ANA SƏHİFƏ / YAZARLAR

DAŞ ATIB PUL QAZANIB?..

Faiq QİSMƏTOĞLU

29750    |   2017-04-14 13:49
Şriftin ölçüsü:
A+ Böyütmək
A+ Balacalaşdır

… İkimərtəbəli evin ikinci mərtəbəsindəki çarpayıda Qalib kişi şirin yuxuya getmişdi. Adətən evdəkilər səhər tezdən yuxudan qalxsa da, Qalib kişi bir qədər onlardan gec dururdu. İşini-gücünü o qədər dəqiqliyiylə səhmanlamışdı ki, tay onun səhər tezdən yuxudan qalxmasına ehtiyacı qalmırdı. Amma buna baxmayaraq Qalib kişi yenə hər şeyə nəzarət eləyir, iş əyri gedəndə arvad-uşağın gözündə ip əyirirdi.

… Evdəkilər ondan möhkəm çəkinirdi. Həm də Qalib kişi çox varlı, imkanlı adam idi. Zəhmindən nəinki qadınlar, hətta kişilər də ondan çəkinirdi. Bu qədər varlı-hallı adam heç vaxt özündən razı olmaz, hamıya, xüsusən də qohum-əqrabasına az qalırdı ki, gözünün yağını yedirtsin...

… Sübh tezdən əmisioğlu Qurban gəlib kəsdirmişdi onların qapısının ağzını. Arvadı Münəvvər də Qurban kişini görəndə elə bil ki, anasının oynaşını görürdü. Çünki bu Qurban kişi o qədər onun ərindən istifadə etmişdi ki, sayıb qurtarmaq mümkün deyildi. Qurban kişi həyətə girəndə birinci əmioğlusunu səslədi:

- Ay Qalib, ay Qalib hardasan, bir hay versənə?

Ona hayı Qalib kişinin arvadı Münəvvər verdi:

- Çox bərkdən qışqırma, kişi yatıb! Nə sözün var deyərsən gedib çatdıraram...

Münəvvər arvadın sözləri heç Qurban kişini açmadı. Dedi ki, əmioğlumla işim var. «İşim» deyəndə Münəvvər arvadın dalağı sancdı ki, yenə Qurban kişi borc almağa gəlib. Hansı ki, bundan əvvəl üç dəfə hər birində beş min-beş min borc almışdı və heç birini də qaytarmamışdı. Amma onun ağzı nəydi ki, gəlib ərinə deməsin ki, əmioğlun gəlib...

… Ehmalca ikinci mərtəbyə qalxdı, evin qapısını açdı. Gördü ki, əri Qalib kişi qapını açdığını hiss elədi. Kişi soruşdu:

- Həyətdəki Qurbandı? Çağır gəlsin.

Münəvvər arvad ərinə yalvarmağa başladı:

- Saa qurban olum, bundan canını qurtar! Yoxsa arsızın biridi, hər dəfə pul alıb qaytarmır. Sən də ona bir söz demirsən, hirsini tökürsən bizim üstümüzə. İndi də xoruz ban verəndə elə-belə gəlməyib. Yəqin pul istəyir…

Kişinin qaş-qabağını görən Münəvvər arvad tay sözünün ardını gətirmədi. Aşağı düşdü və əmisioğlu Qurbana dedi ki, qalx yuxarı! Qurban da sevinə-sevinə ikinci mərtəbəyə qalxıb evə girdi. Çarpayıda yatan əmisioğlu da ayağa qalxdı. Qurban onu quçaqladı və dedi:

- Əmioğlu, ölmüşəm, məni yerdən götür. Təcili on min manat pul lazımdı. Əgər o pulu tapa bilməsəm Moskvada yaşayan oğlumu tutacaqlar…

Qalib kişi papirosunu yandırdı, bir-iki qullab vurdu:

- Deyirsən, uşaq ilişib?

Qurban kişi:

- Hə, əmioğlu! Əgər bu gün-sabah pulu çatdırmasam, məhkəmə ona doqquz il iş verəcək.

.. Yenə papirosuna bir-iki qullab vuraraq mütəkkəyə dirsəkləndi. Əmisi oğluna dedi ki, Münəvvəri çağır gəlsin! Sən də düş aşağıda gözlə! Çünki bütün pullar Münəvvərin taxta sandığında idi. Münəvvər də taxta sandığın ağzına düz üç kilid vurardı. Kilid də vurandan sonra açarla kilidi bağlayar, açarları da qoynuna qoyardı…

Arvad yuxarı qalxdı. Kişi dedi ki, sandığı aç, ordan mənə iki əllilik paçkası ver. Arvad yenə zarımağa başladı:

- A kişi, sən bir dəfə deyə bilmirsən ki, pulum yoxdu? Əminoğluna üç dəfə pul vermisən, heç birini də qaytarmayıb. İndi də on min manat pul verəcəksən. Elə bilirsən onu qaytaracaq? De ki, yoxumdu, çıxıb getsin…

Kişi yenidən arvadına tərs-tərs baxdı:

- A köpəkoğlunun qızı, mən necə yalandan deyim ki, pulum yoxdu! Axı Allah görür ki, pulum var, bu ruzini mənə yetirən qurban olduğumdu. Onu da qohum-əqrabaya əli yananda verməsəm, Allaha ağır gedər, sonra da ruzimiz quruyar…

Deyəsən, kişinin dediyi son sözlər arvadın ağlına batdı:

- Tay özün bilərsən! – dedi.

Münəvvər arvad sandıqdan iki əllilik paçkasını çıxarıb ərinə verdi. Dedi ki, indi Qurbanı çağır gəlsin, bir səhər yeməyi də düzəlt…

Əmisi oğlu Qurban yenidən ikinci mərtəbəyə qalxdı və yenidən gəlib əyləşdi Qalib kişinin yanında. Münəvvər arvad da heç on dəqiqə keçmədi ki, sinidə bal, yağ, qaymaq, özü də qaymaq elə-belə qaymaq deyilidi, payızın camış qaymağı idi və o qaymağı da bıçaqla kəsirdin. Səhər-səhər hər ikisi o qaymaqdan da, baldan da möhkəm yedilər. Sonra da Qalib kişi iki əllilik paçkasını əmisi oğlu Qurbana verdi və dedi:

- İşini düzəlt, darıxıb eləmə, imkanın olanda borcunu qaytararsan!

Qurban kişi qısmışdı və beynindən bir fikir keçdi: «İmkanım olanda da qaytaran deyiləm. Qaynın Nəsib beş dəfə pul alıb, hanısını qaytarıb? Mən ki, sənin əmin oğlunam, əlim də aşağıdı». Pulları cibinə qoyub sevinə-sevinə ikinci mərtəbənin pilləkənləri ilə həyətə düşdü, sonra da maşına əyləşib getdi.

… Bir müddət keçəndən sonra da bəlli oldu ki, Qurban kişinin oğlu heç «ilişməyibmiş». Sadəcə olaraq bu pulla özünə təzə «Volqa» almaq istəyirmiş. Moskvaya getdi, oğlunun köməkliyi ilə «QAZ-21»i alıb gətirdi. «Volqa»nın qabağında ceyran heykəli də vardı. Bu kənddə cəmi iki «Volqa» vardı – biri Qalib kişinin idi, biri də avtoinspektor Sabirin. Qurban kişinin Moskvadan alıb gətirdiyi «Volqa» onların maşınından da təzəydi. Hətta elə bəzək-düzək vurdurmuşdu ki, gəlin gətirmək istəyənlər Qurban kişinin «Volqa»sını axtarırdı. Elə bu «Volqa» ilə də o, yaxşı pul qazanırdı. Bir maşının bəkə də pulunu çıxarmışdı...

Qalib kişi Qurbanın Moskvadan «Volqa» alıb gətirmək xəbərini eşidəndə çox sevindi. Yenə arvadı iki daşın arasında ona xatırlatdı. «Gördün əmin oğlunu, sənnən uşağının ilişməsi ilə bağlı borc pul aldı, sonra da gedib «Volqa» gətirdi. İnsanın bir bicliyinə bax ha?! Burda ağlayır, sısqayır, yalandan səni aldadır, sonra da maşın gətirir».

Kişi yenidən arvadına əsəbləşdi:

- Sən az danış, mən özüm bilərəm. Deməmişəm ki, mənim işimə burnunu soxma?!

Kişinin qırımından arvad hiss elədi ki, bir az da danışsa əri onun yeddi arxa dönənini sulayacaq. Ona görə də səsini xırp kəsdi…

Qurban kişi aylar, illər ötsə də yenə öz kefində idi. Heç pulu qaytarmaq barəsində bir dəfə olsun belə düşünmürdü. Bir dəfə elə oldu ki, Qalib kişi qardaşından əmisi oğluna sifariş göndərdi ki, bir az əlim aşağıdı, o borc puldan imkan varsa qaytarsın. Qalib kişinin qardaşı xəbəri əmisi oğlu Qurbana çatdıranda Qurban borc qaytarmaq əvəzinə özündən çıxdı və ağzı köpükləndi:

- Ə, bu mənim əmim oğlu da çox qəribə adamdı e! İtə-qurda o qədər pul verib, birini istəmir. Amma doğmaca əmisi oğlundan pul tələb eləyir! Get, əmioğluma denən ki, daş atıb pul qazanıb?! Mənim ona verəsi pulum yoxdu! Onsuz da Münəvvər arvadın iki kilid vurduğu sandığın içində bir kisə pul var. O bir kisə puldan indi iki paçkasını mənə verib, dünya dağılmayıb ki?

Qardaşı da əmisi oğlunun cavabını Qalib kişiyə çatdırdı. Tay Qalib kişi də bir söz demədi. Bircə onu dedi ki, elə camaat ona yaxşı deyir ki, üzü qırmızı adamdan nə desən gözləmək olar. Qoy olsun! O düz deyir, mənim pulumu it-qurd yeyib. Qoy bu dəfə də əmim oğlu yesin! Təki Allah mənə pul yetirsin və mən də onlara borc verim…

Bu söz-söhbətdən sonra tay Qurban kişi bir də o həyətə gəlmədi. Amma əmisi oğlunun da ürəyi çox yumuşaq idi. Bir axşam onu evinə çağırtdırdı və Qurban da qorxa-qorxa ikinci mərtəbyə qalxdı. Elə bildi ki, əmisi oğlu Qalib dişinin dibindən çıxanı ona deyəcək və pulunu istəyəcək! Amma əmisi oğlu ona heç bir söz demədi. Qalib kişi bir cümlə işlətdi:

- Əmioğlu, sən pisliyindən qalmırsansa, mən niyə yaxşılığımdan qalmalıyam? Nə vaxt pul lazım oldu utanma, de, verəcəm!..

Qalib kişinin sözləri Qurbana güllə kimi dəydi. Evdən çıxanda cum-culuq tərə batmışdı. Əlini cibinə atdı, dəsmal da tapa bilmədi. Pencəyinin qoluyla alınında puçurlanmış təri sildi, ikinci mərtəbədəki pilləkənləri yavaş-yavaş düşdü. Elə bil ki, dünya onun çiynində idi…




İmza:

YAZARIN ARXİVİ

2017-12-15 : O BİR QAYA
2017-12-13 : PARTAPART...
2017-12-05 : UNA NƏ QATAQ?
2017-11-28 : O BALACA UŞAQ
2017-11-22 : QALXIN, OTURAQ!
2017-11-08 : O, BİR NUR İDİ
2017-08-31 : DUZSUZ ADAMLAR
2017-08-28 : İSRAFÇILIQ
2017-08-18 : MÜBARƏK ÖLÜM
2017-08-11 : AY İŞIĞI
2017-07-07 : NƏNƏ VƏ NƏVƏ
2017-06-23 : MÖCÜZƏ
2017-06-06 : ÖLDÜR MƏNİ...
2017-05-23 : ÖLMƏYƏN ÜMİD
2017-05-12 : QARA QOÇ
2017-03-30 : NANKOR OĞUL
2017-03-17 : TUT QURUSU…
2017-02-03 : ÖLÜ XORTLADI…
2017-01-06 : BU ÜRƏKLƏ…
2016-12-09 : SÖZÜN ƏTRİ
2016-11-05 : O YAZ YAĞIŞI...
2016-11-04 : O YAZ YAĞIŞI…
2016-10-15 : AĞ YUXU
2016-07-09 : ÇİNAR AĞACI
2016-04-23 : ŞEYTAN AĞACI
2016-03-08 : BALACA PADŞAHLAR
2016-02-20 : KÖPƏYƏ EHSAN
2016-01-16 : DÜNYA MALI...
2015-11-14 : EŞŞƏK SÜDÜ
2015-08-22 : ZƏRBƏ
2015-07-04 : AĞACLAR QURUYUR
2015-06-13 : QORXMA, OĞUL!
2015-06-02 : ALAÇATI...
2015-05-16 : BİR KƏLMƏ...
2015-05-15 : ARXAYA BAXANDA...
2015-05-01 : ENDİRİMLƏR...
2015-04-11 : YAZ YAĞIŞI
2015-04-03 : BOLLUQ OLACAQ?
2015-03-20 : ELÇİLİK
2015-03-14 : DƏYİRMAN DAŞI
2015-03-05 : "BARI NAXÇIVAN"
2015-02-14 : FALA BAXIRAM
2015-01-24 : GÖZƏL ÖLÜM
2015-01-16 : QARA ÇÖRƏK
2015-01-15 : QARA ÇÖRƏK
2014-12-31 : SƏBRLİ OLSAN...
2014-12-20 : KİRVƏ
2014-12-13 : DİLİN BƏLASI
2014-12-06 : CƏHALƏT QUYUSU
2014-11-29 : LOTU
2014-09-27 : SƏBR ELƏ
2014-09-25 : BELƏ TOY OLAR?!
2014-09-20 : BÖYÜK GÜNAHLAR
2014-09-13 : KÜPƏ
2014-09-06 : BEŞ CANAVAR
2014-09-03 : SU QITLIĞI...
2014-08-16 : BÖYÜK DAYAQ
2014-08-12 : LAQEYDLİK
2014-08-09 : SOYUQ ADAMLAR...
2014-08-02 : TÖHMƏT
2014-07-19 : YALAN...
2014-06-07 : ÇƏTİN GÜN
2014-05-28 : EHSAN
2014-05-17 : ƏLDƏN QALAN...
2014-03-08 : Təmiz adam
2014-03-01 : Qarınotaranlar
2014-02-28 : Yağmurlu hava...
2014-02-22 : GÜN KEÇDİ...
2014-02-08 : TOY GECƏSİ...
2014-01-25 : TAMAH
2014-01-18 : XƏCALƏT TƏRİ
2014-01-11 : YAĞIŞ...
2013-12-28 : DÖNÜŞ
2013-11-23 : SƏDR ATI
2013-11-16 : YURD YERİ...
2013-11-02 : PAXIL
2013-09-07 : BAŞ REDAKTOR
2013-08-31 : CADUGƏR
2013-08-17 : KOBRA
2013-08-03 : POÇTALYON
2013-07-27 : AYRILIQ...
2013-07-20 : SÖZGƏZDİRƏN
2013-07-13 : SƏNGƏR
2013-07-06 : QUDURĞAN
2013-06-22 : DƏMİRÇİ
2013-06-15 : GOPÇU KİŞİ
2013-05-25 : QOHUMLUQ
2013-05-18 : HƏSRƏT YAĞIŞI
2013-05-11 : ƏRİK AĞACI
2013-05-04 : AYRILIQ
2013-04-27 : ELÇİLİK
2013-04-20 : İLDIRIM
2013-04-13 : GÜN İŞIĞI
2013-04-06 : DÖYÜŞ
2013-03-30 : EHSAN
2013-03-20 : YARMARKA OYUNU...
2013-03-16 : ÜRƏK DÖZSƏ...
2013-03-08 : KOR ARVAD
2013-03-02 : YALTAQ
2013-02-23 : ZƏHRİMAR
2013-02-16 : SÖNƏN OCAQ
2013-02-02 : DÜYÜN
2013-01-26 : VƏZİFƏ
2013-01-19 : MƏRDİMAZAR
2012-12-22 : QORXU
2012-12-15 : TƏNHA QOCA...
2012-12-08 : ÜZÜK
2012-11-27 : GÖZ DƏYİB...
2012-11-27 : QAN DAVASI...
2012-09-15 : GECƏYARISI QƏTL
2012-08-18 : GÖZ YAŞI...
2012-08-04 : DAŞ HASARLAR...
2012-06-15 : TOY...
2012-06-02 : DURULAN DÜNYA...
2012-05-12 : KÖÇ...
2012-04-28 : POÇT QUTUSU...
2012-04-07 : ÜNVANSIZ EŞQ
2012-03-03 : ZƏHƏR TULUĞU
2012-02-18 : POLKOVNİK...
2012-02-11 : YALANÇININ...
2011-12-31 : Bir ovuc torpaq
2011-12-24 : DÜZ SÖZ...
2011-12-17 : O DÜNYALIQ...
2011-12-10 : QUTUDA İLAN...
2011-12-03 : ARTIQ TAMAH...
2011-10-22 : DƏRİN QUYU...
2011-08-13 : PARTLAYIŞ...
2011-08-06 : OD İÇİNDƏ...
2011-07-23 : AĞ DÜNYA...
2011-05-07 : QARA EYNƏK...
2011-04-30 : HAQSIZLIQ
2011-04-23 : MÜBARİZƏ...
2011-04-16 : GÜNAH...
2011-02-12 : HARINLIQ...
2010-12-31 : ATƏŞFƏŞANLIQ
2010-11-06 : BAHALIQ
2010-08-28 : DƏLƏDUZLUQ...
2010-07-10 : BƏDNƏZƏR
2010-06-12 : ÇƏTİN GÜN
2010-03-13 : YOLUNU AZANLAR...
2010-02-27 : YASİN PULU
2010-02-20 : ÇİY SÜD
2010-02-13 : YANAR ÜRƏK...
2010-01-09 : YAD QIZI
2009-12-31 : DÜNYA QOPUR
2009-12-19 : UZUN GECƏ...
2009-11-07 : ADAM OL...
2009-10-24 : QURDUN PAYI...
2009-08-15 : DƏLİXANA
2009-06-06 : NADAN
2009-05-09 : BUZ BALTASI
2009-05-02 : PULSUZLUQ
2008-10-30 : ÇİY SÜD
Ücretsiz php script indir film izle hd film izle ikinci el eşya alanlar shell indir hacklink satışı
SON XƏBƏRLƏR
2018-11-14


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Gəlin günahkardır, yoxsa qaynana?

Gəlin (66.67%)
Qaynana (33.33%)

ÇOX OXUNAN
GÜNÜN LƏTİFƏSİ

Seyran Səxavət Vaqif Səmədoğluna:

- Vaqif, yetmiş beş yaşın tamam olur , bu kasıb şairləri yığ sənin bu yubileyini bir yaxşıca yuyaq.

Vaqif Səmədoğlu:

- Seyran, inşallah, bu yaxınlarda yığışıb mənim özümü yuyarsınız, sonra da ehsan veriləndə babat yeyib-içərsiniz.





digər lətifələr
ARXİV
FACEBOOK