Film izle hacklink kiralık bahis sitesi satılık bahis sitesi Adalet.az | Aqil ABBAS: AY ALLAH, MƏNİ NİYƏ ŞƏHİD ELƏMƏDİN?! Adalet.az | Aqil ABBAS: AY ALLAH, MƏNİ NİYƏ ŞƏHİD ELƏMƏDİN?! Adalet.az | Ədalət -
ANA SƏHİFƏ / YAZARLAR

Aqil ABBAS: AY ALLAH, MƏNİ NİYƏ ŞƏHİD ELƏMƏDİN?!

30095    |   2017-11-13 10:00
Şriftin ölçüsü:
A+ Böyütmək
A+ Balacalaşdır

Aprel şəhidləri ilə bağlı bir əsər üzərində işləyirəm. Çox ağır gedir. «Dolu»nu yazanda da bu ağırlığı hiss eləmişdim. Oturub Mehriban xanıma diqtə edirdim. Hərdən də gözümün önünə gəlirdi hadisələr, kövrəlirdim. Hətta ağladım da. Belə bir yer idi: Şəhid atası oğlunun yerinə döyüşə girir və şəhid olur. «Dolu»da da belə bir yer var, amma bu onun təkrarı deyil.

Bu vaxt otağa saçı ağarmış və çox səliqəli geyinmiş bir nəfər daxil oldu. Məsələ ondadı ki, mənim otağımın qapısı həmişə açıq olur. Yəni kimsə qapını döymədən girir içəri. Ürəyimdə yamanladım ki, qoyun yazımızı yazaq da. Amma geri çevirə bilməzdim. Dedim axı, qapım açıqdı və həmişə açıq olur.

Yer göstərdim ki, əyləşin və dedim ki, eşidirəm sizi.

Adını, soyadını dedi, amma yazmıram. Görünür, onun problemləri ilə bağlı ayrı yazı yazacam.

Əyləşdi. Dedim ki, eşidirəm.

- Mən savaş başlayandan «speçnaz»da olmuşam. Tərtərdə, Ağdamda, Füzulidə döyüşmüşəm. Seyidəhmədlidə yaralanmışam. Sonra sağalıb yenidən döyüşə getmişəm Ağdama.

Ağdamda döyüşdüyü kəndləri adbaad sayır. Komandirlərin adını adbaad sayır. Bildirir ki, o, döyüşə könüllü gedib.

Sonuncu dəfə də Ağdamda yaralanıb, amma yenə döyüşə gedib. Atəşkəsə qədər də səngərdən çıxmayıb. Müharibə veteranıdı.

Neçə ildi işsizdi. Deyir ki, bir Allahıma şükür edirəm ki, ən ağır vaxtlarımda, hospitalda ölümlə savaşdığım vaxtlarda da xanımım məni tək buraxmadı. Bəlkə də onun sevgisidir ki, mən ölmədim.

- İndi həmin xanımımın yanında başımı qaldıra bilmirəm. Çünki neçə ildi işsizəm. Evə çörək gətirə bilmirəm. Yaralarım imkan vermir ki, daş da daşıyım. Amma yenə xanımım hər axşam məni gülərüzlə qarşılayır. Hər şey yaxşı olacaq deyir. Tez-tez Şəhidlər Xiyabanına gedirəm. Ziyarət edirəm. Və şəhidlərə paxıllığım tutur. Hətta Allaha asi oluram. Deyirəm, ay Allah, mənim günahım nə idi ki, məni onlar kimi şəhid edib xoşbəxt etmədin?!

Soruşuram ki, məndən bir istəyin varmı?

Deyir:

- Heç bir istəyim yoxdu. İstəyim olsa nə edəcəksən ki? Elə gəldim ürəyimi boşaldım və gedim. Salamat qal! Amma, müəllim, inşallah, savaş gözləyirəm. 61 yaşım var və bu gün savaş başlasa, yenə döyüşə gedəcəm.

Və getdi. Çox şey danışdıq. Razılıq versə, danışdıqlarını yaxın günlərdə çap edəcəm.




İmza:

YAZARIN ARXİVİ

2011-01-22 : ÖLÜLƏR
2011-01-08 : ÖLÜLƏR
2010-05-07 : GÜL BAYRAMI
2010-04-30 : DAĞLAR OĞLU
2009-06-24 : EŞŞƏK ZARAFATI
2009-06-20 : DOLU
2009-05-07 : GÜL BAYRAMI...
2008-12-27 : GÜL BAYRAMI
2008-04-12 :
2006-08-30 : İSLAM FAŞİZMİ
SON XƏBƏRLƏR
2019-09-17


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Qarabağ", yoxsa "Sevilya"?

"Qarabağ" (50%)
"Sevilya" (50%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK