ANA SƏHİFƏ / YAZARLAR

GƏL, MİN BOYNUMA…

Faiq QİSMƏTOĞLU

21414    |   2017-01-26 15:01
Şriftin ölçüsü:
A+ Böyütmək
A+ Balacalaşdır

… Vəzifəli şəxs olur, heç kimi asanlıqla qəbul eləmirmiş. Elə ona görə də katibə qız onun yanına gələn hər adamı içəri buraxmırmış. Günlərin birində də çox arxalı bir adamın qohumu gəlib qıza yaxınlaşır və deyir:

- Rəisə deyin, Dadaşovun əmisi oğlu gəlib.

Qız isə diqqətlə ona baxır və dillənir:

- Mən deyə bilmərəm!..

- Bəs deyə bilməzsənsə, kim çatdırmalıdı rəisə mənim gəlməyimi?

Qız susur və dinmir. Sən demə, rəis də kamera vasitəsiylə onun yanına gələn adamı tanıyıbmış. Bu vaxt içəridən düymə basılır və katibəyə zəng gəlir. Rəisin amiranə səsi eşidilir:

- Ay qız, qapının ağzında gözləyəni içəri burax! Bəs sənə o demədi ki, Dadaşovun qohumudu?

Qız:

- Rəis, dedi, ancaq bildirmisən ki, hər adamı içəri buraxmayım…

Rəis qəzəblənir və deyir:

- Dadaşovun qohumu qapının ağzında durmalı deyil!

Əlqərəz, Dadaşovun qohumu içəri girir, rəislə görüşür, məsələni həll eləyir. Və çıxanda da başdan-ayağa katibə qızı süzür:

- Görün indi rəis sizin başınıza nə oyun açacaq?

Heç bu söhbətdən bir həftə keçmir ki, rəis katibəni işdən çıxarır. Qız da barmağını dişləyir və yadına Dadaşovun qohumu düşür. Fikirləşir ki, elə mənə zərb Dadaşovun qohumundan dəydi…

Yadıma «Papaq» filmindəki Həsənağa düşür. O Həsənağa ki, bir sözünü heç kəs iki eləyə bilmir. Bir dəfə də Notarius idarəsində əməkdaş onun bir sözünü iki eləyir və sonra da işdən qovulur. Belə ki, Həsənağanın qohumu gəlib növbə gözləmədən içəri keçmək istəyir. Amma idarənin əməkdaşı (xalq artisti Həsən Məmmədov) onu ləngidir. Və soruşur ki, sən kimsən növbədənkənar keçmək istəyirsən? O da deyir ki, Həsənağanın qohumuyam. Əməkdaş yenə dillənir:

- De ki, vallah, Həsənağanın qohumuyam...

- Allaha and olsun, Həsənağanın çox yaxın adamıyam...

İki-üç dəfə təkrarən əməkdaş həmin adamdan yenə soruşur. Axırda deyir ki, əgər Həsənağanın qohumusansa, onda gəl min mənim boynuma. Bu söz ona baha başa gəlir və idarənin rəisi başıalovlu özünü çatdırır onun yanına. Deyir ki, məgər sən bilmirsən Həsənağa kimdir? Həsənağa çox hörmətli, çox nüfuzlu bir kişidi. O istəsə bir dəqiqənin içərisində bizim idarənin altını üstünə çevirər. Sən də Həsənağanın qohumunu incidirsən və növbədə saxlayırsan. Götür papağını, çıx get burdan. Məmur da papağını götürür və sakitcə çıxıb gedir…

Bu gün də müxtəlif vəzifədə işləyən həsənağaların o qədər qohumları var ki?! Onların arasında özünü normal aparan, heç kimə dəyib-dolaşmayan sakit adamlar da az deyil. Amma elələri də var ki, Həsənağanın qohumu bunların yanında toya getməlidir. Yəni bu adamların xətrinə dəysən, gözlətsən, ayağını tapdalasan sənin başına bir oyun gələr ki, dəymişin dura-dura kalın tökülər və səni elə günə salarlar ki, dədənin toyu yadına düşməsə də, babanın toyunu çox asanlıqla xatırlayarsan.

Bəs necə? Bir dəfə reyd zamanı yol polisi əməkdaşı vəzifəli şəxsin bir qohumunu saxlamışdı. A kişinin oğlu, o yazıq yol polisinin başına olmazın oyununu açdılar. Hətta işdən çıxarılmasına qədər ona təyziq göstərdilər. Sadəcə olaraq, vicdanlı adamların hesabına həmin şəxs işdən qovulmadı. Nə var, nə var həsənağaların qohumuna qanunu pozduğuna görə, protokol yazılıb. İndi bu həngamələrdən sonra bu yazıq döyülüb-söyülən yol polisi ikinci dəfə həmin həsənağaların qohumlarına protokol yazar, yoxsa yazmaz? Əlbəttə, ikinci dəfə həsənağaların qohumuna protokol yazmağa gərək səndə şir ürəyi olmalıdır.

Elə bilirsiniz bu həsənağalar və həsənağaların qohumları onların ayaqlarını tapdalayan hər hansı adamı asanlıqla yola verirlər, bağışlayırlar?! Allah heç kimə, heç kəsə bu cür «mükafat» qismət eləməsin. Ən azından ona görə ki, belələrinə rast gəlsən və belələriylə üzləşsən anandan əmdiyin süd sənin burnundan töküləcək.

Bir dəfə yazıq bir avtobus sürücüsü yolda hansısa bahalı maşının sürücüsünə yol vermədi. Elə bil ki, dünya dağıldı və hər şey alt-üst oldu. Bu həsənağaların qohumlarından biri maşını verdi avtobusun qabağına və yerə düşüb avtobusu saxlatdırdı. Ürəyi bununla da soyumadı. Qapını açdırıb sürücüyə elə söyüşlər söydü ki, şəxsən mənim olmayan tüklərim biz-biz oldu. Bu söyüşü də söyən kişi, ya da cavan oğlan deyildi ha, bir qızıydı, ağzından od tökülürdü. Elə söyüşlər yağdırırdı ki, şəxsən o söyüşlərin birini mən bu yazıda qələmə almağa utanıram. Qadın olasan, bu cür söyüşlər söyəsən və insanlara məhəl qoymadan sürücünün üstünə yeriyəsən. Hətta maşının şəklini çəkdi və həsənağaların qohumu dedi ki, bir-iki saatdan sonra səni harda olsan yerin deşiyindən də tapdıracam və eşşək sudan gələnə kimi mal kimi çırpdıracağam.

Tay bilmirəm o həsənağaların qohumu o sürücünü tapdırdı, mal kimi çırpdırdı, çırpdırmadı, amma bir onu bilirəm ki, yazıq sürücü qorxusundan bəlkə də ya sarılıq xəstəliyi tutdu, yada şəkər oldu. Görünən o idi ki, abır-həyası olmayan bir qadın (əgər onu qadın demək mümkündüsə) kiməsə arxalanıb yazıq və kimsəsiz sürücünün yeddi arxa dönənini yuyub sərdi…

Bax belə! Onsuz da bugünkü həyatımız stresslə, gərginliklə və sıxıntılarla doludur. Və bir yandan da bu həsənağaların qohumları ilə üzləşəndə adam o dünyanı görüb gəlmir ey, elə o dünyada canı çıxır. Belə çıxır ki, həsənağaların qohumları hələ də çoxdur, onlar at oynada bilərlər və yeri gələndə kimisə yerə yıxıb eşşək sudan gələnə qədər döyərlər də. Belə anları Allah heç kəsə göstərməsin və Allah bu kimsəsizləri, yazıqları yolunu azmış və qudurmuş həsənağaların qohumlarından qorusun!..




İmza:

YAZARIN ARXİVİ

2017-12-15 : O BİR QAYA
2017-12-13 : PARTAPART...
2017-12-05 : UNA NƏ QATAQ?
2017-11-28 : O BALACA UŞAQ
2017-11-22 : QALXIN, OTURAQ!
2017-11-08 : O, BİR NUR İDİ
2017-08-31 : DUZSUZ ADAMLAR
2017-08-28 : İSRAFÇILIQ
2017-08-18 : MÜBARƏK ÖLÜM
2017-08-11 : AY İŞIĞI
2017-07-07 : NƏNƏ VƏ NƏVƏ
2017-06-23 : MÖCÜZƏ
2017-06-06 : ÖLDÜR MƏNİ...
2017-05-23 : ÖLMƏYƏN ÜMİD
2017-05-12 : QARA QOÇ
2017-03-30 : NANKOR OĞUL
2017-03-17 : TUT QURUSU…
2017-02-03 : ÖLÜ XORTLADI…
2017-01-06 : BU ÜRƏKLƏ…
2016-12-09 : SÖZÜN ƏTRİ
2016-11-05 : O YAZ YAĞIŞI...
2016-11-04 : O YAZ YAĞIŞI…
2016-10-15 : AĞ YUXU
2016-07-09 : ÇİNAR AĞACI
2016-04-23 : ŞEYTAN AĞACI
2016-03-08 : BALACA PADŞAHLAR
2016-02-20 : KÖPƏYƏ EHSAN
2016-01-16 : DÜNYA MALI...
2015-11-14 : EŞŞƏK SÜDÜ
2015-08-22 : ZƏRBƏ
2015-07-04 : AĞACLAR QURUYUR
2015-06-13 : QORXMA, OĞUL!
2015-06-02 : ALAÇATI...
2015-05-16 : BİR KƏLMƏ...
2015-05-15 : ARXAYA BAXANDA...
2015-05-01 : ENDİRİMLƏR...
2015-04-11 : YAZ YAĞIŞI
2015-04-03 : BOLLUQ OLACAQ?
2015-03-20 : ELÇİLİK
2015-03-14 : DƏYİRMAN DAŞI
2015-03-05 : "BARI NAXÇIVAN"
2015-02-14 : FALA BAXIRAM
2015-01-24 : GÖZƏL ÖLÜM
2015-01-16 : QARA ÇÖRƏK
2015-01-15 : QARA ÇÖRƏK
2014-12-31 : SƏBRLİ OLSAN...
2014-12-20 : KİRVƏ
2014-12-13 : DİLİN BƏLASI
2014-12-06 : CƏHALƏT QUYUSU
2014-11-29 : LOTU
2014-09-27 : SƏBR ELƏ
2014-09-25 : BELƏ TOY OLAR?!
2014-09-20 : BÖYÜK GÜNAHLAR
2014-09-13 : KÜPƏ
2014-09-06 : BEŞ CANAVAR
2014-09-03 : SU QITLIĞI...
2014-08-16 : BÖYÜK DAYAQ
2014-08-12 : LAQEYDLİK
2014-08-09 : SOYUQ ADAMLAR...
2014-08-02 : TÖHMƏT
2014-07-19 : YALAN...
2014-06-07 : ÇƏTİN GÜN
2014-05-28 : EHSAN
2014-05-17 : ƏLDƏN QALAN...
2014-03-08 : Təmiz adam
2014-03-01 : Qarınotaranlar
2014-02-28 : Yağmurlu hava...
2014-02-22 : GÜN KEÇDİ...
2014-02-08 : TOY GECƏSİ...
2014-01-25 : TAMAH
2014-01-18 : XƏCALƏT TƏRİ
2014-01-11 : YAĞIŞ...
2013-12-28 : DÖNÜŞ
2013-11-23 : SƏDR ATI
2013-11-16 : YURD YERİ...
2013-11-02 : PAXIL
2013-09-07 : BAŞ REDAKTOR
2013-08-31 : CADUGƏR
2013-08-17 : KOBRA
2013-08-03 : POÇTALYON
2013-07-27 : AYRILIQ...
2013-07-20 : SÖZGƏZDİRƏN
2013-07-13 : SƏNGƏR
2013-07-06 : QUDURĞAN
2013-06-22 : DƏMİRÇİ
2013-06-15 : GOPÇU KİŞİ
2013-05-25 : QOHUMLUQ
2013-05-18 : HƏSRƏT YAĞIŞI
2013-05-11 : ƏRİK AĞACI
2013-05-04 : AYRILIQ
2013-04-27 : ELÇİLİK
2013-04-20 : İLDIRIM
2013-04-13 : GÜN İŞIĞI
2013-04-06 : DÖYÜŞ
2013-03-30 : EHSAN
2013-03-20 : YARMARKA OYUNU...
2013-03-16 : ÜRƏK DÖZSƏ...
2013-03-08 : KOR ARVAD
2013-03-02 : YALTAQ
2013-02-23 : ZƏHRİMAR
2013-02-16 : SÖNƏN OCAQ
2013-02-02 : DÜYÜN
2013-01-26 : VƏZİFƏ
2013-01-19 : MƏRDİMAZAR
2012-12-22 : QORXU
2012-12-15 : TƏNHA QOCA...
2012-12-08 : ÜZÜK
2012-11-27 : GÖZ DƏYİB...
2012-11-27 : QAN DAVASI...
2012-09-15 : GECƏYARISI QƏTL
2012-08-18 : GÖZ YAŞI...
2012-08-04 : DAŞ HASARLAR...
2012-06-15 : TOY...
2012-06-02 : DURULAN DÜNYA...
2012-05-12 : KÖÇ...
2012-04-28 : POÇT QUTUSU...
2012-04-07 : ÜNVANSIZ EŞQ
2012-03-03 : ZƏHƏR TULUĞU
2012-02-18 : POLKOVNİK...
2012-02-11 : YALANÇININ...
2011-12-31 : Bir ovuc torpaq
2011-12-24 : DÜZ SÖZ...
2011-12-17 : O DÜNYALIQ...
2011-12-10 : QUTUDA İLAN...
2011-12-03 : ARTIQ TAMAH...
2011-10-22 : DƏRİN QUYU...
2011-08-13 : PARTLAYIŞ...
2011-08-06 : OD İÇİNDƏ...
2011-07-23 : AĞ DÜNYA...
2011-05-07 : QARA EYNƏK...
2011-04-30 : HAQSIZLIQ
2011-04-23 : MÜBARİZƏ...
2011-04-16 : GÜNAH...
2011-02-12 : HARINLIQ...
2010-12-31 : ATƏŞFƏŞANLIQ
2010-11-06 : BAHALIQ
2010-08-28 : DƏLƏDUZLUQ...
2010-07-10 : BƏDNƏZƏR
2010-06-12 : ÇƏTİN GÜN
2010-03-13 : YOLUNU AZANLAR...
2010-02-27 : YASİN PULU
2010-02-20 : ÇİY SÜD
2010-02-13 : YANAR ÜRƏK...
2010-01-09 : YAD QIZI
2009-12-31 : DÜNYA QOPUR
2009-12-19 : UZUN GECƏ...
2009-11-07 : ADAM OL...
2009-10-24 : QURDUN PAYI...
2009-08-15 : DƏLİXANA
2009-06-06 : NADAN
2009-05-09 : BUZ BALTASI
2009-05-02 : PULSUZLUQ
2008-10-30 : ÇİY SÜD
SON XƏBƏRLƏR
2018-01-22


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Təbii qaz limitini keçmisinizmi?

Hə (76.47%)
Yox (23.53%)

ÇOX OXUNAN
GÜNÜN LƏTİFƏSİ
Mollaya xəbər verirlər ki, qayınanasını su aparıb. Molla gəlib girir çaya, başlayır su yuxarı axtara-axtara getməyə. Görənlər soruşurlar ki:
- Ay Molla, bu necə axtarmaqdı? Cənazə su axan tərəfə gedər, ya yuxarı dırmaşar?
Molla deyir:
- Siz onu tanımırsınız. O, elə bir tərs adam idi ki, hökmən yuxarı gedib. Sizin işiniz olmasın, mən bu saat onu tapacağam.




digər lətifələr
ARXİV
FACEBOOK