Film izle hacklink kiralık bahis sitesi satılık bahis sitesi Adalet.az | Fotoqrafın gümüş fotosu Adalet.az | Fotoqrafın gümüş fotosu Adalet.az | Ədalət -
ANA SƏHİFƏ / YAZARLAR

Fotoqrafın gümüş fotosu

Əməkdar mədəniyyət işçisi İlqar Cəfərovun fikrincə fotomüxbir də idmançı kimi həmişə formada olmalıdı

37395    |   2016-02-27 00:50
Şriftin ölçüsü:
A+ Böyütmək
A+ Balacalaşdır

AZƏRTAC-ın fotomüxbiri İlqar Cəfərov Amerika Fotoqrafiya Cəmiyyətinin keçirdiyi beynəlxalq müsabiqənin gümüş mükafatına layiq görülüb. Bu, istedadlı foto ustasının nüfuzlu sənət yarışmalarında qazandığı ilk uğur deyil. Lakin necə deyərlər, hər qələbənin öz dadı var...

- İlqar, növbəti qələbən münasibəti ilə səni təbrik edirəm, el dilində desəm. axırıncı olmasın, axarıncı olsun...
- Sağ ol, qardaş.
- Gümüş mükafat aldığın müsabiqə, onun şərtləri və iştirakçıları barədə elə özün ətraflı məlumat versən yaxşı olar...
- Amerika Fotoqrafiya Cəmiyyətinin (PSA) himayəsi və təşkilatçılığı ilə keçirilən "Photo Story 2016" Beynəlxalq Bədii fotoqrafiya müsabiqəsinə bu dəfə Makedoniyanın Kumanova şəhəri ev sahibliyi edib. 6 kateqoriya üzrə keçirilən müsabiqəyə dünyanın 47 ölkəsini təmsil edən 165 fotoqrafın 2870 işi təqdim olunub. Mən 2008-ci ilin sentyabrında Pekində Paralimpiya Oyunlarının bağlanış mərasimində çəkdiyim "Çinli qızların rəqsi"ni müsabiqəyə göndərmişdim. Çox sevinirəm ki, qaliblərin adı açıqlananda Azərbaycan təmsilçisi də mükafatçılar sırasında oldu. "Çinli qızların rəqsi" fotoşəkilim "Ənənələr" kateqoriyasında Amerika Fotoqrafiya Cəmiyyətinin gümüş medalına layiq görüldü.
- Öz aramızdı, indi hamı uzuc mal gətirmək üçün Çinə gedir, amma sənin oradan gətirdiyin qiymətli və keyfiyyətli çıxdı...
- Keyfiyyət bizim sənətdə əsas amillərdən biridir, mən də həmişə bu məsələyə ciddi yanaşmışam.
- Və bəhrəsini də görürsən...
- Beynəlxalq Fotoqrafiya Sənəti Federasiyası (FİAP) və PSA tərəfindən keçirilən müsabiqələrdə müxtəlif nominasiyalı səkkiz mükafat qazanmışam. Serbiyada, İrlandiyada, Monteneqrada, Rumınya, Rusiya və Xorvatiyada Azərbaycanı layiqincə təmsil etmişəm. Rusiya Mətbuat Fotosu müsabiqəsinin 2007-ci ildə keçirilən seçiminin qalibi olmuşam. 2014-cü ildə Rusiya Prezident Kitabxanasının keçirdiyi beynəlxalq fotomüsabiqənin qaliblərindən biriyəm. Soçi Qış Olimpiyadasında çəkdiyim şəkillərə görə həmin müsabiqənin qalibi seçilmişəm. 2009-cu ildə Yaponiyada 151 ölkədən 18 min fotoqrafın iştirak etdiyi dünya miqyaslı Nikon fotomüsabiqəsinin qalibləri sırasında olmuşam.
AZƏRTAC-da işlədiyim ilk illərdə tez-tez cəbhə bölgələrində olurdum. Müharibə mövzusunda və qaçqınlarla bağlı xeyli fotolar çəkmişəm. Həmin şəkillər Bakıda və bir sıra Avropa ölkələrindəki fotosərgilərimdə nümayiş etdirilib. İki il öncə Daşkənddə keçirilən Beynəlxalq Fotobiennale-də Qarabağda çəkdiyim "Müharibə uşaqları" mövzusunda silsilə sənədli şəkillərim qızıl medal aldı. Bir azərbaycanlı kimi Qarabağ həqiqətlərinin dünyaya çatdırılmasına öz töhfəmi verməyə çalışıram.
- Dövlətin rəsmi informasiya agentliyinin fotomüxbiri kimi hər gün müxtəlif tədbirlərdə iştirak edirsən. Yorulmamısan ki?
- Sənətini sevən insan heç vaxt çalışmaqdan yorulmaz. Üstəlik, AZƏRTACda hamı özünü mehriban, işgüzar bir ailənin üzvü kimi hiss edir. Belə bir mühitdə çalışmaq həqiqətən də qürurvericidir.
Sən yaxşı bilirsən ki, AZƏRTACda çalışdığım bu illər ərzində üç Paralimpiya və bir Olimpiya oyunlarında fotomüxbir kimi iştirak etmişəm. Mənim fikrimcə, fotomüxbir də idmançı kimi həmişə formada olmalıdır. Yoxsa keyfiyyətli çəkiliş aparmaq mümkün deyil. Keçirilən idman yarışları fotomüxbir üçün həm imtahan, həm də bir şansdır. Gərək yarışdan yaxşı kadr çəkə biləsən ki, həmin şəkillər müxtəlif fotomüsabiqələrdə sənin üzünü ağ eləsin.
- Bir neçə aydan sonra Bakıda "Formula-1" yarışları keçiriləcək. Sən də yəqin öz hazırlıqlarını indidən görürsən...
- Həmin yarışdan maraqlı, yadda qalan kadrlar lentə almaq üçün özümü "Formula-1"in sürətinə kökləyirəm.



YAZARIN ARXİVİ

2019-06-14 : Ziya
2019-02-09 : Alim-Maestro
2018-09-14 : Bizi deyirlər...
2018-07-04 : İftixarımız
2018-04-07 : Fəxri Zakir
2017-12-02 : Onun adı Rey
2016-09-30 : ...Sadə Qabil
2016-08-13 : Poeziya, Salam
2016-08-12 : Poeziya, Salam
2016-06-11 : Təhsil elçisi
2015-10-09 : Qadağaya qadağa
2015-08-29 : Birinci 10 il
2015-04-11 : Təzə Ağdamlı
2015-03-20 : Bizim Corc
2014-12-13 : "Kitayski" çex
2014-04-05 : Abini anarkən...
2014-01-11 : Əfsanə bolluğu
2013-12-28 : Sonuncu alman
2013-11-30 : Nə sözün?
2012-08-09 : Gedin və baxın!
2012-05-30 : Məqsədli yazı
2011-08-27 : A+A+A
2011-01-08 : Hamı telekanala!
2010-10-02 : Al bıçağı...
2010-06-19 : Top, tar və...
2009-12-12 : 2012
2009-06-20 : YILMAZ, BU KİM?
2009-03-20 : DAVALI YORĞAN
2008-05-24 : Nazirlər soyunur
2008-04-26 : Qalxa-qalxa gedir
2008-03-30 : Tərcümeyi-hal
2008-03-01 : Mənə "beş" ver
2007-11-10 : Reklamlı yazı
SON XƏBƏRLƏR
2019-09-16


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Məktəbli formalarının qiymətlərindən razısınızmı?

Hə (25%)
Yox (75%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK