməkdaşlıq söhbəti yoxdur.

-Mətbuatda Ədalət Partiyasının sədri İlyas İsmayılovla görüşərək seçki müzakirələr apardığınız barədə məlumatlar getmişdi. Belə bir görüş həqiqətən baş tutubmu və əgər sirr deyilsə, orda konkret nə barədə danışmısınız?

-İlyas İsmayılovla biz dostuq, həmişə yaxşı münasibətimiz olub. Milli məclisdə də əməkdaşlıq etmişik, parlament seçkiləri ərəfəsində bizim bir blokumuz var idi. İlyas bəylə seçkidən asılı olmayaraq bir ziyalı kimi hər zaman yaxşı münasibətimiz olub. Seçki ilə bağlı ümumi söhbətlər olur, qərar səviyyəsində ortada bir şey yoxdur. İndidən müxalifətin vahid namizədi məsələsini ortaya atmaq ümumi işə xeyir verməyəcək. Mən düşünürəm ki, əgər bu işə ciddi yanaşarıqsa, vahid namizəd də ola bilər. Əgər siyasi partiyalarda o iradə varsa, indidən namizədini verib, onu müdafiə edib, təbliğatını apara bilər. İki variant var – biri vahid namizəd, biri də seçkiyə dağınıq hazırlıq.

-Əgər vahid namizəd baş tutmasa, İlyas müəllimlə birgə seçkiyə getmək variantı ola bilərmi? Olarsa, kimin namizədliyi ilə?

-Dedim axı, bizim İlyas müəllimlə belə konkret müzakirələrimiz olmayıb.


Söhbətləşdi: Sübhan Mahmudlu




İmza:

"Azərbaycan şairlərinin ölkəmizdə çoxlu pərəstişkarı var" - MÜSAHİBƏ

“Prezidentə dedi ki, Ramiz Mehdiyevlə Əli Həsənov mətbuatda məndən yazdırır” - Siyavuş Novruzov

102 illik şərəf salnaməsi

Rasim Müzəffərli: “Pandemiya “Vətən” anlayışını gücləndirir”

Qorxsam da, geri çəkilmədim - MÜSAHİBƏ

“Mavi boyalı ev”-xoşbəxtliyin, ümidin rəngidi - MÜSAHİBƏ

Aqil Abbas: "İtə çölə çıxmağa icazə verirlər, uşağa qadağa qoyurlar…" - MÜSAHİBƏ

"Arzum işğal olunmuş rayonlarımızda müəllimlik etməkdir" - MÜSAHİBƏ

"Arxiv sənədlərini almaq üçün bankdan kredit götürdüm" - MÜSAHİBƏ

Oqtay Qasımovdan Sülhəddin Əkbərə sərt cavab

“SURƏT HÜSEYNOV BU GÜN DƏ BİZƏ HƏDƏ-QORXU GƏLİR...” - Keçmiş baş prokurordan sensasiyalı açıqlamalar

“HƏBS EDİLƏNLƏR SONRADAN YAP-a QOŞULANLARDIR...” - “Partiyamızda da islahatlar olmalıdır”

SON XƏBƏRLƏR
2020-07-07
2020-07-06


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (88.57%)
Pullsuz (11.43%)

ÇOX OXUNAN
GÜNÜN LƏTİFƏSİ

İki qonşu olur: biri hamıya pislik edən, bir neçə villanın sahibi, gününü eyş-işrətdə keçirən, Allahı, peyğəmbəri tanımayan bir məmur. O birisi də Allahı, peyğəmbəri tanıyan, xoş xasiyyətli müəllim.

Bir gün Allahı, peyğəmbəri tanımayan məmur ölür. İki-üç aydan sonra müəllim də ölür.

İnkir-minkir müəllimi sorğulayır, görürlər yaxşı adamdı, amma onun da günahları var. Deyirlər:

- Davay, cəhənnəmə.

Bir söz demədən gedir girir cəhənnəmə.

Bir az fırlanmış görür ki, məmur qonşusu oturub stolun başında, böyür-başında da əyanları. Məmurun başında da dəfnə çələngi. Yaxınlaşıb deyir:

- Qonşu, o dünyanı qatıb-qarışdırdın, min günaha batdın, cəhənnəmdə də stolun başında oturmusan, yanında da əyanların, başında da dəfnə çələngi.

Məmur deyir:

- Ə, yaxşı bax, məni ağaca keçiriblər, başımda çiçəkləyib.





digər lətifələr
ARXİV
FACEBOOK