Film izle hacklink kiralık bahis sitesi satılık bahis sitesi Adalet.az | Fədayə Laçın Ceyms Bond imiş... Adalet.az | Fədayə Laçın Ceyms Bond imiş... Adalet.az | Ədalət -
ANA SƏHİFƏ / YAZARLAR

Fədayə Laçın Ceyms Bond imiş...

Nicat Novruzoğlu

20229    |   2017-10-31 17:59
Şriftin ölçüsü:
A+ Böyütmək
A+ Balacalaşdır

Ötən gün gündəmimizdə hadisələr bol idi. Ürək açanı da var idi, ürək üzəni də, ölkəmiz üçün əhəmiyyətlisi də. Bu hadisələrin miqyasından və önəmliyindən asılı olmayaraq isə parlayanı, önə çəkiləni və ən çox müzakirə ediləni Fədayə Laçın idi. Zəbt eləmişdi o gündəmimizi. Əslində o zəbt eləməmişdi, onunla zəbt eləmişdilər gündəmi.

Hətta elə zəbt eləmişdilər ki, uzunluğu 850 kilometr olan və onun da 504 kilometri Azərbaycan ərazisindən keçən Avropanı Asiya ilə birləşdirən Bakı-Tbilisi-Qars dəmir yolunun açılış mərasimidə, o tədbirdə iştirak edənlərdə, onların bu layihə haqqında dedikləri də, Azərbaycan televiziya məkanının əfsanələrindən olan tanınmış diktor, Xalq artisti Rafiq Hüseynovun vəfatı da, "MTN işi" üzrə Akif Çovdarov, Səlim Məmmədov, Akif Əliyev və Orxan Osmanova oxunan hökm də yaddan çıxmışdı. Fədayə Laçındakı Laçın da yaddan çıxmışdı. Ancaq Fədayə idi gündəmdə. Hansı saytı açırdınsa, hansı sosial şəbəkəyə baxırdınsa, Fədayə idi. Günün sonuna yaxın Ağcabədi rayonunda maye qazdoldurma məntəqəsində baş verən yanğın nəticəsində 1 nəfər ölsə də, gündəm dəyişmədi.

Köşə yazıları, statuslar, mahnılar, Fəlakətimizin Fədayəyə klip çəkmək istədiyi fraqment də virtual aləmdə cərəyan verirdi. Hər kəs bir cürə özünü fəda edirdi Fədayə qalmaqalı üçün. Fədayə də fəda vermişdi, biz də fəda gedirdik.

Tanınmışlar tələm-tələsik münasibət bildirdilər. Biri dedi ki, saf sevginin qurbanı olub, biri də sevginin sərhədsizliyin qabartdı, "axı sevgi heç bir sərhəd tanımır", biri isə...

Bax beləcə zəbt edilirdi gündəm. Bir kriminal olayın içindəki Fədayə Laçınla. Bayağı musiqiçi adlandırılan Fədayə Laçınla, elə bayağı formada da zəbt edilirdi.

Qarmaqarışıq xəbərlərlə Ceyms Bond eləmişdilər Fədayəni. Ceyms Bondu da yəqin tanıyırsınız. O agent 007-dir. Yan Fleminqin kitabları əsasında çəkilmiş çoxsaylı filmlərdə casus və qəhrəman obrazıdır.

Hələ macəraları ilə Fədayə Ceyms Bondu kölgədə də qoymuşdu. Əgər Ceyms Bond Fədayədən xəbər tutsa mutləq ki, onun fəndlərindən novbəti filmində yararlanacaq. Bəlkə hələ filmin titirində Fədayənin adı da yazılacaq.

Mən bu olayın heç bir detalından yazmadım və indi də yazmayacam. Bir cümləlik status da yazmadım. Mənə Fədayə maraqlı deyil. Və o dünən günümü zəbt edə bilmədi. Hər yerdə qarşıma çıxsa belə.

Çünki bu elə bir gün idi ki, bu gündə bir daha təkrar edirəm ki, ölkəmiz üçün əhəmiyyətli olan Avropanı Asiya ilə birləşdirən Bakı-Tbilisi-Qars dəmir yolunun açılış mərasimi baş tutdu. Bu günün işığında idi Azərbaycan. Bütün dünyanın gözü bizdə idi. Hər kəsin gözü bizdə olanda diqqətli olun.




İmza:

YAZARIN ARXİVİ

2018-04-20 : İT GÜNÜNDƏ
2018-03-29 : DAY-DAY
2018-02-12 : XANALIQ
2018-01-24 : Vayına oturum
2017-11-01 : QOL-un içi
2017-10-25 : Nətərsən?
2017-10-17 : FAL QƏLƏM
2017-10-06 : TRANSPLANTASIYA
2017-09-16 : İlk zəng
2017-09-14 : MƏN ÖLƏCƏM
2017-09-11 : MƏN ÖLƏCƏM
2017-08-23 : SAHİBSİZLƏR
SON XƏBƏRLƏR
2019-09-23


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Qarabağ", yoxsa "Sevilya"?

"Qarabağ" (42.86%)
"Sevilya" (57.14%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK