ANA SƏHİFƏ / YAZARLAR

ATATÜRKÜ ANMAQ İSTƏDİM

5392    |   2017-11-11 00:22
Şriftin ölçüsü:
A+ Böyütmək
A+ Balacalaşdır

Dünən Atatürkün əbədi dünyaya köç etdiyi gündü. Bu səbəblə ardıcıl olaraq yazmaq istədiyim "Barzani-Barzanilər" adlı yazımın ikinci hissəsini gələn həftəyə buraxıb Atatürklə bağlı bir məqalə yazmaq qərarına gəldim.
Atatürk, mənsubu olduğu millətə hədsiz məhəbbət bəsləyən, ona inanan, nəhayətsiz ümid bəsləyən bir liderdi. Xalq da özünü sevən, ona etimad edən və ona ümid bəsləyən bir liderin arxasında səf bağladı, bütün varlığı, gücü-qüdrəti ilə onun göstərdiyi mənzilə sarı yürüdü və hər bir küncü işğal edilmiş ölkədən işğalçıları qovdu, əzəli və əbədi yurdunda azad və müstəqil yaşamağa haqq qazandı.
Atatürk hər şeydən öncə ağılı ön planda tutan, elmə üstünlük verən və uzaqgörən bir liderdi. 1936-cı ilin may ayının 28-ci günü Türk Hava Qurumu adlı təşkilatı ziyarət edərkən söylədiyi bu sözlər onun uzaqgörənliyindən xəbər verən sadəcə olaraq bir örnəkdir:
"Gələcəyin ən qiymətli silahı heç şəkkiniz olmasın təyyarələr olacaqdı. Bir gün bəşəriyyət təyyarəsiz də göylərdə yeriyəcəkdi. Planetlərə gədəcək, bəlkə də bizə aydan mesajlar yolluyacaqdı. Bu möcüzənin gerçəkləşməsi üçün 2000 ilini gözləməyə ehtiyac qalmayacaq. İnkişaf edən texnoloji elə indidən bu nəticənin muştuluğunu bizə təqdim edir. Bizə düşən vəzifə də bu yolda qərbdən geridə qalmamaqdır".
Atatürk millətinə, onun gəncliyinə bu cür bir hədəf göstərərkən çox yaxşı bilirdi ki, XI əsrdən başlayaraq türkləri doğma yurdlarından qovmağa çalışan Səlib Yürüşlərini təşkil edən qüvvələrin davamçıları ona daimi olaraq hücum çəkəcəklər.
Ortaşərq məsələsi haqda mütəxəssis olan Almaniyalı Kurt Ziemke 1930-cu ildə "Yeni Türkiyə" adlı bir kitab yazaraq çap etdirib. Özü strateg olan Ziemke Almaniyanın Türkiyə ilə bağlı siyasətinin hansı xətt üstündə yeridilməsi haqda görün nələr yazıb:
"İngilislər Mosulda öz hədəflərinə çatmaq üçün bir tərəfdən Türkiyədə təfriqəçilik siyasəti yeridib kürdləri və digər xalqları Türkiyənin əleyhində qışqırdır, digər tərəfdən də Atatürkün həyata keçirdiyi fikirlərin yayılmasına mane olmaq məqsədi ilə bir sıra tədbirlərə müraciət edirdi. Onlar Türkiyə Cümhuriyyətini həm din düşməni, həm də kürd düşməni kimi təqdim edirdi".
Amerika, İngiltərə, Almaniya və digərləri indi hansı işi görür bəs?
İnsanı dəhşətə gətirən şey isə hələ də bu cür fikirlərin yaşadığımız çağda öz qüvvəsində qalmasıdır. O gün olmur ki, biri çıxıb Atatürkü dinsiz, kafir, yəcuc-məcuc, yəhudi, mason nə bilim nə kimi qələmə verməsin, ya da əlinə keçirdiyi hər hansı bir şeylə onun heykəlinə hücum çəkməsin. Görəsən bu axmaqlar (Bəlkə də Səlib Yürüşlərini təşkil edənlərin indiki nümayəndələrinə, Birinci və İkinci Dünya müharibələrini törədən, milyonlarla ocağı məhv edən işğalçı qüvvələrə casusluq edənlər) Atatürkə hücum çəkmək üçün kimdən, kimlərdən cəsarət alır? Yoxsa bu cəsarəti "İki əyyaş baş-başa verərək..." sözlərini deyəndən cəsarət alırlar?
Və indiki Türkiyədə işğal edilmiş bir vətəni, dağılmış bir imperiyanı Tanrının köməkliyi ilə dostlarını da yanına alıb millətini oyadan, yeni bir dövlət yaradan bir tarixi şəxsiyyətin təhqir edilməyinə görəsən niyə lazımi tədbiri görüb onlara layiq olduqları cəzanı vermirlər? Çox müəmmalı bir məsələdir.
Türk xalqı Azadlıq Müharibəsini yeridərkən qərbli işğalçı dövlətlər Atatürkü "Müsəlman dünyasının militarist lideri" deyə təsvir edirdi. Çünki onlar Atatürkün hansı həyat yolunu keçib gəldiyini, İslam dininə duyduğu səmimi məhəbbəti yaxşı bilirdi və müsəlman dünyasını oyadacaq yeganə lider kimi görürdü.
Atatürk 1920-ci ilin avqust ayının 5-ində Pozantı bölgəsində təşkil edilən konqresdə çıxış edərkən bu sözləri dilə gətirmişdi:
"Peyğəmbərimiz əsarət tanımayan dindar ümmətinin cihad ordularının öncüsü olmaqla şərəf duyur, iftixar edirdi". Peyğəmbərinin həyatını, onun məqsədini, liderliyinin qüdrətini bu səviyyədə bilən bir şəxsiyyət işğalçılar üçün qorxulu idi.
Tanrı Araf surəsinin 157-ci ayətində bunları buyurub:
"Onlar ki, yanlarındakı Tövrat və İncildə adları yazılan ümmi peyğəmbərlərə uyar; o onlara yaxşılığı əmr edər, pis və çirkin şeylərdən onları kənarlaşdırar. Gözəl şeyləri onlara halal, pis olanları da qadağan edər. Çiyinlərindəki ağırlıqlardan xilas edər, onların zəncirlərini, qandallarını söküb tullayar. Ona inanan, onu dəstəkləyən, ona yardım edən, ona endirilən işığa uyanlar qurtulanların düz özüdür".
İtaliya 1911-ci ildə Trablusqərbə (Livya) hücum çəkdikdə Atatürk, Ənvər Paşa, Yaqub Cəmil, Quşçubaşı Əşrəf, Əli Fəthi Okyar kimi könüllü zabitlərlə Liviyaya gedərək bölgə xalqını təşkilatlandırıb İtaliyan ordularına qarşı partizan döyüşlərini başladıb. O günlərdə Livyalı Ömər Muxtar (sonradan milli qəhrəman oldu) və Şeyx Əhməd Sünusi ilə tanışıb dost olmuşdu. Sünusi Azadlıq Müharibəsi əsnasında Anadoluya gəlib işğalçılara qarşı Atatürkün səfində döyüşmüşdü.
Atatürk belə bir şəxsiyyətdi. İndi bəzi ağzıgöyçəklər ona sadəcə olaraq Qazi Mustafa Kamal deyə xitab edir. Babalarımız yaxşı deyib: Kül başına ay Araz, üstündən təzək atdanır.
Məkanın cənnət olsun, ey Ulu Peyğəmbərinin yolunda yeriyən, xalqını özgələrinin qulu olmaqdan xilas edən insan...






YAZARIN ARXİVİ

2017-10-21 : NƏ YAZIM?
2017-03-10 : XOCALI-DӘNİZLİ
2017-03-04 : XOCALI-DӘNİZLİ
2016-12-17 : Etimad, kimə???
2016-11-12 : TANRININ DOSTLARI
2016-09-24 : Salam, Dostlar
2016-05-28 : ATA YURDUMUZDA
2016-03-05 : XOCALI HƏFTƏSİ
2015-12-30 : YENİ İL
2015-12-26 : BİZİM DÜNYAMIZ
2015-12-05 : KÜLƏK ƏKƏN...
2015-11-28 : ÜÇ GÖMRÜK
2015-10-31 : SEÇKİLƏRİMİZ
2015-10-17 : KÖÇÜMÜZ
2015-08-29 : ALTAYDAN QAFQAZA
2015-06-20 : KİMDİR QATİL?!
2015-06-06 : LÜKSEMBURQDAN
2015-05-02 : 24 NİSAN
2015-03-14 : 8 MARTIN ARDINDAN
2015-03-07 : XOCALINI ANLAMAQ
2014-12-27 : BODUN
2014-11-29 : XƏZƏRİN MEHİ
2013-10-26 : XƏYALİ
2013-10-05 : ZEHTABİNİ ANDIQ
2013-09-28 : SAĞ OL, BAKI
2013-08-17 : KEÇƏN GÜNLƏR
2013-08-03 : BELƏ DÜNYANIN
2013-03-30 : BAYRAMIN ƏZABI
2013-03-16 : XOCALI HƏFTƏSİ
2013-02-02 : ADIMIZLA BAĞLI
2012-11-21 : VAXT
2012-11-17 : VAXT
2012-09-01 : TİFLİS-BAKI
2012-04-07 : İNGİLİS OYUNU
2012-02-25 : XOCALI DƏRDİ
2011-10-29 : VƏHHABİLİK
2011-10-08 : VƏHHABİLİK
2011-09-17 : ELƏ GÜVƏNMƏK
2011-09-10 : ALTAY BİLİK
2011-08-13 : NƏJDƏT QOÇAQ
2011-06-04 : 28 MAYI ANLAMAQ
2011-05-28 : YALANÇININ ŞAMI
2011-04-16 : SİZ NƏSİNİZ?
2011-04-09 : ANA - OĞUL
2011-03-12 : ONLAR VƏ BİZ
2011-02-26 : XOCALI SOYQIRIMI
2011-02-05 : QURULTAYIMIZ
2011-01-29 : MAŞA SARKİSYAN
2010-10-30 : BAKI QEYDLƏRİ
2010-10-02 : AXTA-MAR
2010-07-10 : 35 QURUŞ
2010-05-15 : ZİDDİYYƏT
2010-04-24 : BAYQUŞLAR
2010-02-27 : TÜRKÜN ANALARI
2010-02-13 : ÇİÇİ
2009-11-27 : TÜRK MİLLƏTİ
2009-10-31 : BAYRAQ
SON XƏBƏRLƏR
2017-11-18
00:37 DEYİLƏM
2017-11-17


VİDEO





ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Qarabağ" "Çelsi"yə qalib gələcəkmi?

Hə (66.67%)
Yox (33.33%)

ÇOX OXUNAN
GÜNÜN LƏTİFƏSİ
Ər və arvad evin qarşısında oturublar. Bir turist gəlir və kişidən ingiliscə yolu soruşur. Kişidən səs yox. Turist bu dəfə almanca soruşur. Kişidən yenə səs yox. Turist bu dəfə Fransızca danışmış. Yenə səs yox. İspanca, yenə səs yox. Turist əsəbiləşib gedir. Arvad ərinə deyir:
- Bir dil öyrənməyin zamanı gəldi deyəsən.
- Boş ver, nə gərək var? Adam bu qədər dil bilir, dərdini mənə başa sala bilmədi.




digər lətifələr
ARXİV
FACEBOOK