SON DƏQİQƏ:

Rayonlara həftəsonu avtobuslarla turların təşkilinə icazə verilsin - TƏKLİF

  17629   |  
Şriftin ölçüsü  

Azərbaycanda daxili turizmin dirçəlməsi üçün həftə sonlarında yalnız turizm şirkətlərinin turları üzrə hərəkət edən avtobusların Bakıdan çıxışına icazə verilsin.

Bu təkliflə çıxış edən turizm üzrə ekspert Fariz Hacıyev Trend-ə bildirib ki, karantin qaydalarının son mühüm yumşalmasından sonra Bakı ilə rayonlar arası gediş-gəliş bərpa olundu. Amma sərnişindaşımaya olan qadağa qüvvədə qaldığı üçün mikroavtobusların, iri tutumlu avtobusların Bakıdan çıxışına icazə verilmir. Bu isə öz növbəsində daxili turların yenidən dirçəlməsinə böyük maneə yaradır:

“Düzdür, şəxsi minik avtomobil ilə rayonlara gedənlərin sayı kifayət qədərdir. Daima qrup turlarına üz tutan insanlar isə mövcud vəziyyətdən faydalana bilmirlər, çünki fərdi şəkildə istirahətə getmək onlara həm baha başa gəlir, həm də fərdi səyahət turları qrup turları kimi onlara maraqlı gəlmir. Bunları nəzərə alaraq təklif edirəm ki, həftə sonlarında yalnız turizm şirkətlərinin turları olmaqla avtobusların Bakıdan çıxışına icazə verilsin”.

Ekspert əlavə edib ki, tur avtobuslarının hansı qaydada aparılması, bununla bağlı bütün sanitar-gigyenik qaydalar Dövlət Turizm Agentliyi tərəfindən hələ bir necə ay əvvəl hazırlanaraq təsdiq edilib.
Avtobuslarla turların təşkilinin təhlükəsiz olacağı qənaətində olan F.Hacıyev qeyd edib ki, Bakıdakı ictimai nəqliyyatdan fərqli olaraq, tur avtobuslarında yalnız ümumi tutumun yarısının dolmasına icazə veriləcək. Bu da öz növbəsində daha təhlükəsiz səyahət deməkdir.

Ekspert əlavə edib ki, qrup turları postlardan keçərkən şirkətin rəsmi sənədi əsasında tur iştirakçılarının siyahısı, onların gedəcəyi hotel, turun vaxtı qeyd olunacaq:

“Bu da bəzi işbazların vergidən yayınma hallarının aradan qaldırılmasına kömək edə bilər. Eyni zamanda, bəzi hallarda heç bir rəsmi qeydiyyatı olmayan, ofis şəklində fəaliyyət göstərməyən ayrı-ayrı şəxslər tərəfindən də turlar təşkil olunur. Əksər hallarda kütləvi şikayətlər onlarla bağlı olur. Müəyyən rəsmi sənədlər təqdim edilmək şərti ilə turların təşkil olunması bu məsələnin də həll olunması deməkdir”.

Dosta Göndər :

  

SON XƏBƏRLƏR

2020-10-20

Video

Yazarlar

MARAQLI

DÜNYA

ƏDALƏT BU GÜN
October: 17, 15, 13, 10, 08, 06, 03, 01,
September: 29, 26,

Redaktor seçimi

FOTOREPORTAJ

GÜNÜN SİTATI

SORĞU

Silahlı Qüvvələrə yardım etmisinizmi?

ÇOX OXUNAN

GÜNÜN LƏTİFƏSİ

Vəli Xramçaylı eşidir ki, Eskobarın  bacısı  oğlu dayısının evində  təmir işləri  apararkən divardan 17 milyon  dollar və xeyli ləl-cəvahirat  tapıb. Tərpənir  Qazaxa, gedir dayısıgilə. Bir  külüng götürüb başlayır   dayısının   evinin divarını  sökməyə. Dayısı  qalır  mat-məəttəl:

- Ə, nağeyrırsan?

- Eskobarın  bajısıoğlu dayısının evinin divarını  sökəndə on yeddi  milyon  dollar  pul tapeyib. Görüm sən nə qədər  pul gizlədifsən?

- Ay axmaq, mənim pulummu  var?

Vəli dayısına  fikir  verməyib  başlayır  divarı   sökməyə, bu vaxt  divardan  20-30  dəftər  tökülür. Vəli tez dəftəri  götürüb  deyir:

- Dayı,  bə bunnar nədi?

- Heş, a bajoğlu, şeirlərimdi, gələjək nəsillər üçün  saxleyram.

Vəli hirslə deyir:

- Bəy babam Nikolayın  kağız pullarını  gizlətmişdi, tapanda  bir  qəfiyə dəymədi, sən də şeirlərini. Yaxşı ki  mən tafdım,  gör  nəvələrin   tafanda səni nə qədər  söyəjeydilər.

ARXİV

TƏQVİM

FACEBOOK