ANA SƏHİFƏ / YAZARLAR

DƏRDİN ÜSTÜNƏ YERİYƏN ADAM

33068    |   2016-11-19 09:05
Şriftin ölçüsü:
A+ Böyütmək
A+ Balacalaşdır

...Adam var ki, ona heç bir şey olmayıb, həmişə kefi kök yaşayıb, amma nə vaxt dindirəndə "ağlayıb". Baxıb görmüsən ki, onun hər şeyi var: evi, eşiyi, maşını, pulu-parası... Ancaq zalım oğlu "göz qaytarmaq" üçün hər cür dona girib və hətta deyib ki, evdə pul yoxdu bazarlıq eləyim, kartof, soğan, ət alıb qazanımızı qaynadaq. Beləsinə heç bir söz demək istəmirsən. Sadəcə olaraq susursan və hər şeyi onun ixtiyarına buraxırsan. Deyirsən ki, bir özün bilərsən, bir də Allahın...
Mən də dərdimi heç kimə deyən deyiləm. Ən azından ona görə ki, bu dərdi kiməsə deyib onun qanını qaraldacaqsan və dilxor eləyəcəksən. Əksinə, çalışmışam ki, sevincimi kiminləsə bölüşüm və ona müsbət enerji ötürüm. Hətta ağrıyıb-acıyanda belə bunu doğmalarıma, yaxınlarıma bildirməmişəm və soruşanda da demişəm ki, kefim kökdü, heç bir çətinliyim də yoxdur...
Dərdin üstünə gedən adamları həmişə sevmişəm. Sevmişəm ki, onlar başqaları kimi sızlayıb-ağlamır və ağırlığını-uğurluğunu kiminsə üstünə tökmürlər. Onlar sal qaya kimi, uca dağ kimi dərdin qarşısında dururlar və o dərdə sinə gərmək istəyirlər. O qədər iradələri möhkəmdir ki, çox vaxt dərd də onları sal qaya kimi yerindən tərpədə bilmir. Bir də deyirlər ki, Allah çox sevdiyi adamları sınağa çəkir; yəni onlara xəstəlik verir, ehtiyac bəxş edir və ən nəhayət, sıxıntılar içərisində saxlayır. Elə ki, insan səbrli olub buna dözür, hər şeyə zaman-zaman ümid bəsləyir və günlərin bir günün də Allah-təala da onları sevindirir...
Mənim bir tələbə yoldaşım var - Rəhman Salmanlı! Qrupumuzun ağsaqqalı olub. Həmişə kimliyindən asılı olmayaraq, dostlarımızın ən ağır günündə özünü onlara çatdırıb. Rəhman Şəmkirdən hansı ürəklə, hansı qəlblə Bakıya gəlmişdisə, elə o ürəklə də, o qəlblə də bu gün dostlarına qarşı çox səmimidir. İstər tələbəlik illərində, istərsə də böyük jurnalistikaya qədəm qoyduğu ilk anlardan bu günə qədər onu səmimi və bir sifətli dost kimi tanımışam. Rəhman bir tikə çörəyini iki yerə yox ha, üç yerə, dörd yerə bölən oğlandı. Özü ac qalar, qismətini kiməsə verər. Bunu hər adam, hər kişi bacara bilməz. Bunu Salman kişinin oğlu Rəhman Həsənov bacara bilər.
Həsənov dedim yadıma tələbəlik illəri düşdü. Onda bizim bir fəlsəfə müəllimimiz vardı - Qəmbər Əsgərov. Çox istedadlı və dövrünün də fərqli düşünən alimlərindən idi. Əksər vaxt açıq-açığına sovet hökumətini yıxıb sürüyərdi. Nə KQB-dən qorxardı, nə də universitetin rektorundan. Sözümün canı odur ki, bir dəfə Rəhman ona bir məktub yazmışdı. O məktubda da öz imzasını qoymuşdu: Rəhman Həsənli. Qəmbər müəllim də bu Həsənli soyadını xüsusilə vurğulayırdı. Qəmbər müəllimin yaddaşında qalmaq və onun qəlbini ələ almaq hər tələbənin işi deyildi. Amma Qəmbər müəllimin Rəhmana çox böyük hörməti və istəyi vardı. Bu da rəhmanın istedadından, səmimiyyətindən yaranırdı...
Sonradan Qəmbər müəllimə bir şər atdılar və onu ölüm cəzasına məhkum elədilər. Bu bizim hamımızı təəccübləndirdi. Amma o, yadımızda əyilməyən, sınmayan bir alim olaraq qaldı.
Hamımızın ağsaqqalı, qrupumuzun sevimilisi Rəhman Salmanlı çoxlarımızdan fərqli olaraq həmişə dərdini, qəmini, kədərini öz içində və öz dünyasında saxlayıb. Mən həmişə onun bu böyüklüyünə, bu kişiliyinə və bu dözümünə heyrətlə yanaşmışam. Və bəzən də çalışmışam ki, elə mən də ona hardasa bənzəyim. Onun çiynində çox ağır yük var. Amma bu yükü, bu dərdi mənim qardaşım heç kəsə, heç kimə bildirmir. Zarafat deyil, ən çətin xəstəliklə vuruşmaq, ona qarşı mübarizə aparmaq üçün insanda son dərəcə bayaq dediyimiz kimi iradə lazımdı. Allah da Rəhmanı çox istəyir. Ona nə veribsə, hansı yükü çiyninə qoyubsa və o yükü daşımağa, aparmağa çox böyük qüvvə də verib. Bir dəfə görməmişəm ki, Rəhman desin mənim başım uşağa, ailəyə qarışıb... Bir dəfə eşitməmişəm Rəhman desin ki, hansısa dərd məni sıxır... Bir dəfə görməmişəm Rəhman başqaları kimi "ağlasın" ki, filan şeyim çatışmır...
O, uca sal qayaya, uca dağa bənzəyir. Zamanın küləyi, dənizin dalğası bu qayanı, bu dağı nə qədər silkələsə də, onsuz da ondan bir şey qopara bilmir. Mən ona də məəttəl qalmışam ki, çiynindəki ağır yükə baxmayaraq, Rəhman çox istedadlı bir alim, çox istedadlı bir publisist və çox istədadlı bir jurnalistdi. Rəhman tələbəlik illərindən Əhməd Cavadın yaradıcılığı ilə bağlı elmi araşdırmalar, tədqiqatlar aparıb və axırda da filologiya elmləri üzrə fəlsəfə doktoru adını qazanıb. O, arxivlərdə, kitabxanalarda, toz basmış sənədlərdə çox şeyləri axtarıb tapa bilib. İradəsinin gücüylə öz istəyinə və məqsədinə də qovuşa bilib. Rəhman həm də son dərəcə gözəl dost, yoldaş, qardaş və ailə başçısıdır. Və öz ailəsinin üstündə həmişə yarpaq kimi əsib.
Tələbəlik illərində onun yaxın dostları olub: Loğman Rəşidzadə, Şünasif Məmmədov, Nizaməddin Rəfiyev, Qismət Babayev, İbrahim Mehdiyev, Tofiq Yusifov, Abdulla Məcidov, Gövhər Rzayeva və bu sətirlərin müəllifi. Mənə çox şeyləri Rəhman qardaşım öyrədib. Elə yazı yazmağı da, jurnalistikanı da ondan öyrənmişəm. Daha doğrusu, ağsaqqal kimi bizə həmişə arxa olub və kömək göstərib. Ondan bəzən yeyib-içməyi də öyrənə bilmişəm.
Bir dəfə elə oldu ki, beş mərtəbənin altındakı kafedə onunla çörək yeyirdik. Bu vaxt tələbə dostumuz Şünasifin qardaşı gəlib çıxdı. O da bizə qulluq elədi, üstəlik də stolumuza bir şüşə araq göndərdi. Mənim də ömrü boyu içki dilimə dəyməmişdi. Amma Rəhmanın şirin dili məni yoldan necə çıxardısa, qalın, yekə stəkanda onunla birlikdə arağı axıra qədər içdik. Mənə ləzzət elədi. Sonra da Rəhman tez-tez Şəmkirdən çaxır, konyak gətirəndə Xarici Dillər İnstitutunun yanındakı kirayə qaldığı evdə Loğman Rəşidzadə, Vaqif Əliyev möhkəm yeyib-içərdik. Düzdü, mən az içirdim, ancaq onlar içkinin lap "küpünə" girirdilər. Heç indi nə Loğman, nə də Rəhman elə içən deyil. Rəhmətlik Vaqif Əliyev də bir neçə ildir dünyasını dəyişib.
Gör hardan gəlib hara çıxdım. Bu yazını on gün müalicə olunub qayıdandan sonra qələmə alıram. Çünki bu on gündə bir daha hiss etdim ki, mənim Rəhman Salmanlıya ən azından bir yazı borcum var. Mənim Rəhman Salmanlıya, bu böyüklüyə, bu ağsaqqallığa görə, böyük sevgim, məhəbbətim bir qədər də artıb. Ən azından ona görə ki, o, dağ boyda dərdə, kədərə, ələmə baş əyməyib. Ona görə baş əyməyib ki, Rəhman Salmanlı özü o dərddən də dağ boyda böyükdür, qaya boyda iridir və güclüdür. Güclü və səbrli, ağıllı adamları isə dərd heç vaxt yıxa bilmir. Və bir daha Rəhman qardaşıma deyirəm ki, həmişə belə güclü və qüvvətli olsun!



YAZARIN ARXİVİ

2017-12-15 : O BİR QAYA
2017-12-13 : PARTAPART...
2017-12-05 : UNA NƏ QATAQ?
2017-11-28 : O BALACA UŞAQ
2017-11-22 : QALXIN, OTURAQ!
2017-11-08 : O, BİR NUR İDİ
2017-08-31 : DUZSUZ ADAMLAR
2017-08-28 : İSRAFÇILIQ
2017-08-18 : MÜBARƏK ÖLÜM
2017-08-11 : AY İŞIĞI
2017-07-07 : NƏNƏ VƏ NƏVƏ
2017-06-23 : MÖCÜZƏ
2017-06-06 : ÖLDÜR MƏNİ...
2017-05-23 : ÖLMƏYƏN ÜMİD
2017-05-12 : QARA QOÇ
2017-03-30 : NANKOR OĞUL
2017-03-17 : TUT QURUSU…
2017-02-03 : ÖLÜ XORTLADI…
2017-01-06 : BU ÜRƏKLƏ…
2016-12-09 : SÖZÜN ƏTRİ
2016-11-05 : O YAZ YAĞIŞI...
2016-11-04 : O YAZ YAĞIŞI…
2016-10-15 : AĞ YUXU
2016-07-09 : ÇİNAR AĞACI
2016-04-23 : ŞEYTAN AĞACI
2016-03-08 : BALACA PADŞAHLAR
2016-02-20 : KÖPƏYƏ EHSAN
2016-01-16 : DÜNYA MALI...
2015-11-14 : EŞŞƏK SÜDÜ
2015-08-22 : ZƏRBƏ
2015-07-04 : AĞACLAR QURUYUR
2015-06-13 : QORXMA, OĞUL!
2015-06-02 : ALAÇATI...
2015-05-16 : BİR KƏLMƏ...
2015-05-15 : ARXAYA BAXANDA...
2015-05-01 : ENDİRİMLƏR...
2015-04-11 : YAZ YAĞIŞI
2015-04-03 : BOLLUQ OLACAQ?
2015-03-20 : ELÇİLİK
2015-03-14 : DƏYİRMAN DAŞI
2015-03-05 : "BARI NAXÇIVAN"
2015-02-14 : FALA BAXIRAM
2015-01-24 : GÖZƏL ÖLÜM
2015-01-16 : QARA ÇÖRƏK
2015-01-15 : QARA ÇÖRƏK
2014-12-31 : SƏBRLİ OLSAN...
2014-12-20 : KİRVƏ
2014-12-13 : DİLİN BƏLASI
2014-12-06 : CƏHALƏT QUYUSU
2014-11-29 : LOTU
2014-09-27 : SƏBR ELƏ
2014-09-25 : BELƏ TOY OLAR?!
2014-09-20 : BÖYÜK GÜNAHLAR
2014-09-13 : KÜPƏ
2014-09-06 : BEŞ CANAVAR
2014-09-03 : SU QITLIĞI...
2014-08-16 : BÖYÜK DAYAQ
2014-08-12 : LAQEYDLİK
2014-08-09 : SOYUQ ADAMLAR...
2014-08-02 : TÖHMƏT
2014-07-19 : YALAN...
2014-06-07 : ÇƏTİN GÜN
2014-05-28 : EHSAN
2014-05-17 : ƏLDƏN QALAN...
2014-03-08 : Təmiz adam
2014-03-01 : Qarınotaranlar
2014-02-28 : Yağmurlu hava...
2014-02-22 : GÜN KEÇDİ...
2014-02-08 : TOY GECƏSİ...
2014-01-25 : TAMAH
2014-01-18 : XƏCALƏT TƏRİ
2014-01-11 : YAĞIŞ...
2013-12-28 : DÖNÜŞ
2013-11-23 : SƏDR ATI
2013-11-16 : YURD YERİ...
2013-11-02 : PAXIL
2013-09-07 : BAŞ REDAKTOR
2013-08-31 : CADUGƏR
2013-08-17 : KOBRA
2013-08-03 : POÇTALYON
2013-07-27 : AYRILIQ...
2013-07-20 : SÖZGƏZDİRƏN
2013-07-13 : SƏNGƏR
2013-07-06 : QUDURĞAN
2013-06-22 : DƏMİRÇİ
2013-06-15 : GOPÇU KİŞİ
2013-05-25 : QOHUMLUQ
2013-05-18 : HƏSRƏT YAĞIŞI
2013-05-11 : ƏRİK AĞACI
2013-05-04 : AYRILIQ
2013-04-27 : ELÇİLİK
2013-04-20 : İLDIRIM
2013-04-13 : GÜN İŞIĞI
2013-04-06 : DÖYÜŞ
2013-03-30 : EHSAN
2013-03-20 : YARMARKA OYUNU...
2013-03-16 : ÜRƏK DÖZSƏ...
2013-03-08 : KOR ARVAD
2013-03-02 : YALTAQ
2013-02-23 : ZƏHRİMAR
2013-02-16 : SÖNƏN OCAQ
2013-02-02 : DÜYÜN
2013-01-26 : VƏZİFƏ
2013-01-19 : MƏRDİMAZAR
2012-12-22 : QORXU
2012-12-15 : TƏNHA QOCA...
2012-12-08 : ÜZÜK
2012-11-27 : QAN DAVASI...
2012-11-27 : GÖZ DƏYİB...
2012-09-15 : GECƏYARISI QƏTL
2012-08-18 : GÖZ YAŞI...
2012-08-04 : DAŞ HASARLAR...
2012-06-15 : TOY...
2012-06-02 : DURULAN DÜNYA...
2012-05-12 : KÖÇ...
2012-04-28 : POÇT QUTUSU...
2012-04-07 : ÜNVANSIZ EŞQ
2012-03-03 : ZƏHƏR TULUĞU
2012-02-18 : POLKOVNİK...
2012-02-11 : YALANÇININ...
2011-12-31 : Bir ovuc torpaq
2011-12-24 : DÜZ SÖZ...
2011-12-17 : O DÜNYALIQ...
2011-12-10 : QUTUDA İLAN...
2011-12-03 : ARTIQ TAMAH...
2011-10-22 : DƏRİN QUYU...
2011-08-13 : PARTLAYIŞ...
2011-08-06 : OD İÇİNDƏ...
2011-07-23 : AĞ DÜNYA...
2011-05-07 : QARA EYNƏK...
2011-04-30 : HAQSIZLIQ
2011-04-23 : MÜBARİZƏ...
2011-04-16 : GÜNAH...
2011-02-12 : HARINLIQ...
2010-12-31 : ATƏŞFƏŞANLIQ
2010-11-06 : BAHALIQ
2010-08-28 : DƏLƏDUZLUQ...
2010-07-10 : BƏDNƏZƏR
2010-06-12 : ÇƏTİN GÜN
2010-03-13 : YOLUNU AZANLAR...
2010-02-27 : YASİN PULU
2010-02-20 : ÇİY SÜD
2010-02-13 : YANAR ÜRƏK...
2010-01-09 : YAD QIZI
2009-12-31 : DÜNYA QOPUR
2009-12-19 : UZUN GECƏ...
2009-11-07 : ADAM OL...
2009-10-24 : QURDUN PAYI...
2009-08-15 : DƏLİXANA
2009-06-06 : NADAN
2009-05-09 : BUZ BALTASI
2009-05-02 : PULSUZLUQ
2008-10-30 : ÇİY SÜD
SON XƏBƏRLƏR
2018-10-21
2018-10-20


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Qiymətlər qalxandan sonra avtobusa minəcəksiniz?

Hə (70%)
Yox (30%)

ÇOX OXUNAN
GÜNÜN LƏTİFƏSİ
Vəli Xramçaylını hakim qarşısına çıxarırlar. Hakim:
- Sizi bu iki nəfərə qarşı soyğunçuluqda günahlandırırlar. Bu barədə nə deyə bilərsiniz?
Vəli:
- Vallah, axşam evə gedeyerdim, bu iki qardaş mənə yaxınlaşdı, dedilər ki, saatı və ayaqqabını çıxart. Mən də neyniyim, yazığım gəldi , birinin saatını, o birinin də ayaqqabısını çıxartdem. Polis də məni tutub sizin yanınıza gəteyrdi.




digər lətifələr
ARXİV
FACEBOOK