SON DƏQİQƏ:

Yaponiyanın ölkəmizdəki səfiri İsmayıllıda olub

  15875   |  
Şriftin ölçüsü  

Aprelin 20-də Yaponiyanın Azərbaycandakı fövqəladə və səlahiyyətli səfiri Vada Çüniçi və həyat yoldaşı İsmayıllı rayonuna səfər edib. Yaponiyalı diplomat əvvəlcə rayon rəhbərliyi ilə görüşüb. Rayon icra hakimiyyətinin başçısı Nahid Bağırov səfirə İsmayıllının tarixi, iqtisadiyyatı, mədəniyyəti, turizm potensialı barədə ətraflı məlumat verib. Bildirilib ki, İsmayıllıda turizm sahəsinin inkişafı üçün bütün imkanlar mövcuddur. Səfirə rayonda reallaşdırılan və gələcəkdə nəzərdə tutulan layihələr barədə də məlumat verilib.

Səfir Vada Çüniçi qonaqpərvərliyə görə minnətdarlığını bildirib, məqsədinin rayonla daha yaxından tanış olmaq olduğunu diqqətə çatdırıb.

Görüşdə əməkdaşlığın perspektivləri barədə fikir mübadiləsi aparılıb.

Daha sonra səfir Azərbaycanın mirvarisi sayılan İsmayıllının gəzməli-görməli məkanları ilə tanış olub, velosiped zavodu, Heydər Əliyev Mərkəzi, Yapon bağı, xalça emalatxanası, Şahdağ Milli Parkı, Lahıc qəsəbəsi, İvanovka kəndi və kənddə fəaliyyət göstərən Nikitin adına kolxoza baş çəkib.

Diplomatik korpus rəhbəri velosiped zavodunda olarkən orada istehsal olunmuş velosipedlərdən birini sürüb və keyfiyyətinin yüksək olduğunu bildirib.

Səfir və onun xanımı Heydər Əliyev Mərkəzində olublar. Mərkəzin fəaliyyəti ilə yaxından maraqlanıblar. Yaponiyalı qonaq xatirə kitabına öz ürək sözlərini yazıb.

Daha sonra Heydər Əliyev adına parkda yerləşən ölkələrimiz arasında dostluq və qardaşlıq rəmzi olan yapon bağı qonaqlar tərəfindən ziyarət olunub. Vada Çüniçini və xanımını məktəblilər yapon dilində salamlayıb, onlarla səmimi söhbət aparıblar. Şagirdlər Yaponiyaya aid çəkdikləri şəkilləri qonağa təqdim ediblər, xatirə şəkili çəkdiriblər.

Xatırladaq ki, 2013-cü il noyabrın 22-də İsmayıllı rayonu ilə Yaponiyanın İto şəhəri arasında qarşılıqlı dostluq mübadiləsi haqqında saziş imzalanmış və “Qardaşlaşmış şəhərlər” protokoluna əsasən 2014-cü ildən başlayaraq İsmayıllı məktəbliləri ilə İto beynəlxalq “Home-stay” klubu arasında müəllim-tələbə əməkdaşlıq proqramı həyata keçirilir.

Dosta Göndər :

  

SON XƏBƏRLƏR

2021-06-23

Video

Yazarlar

MARAQLI

DÜNYA

Redaktor seçimi

FOTOREPORTAJ

GÜNÜN SİTATI

SORĞU

Azərbaycanda futbol var?

ÇOX OXUNAN

GÜNÜN LƏTİFƏSİ

Zahid Oruc Brüsseldə oteldə istirahət edir.

Qəflətən yaylım atəşi açılır, ardınca ikinci, üçüncü...

Zahid müəllim həyəcanla vestübülə düşür və otelin işçilərindən nə baş verdiyini soruşur. Otelin administratoru:

- Ser, ABŞ prezidenti Co Bayden Brüsselə gəlib, ona görə atırlar.

Zahid müəllim təəcüblə:

- Nədi, birinci dəfədən vura bilmədilər?

ARXİV

TƏQVİM

FACEBOOK