Film izle hacklink kiralık bahis sitesi satılık bahis sitesi Adalet.az | XOŞBƏXT OLACAĞIM YER... Adalet.az | XOŞBƏXT OLACAĞIM YER... Adalet.az | Ədalət -
ANA SƏHİFƏ / YAZARLAR

XOŞBƏXT OLACAĞIM YER...

18601    |   2014-08-09 01:42
Şriftin ölçüsü:
A+ Böyütmək
A+ Balacalaşdır

Deyirlər, insan həsrətində olduğu və heç zaman sahib ola bilməyəcəyi şeylərdən çox danışır. Əgər belə şeylərin siyahısı tutulsaydı, xoşbəxtlik deyilən o mücərrəd söz birinci yazılardı...
Mənsə, ən çox anlamadığım, mənasını dərk eləmədiyim sözlər haqqında düşünürəm. Sözdən çox, onun ifadə elədiyi anlayış fikrimi məşğul edir. Bəzən əzab verir, bəzən də zövq. Eləsi var ki, düşündükcə özümü ani də olsa xoşbəxt hesab edirəm...
(Doğrudanmı, mənim ömrüm bu qədər yoxsuldu?!.)
Məncə, adam xoşbəxtlik haqqında nə qədər az düşünsə, bir o qədər yaxşıdı. Çünki xoşbəxtlik duyğusu qısqanc və xəsisdi. Onu duymasan, hiss eləməsən yaxşıdı. Duyduqca, hiss elədikcə sanki acığa düşür, səndən gen gəzməyə, ardıycan sürüməyə çalışır. Özünü xoşbəxt hiss eləmək adamı qorxaq edir. Öz-özünə də etiraf eləmək istəmirsən; özünü gözə gətirməkdən ehtiyatlanırsan. Sənə elə gəlir ki, hansı şər qüvvələrsə, içindəki bu qiymətli duyğudan xəbər tutub onu səndən oğurlayacaq...
Yaxşısı budu, düşünmə. Qoy, özü sənin arxanca sürünsün...

***
Adamların əksəriyyəti xoşbəxtdi. Ancaq başlarına fəlakət gəlməyincə bunu anlamırlar. Nağıllarda deyildiyi kimi, nə zaman ki, tifaqları dağıdan, ömürləri alan qüvvələr gəlib çıxır, onda ayılırsan. Onda anlayırsan nəyə sahib idin, indi nələrsiz qaldın...
Xoşbəxtlik əyninə rahat oturan paltar kimidi; nə qədər içindəsən, qədrini bilmirsən. Elə ki, sökülüb-dağıldı, başlayırsan ondan ötrü qan-yaş tökməyə. Vaxtında qədrini bilməməyin, qorumamağın yandırır səni...
"İnsan üçün ən gözəl yer xoşbəxt olduğu yerdi". Kim deyibsə, həmin məkanı bulmuş birisi olmalıdı, yəqin. Amma... xoşbəxtlik məkanla bağlı deyil, axı... Dünyanın çox yerində o qədər gözəl, ekzotik məkanlar var ki,...
Bəlkə xoşbəxtlik insanların heç bu barədə düşünmədiyi məkandadı...
Son günlər rastıma çıxandan bu sözləri eşidirəm: "Niyə burdasan? Niyə gəzməyə, dincəlməyə getmirsən? Harasa get, uzaqlaş... Başın-beynin dincəlsin, qəlbin rahatlıq tapsın..."
Yaxşı sözlərdi... Adamın qulağını oxşayır, inandırır, haralarasa getməyə ruhlandırır.. Həm də bu "haralarasa" sözünü o qədər hissiyyatla, inamla deyirlər ki, sən də hardasa dərdsiz-qəmsiz məskənlər olduğuna şübhə eləmirsən. Uzaqlarda qəlbinin sakitləşəcəyinə, ruhunun təzələnəcəyinə inanırsan...
Amma... hara getsəm, başımı-beynimi, qəlbimi də özümlə aparacam, axı... Deməli, yenə eyni düşüncələr, üzüntülər, çırpıntılar...
Mənasını anladığın və anlamadığın, yoza bildiyin və bilmədiyin qızdırmalı yuxular...
Onları ki, arxada qoya bilməyəcəm...
Onsuz da biz içimizdə yol gedirik həmişə. Haraya? Yəqin ki, özümüz də duymadan xoşbəxt olacağımız məkana tərəf...
Varmı o Məkan?!...
Varsa, yenə də öz içimizdədi...

***
Bəzən özümə də, özüm kimilərə də acığım tutur. Biz nə istəyirik?! Niyə qəlbimiz, ruhumuz dinclik tapmır?! Bəlkə sadəcə olaraq yaşamağı bacarmırıq?!...
Maddi olan heç bir şey başımızı qatmır, zövqümüzü qane eləmir. Narahatçılığımız bitib-tükənmir: oxuyuruq, öyrənirik, arayırıq, axtarırıq. Hər şeydə məna izləyir, düstur gəzir, ölçü tələb edirik. Ötən əsrlərdə yaşayanların həyatı daha mənalı, daha dolğun görünür bizə.Onlar daha saf olublar, daha cəsur olublar. Yaşamağı da, sevməyi, nifrət eləməyi, qiymət verməyi, qədir bilməyi də bizdən yaxşı bacarıblar...
Bizsə, başımızı qatırıq, xəyallar qurub özümüzü aldadırıq...
Bəs, bizə nə olub?! Səhvimiz, eybimiz nədədi?! Arxaya baxmağı sevirik. Qabağa baxmaqla aramız yoxdu. Yaşananlar şirin olur həmişə. Zamanında acı olanları da xatırlananda dadlı gəlir. Səbəbi nədədi? Özümüzdə, yoxsa, ömrün sirli qanunlarında?!...
Bir dəfə Alvred Nobelin xoşbəxtlik haqqında dediklərini oxudum. Xoşbəxtlikdən daha çox həyat haqqında, ömür haqqında düşüncələri, qənaətiydi bu sözlər. İnana bilmirdim: insan həyatdan doya bilərmi?! Siz də oxuyun...
"Mən xoşbəxtliyin nə olduğunu bilməyən və onu gələcəkdə tapacağını ağlına belə gətirməyən, özündən hədsiz narazı, tamam yalqız, tənha, ailəsiz, ürəyimi aça biləcəyim dostlarsız, üstünə yeriməyə bəhanə gəzəcəyim düşmənlərsiz bir həyat yaşamaqdayam. Əslində özüm dilsiz-ağızsız ağacların və kolların arasında yaşamağı arzulayan bir adamam... Ağaclar və kollar heç olmasa, adamın əsəblərini yerindən oynatmır, nadanlıqlarını nümayiş elətdirmirlər... Etiraf edirəm ki, çox yorulmuşam, dünyaya bu qədər "tamaşa" edəcəyimi heç vaxt ağlıma gətirməmişdim. Hər şey kimi bu dünya da ola bilər ki, uzaqdan daha gözəl görünsün. Onun içində isə adam özünü daha çox girov kimi hiss edir..."
Dəhşətli fikirlərdi... Həm də bənzərsiz. Ən çox içimi titrədən dünyaya "tamaşa" eləmək və onun içində özünü girov kimi hiss eləmək fikirləridi...
Bəlkə Novelin həyatdan tələbləri çox yüksək imiş...
Məni isə xoş bir baxış, dadlı bir söz, alicənab bir jest də xoşbəxt edə bilər. Təbii ki, ani...
Onsuz da əbədi xoşbəxtlik mövcud deyil...
Sadəcə, xoşbəxtlik o qədər güclü bir duyğudu ki, işartısı da bəs edir...
Çox şey istəmirəm ki?!
Məncə, çox şey istəyirəm. Özü də lap çoooxxx...

***
Heç yerə gedən, heç nəyi axtaran deyiləm. Varsa, qoy özü gəlib məni tapsın. Məni tapdığına və mənə qovuşduğuna görə sevinsin...
Mən ona yalvarmayacağam...
Biz elə hamımız xoşbəxt olduğumuz yerdəyik...
Didərgin düşən Xoşbəxtliyin özüdü...

Vəsilə USUBOVA
vasila-usubova@mail.ru


İmza:

YAZARIN ARXİVİ

2015-01-10 : ƏN UZUN GECƏ
2014-11-15 : QIRMIZI İP
2014-07-12 : GEC OLMAYAN
2014-07-05 : SAMAN ÇÖPÜ
2014-06-21 : GÜNAHSIZ
2014-06-14 : GÜNAHSIZ
2014-06-07 : GÜNAHSIZ
2014-05-31 : GÜNAHSIZ
2014-05-24 : GÜNAHSIZ
2014-05-17 : GÜNAHSIZ
2014-05-09 : GÜNAHSIZ
2014-05-03 : GÜNAHSIZ
2014-04-26 : GÜNAHSIZ
2014-03-15 : SONUNCU YARPAQ
2014-03-08 : MONMARTR, 18-40
2014-03-01 : Marsa da uçsaq
2014-02-22 : DƏRD ZİRVƏSİ
2014-02-15 : GEC DƏ OLSA...
2014-01-25 : GÜNDƏLİK
2014-01-18 : XİLASKAR
2013-10-12 : NƏNNİ
2013-09-21 : PAYIZ GƏLİR...
2013-08-17 : ADSIZ DUYĞULAR
2013-08-03 : ƏHYA GECƏLƏRİ
2013-07-06 : Sən dönsən...
2013-06-22 : KÖYNƏK
2013-05-25 : ÖZGƏ DƏRDİ
2013-02-09 : AĞILDAN BƏLA
2013-01-26 : DARIXAN ADAMLAR
2013-01-19 : DƏLİLİK ZAMANI
2013-01-12 : ƏSKİ YARALAR
2012-12-01 : SUSUZ DƏNİZ
2012-09-22 : GƏLDİN...
2012-09-15 : BİR QUCAQ SABAH
2012-09-08 : ANGEDONİYA
2012-08-18 : "DÜBEYTİ"
2012-06-30 : O TƏNHA AĞAC...
2012-06-02 : AĞ QARANQUŞ
2012-02-18 : HARMONİYA
2012-01-14 : QONŞU QIZ
2011-12-31 : TƏLƏSİRİK...
2011-12-10 : AYAQYALIN
2011-11-19 : XƏZAN YELİ
2011-10-15 : TƏSƏLLİ
2011-08-06 : DƏYİRMAN
2011-07-16 : ÇOX AZ ŞEY
2011-06-25 : SAVAŞIN 70 YAŞI
2011-05-14 : "QARA QUTU"
2011-03-19 : VƏDƏ KÜLƏYİ
2011-03-05 : KİŞİSİZ...
2011-02-26 : YAZA NƏ QALDI?!.
2011-02-19 : ADİ HƏYAT
2010-12-31 : İL KEÇDİ...
2010-11-06 : İMTİNA
2010-08-21 : KİBRİT FALI
2010-07-24 : YEL DƏYİRMANI
2010-05-08 : XİLASKAR
2010-04-10 : QİYAMƏT
2010-03-20 : XINAYAXDI
2010-02-27 : BOŞLUQ
2010-01-09 : KARVAN GETDİ...
2009-12-26 : YUXU KİMİ...
2009-12-19 : DARIXANDA...
2009-12-12 : İMTAHAN
2009-12-05 : QUYU
2009-10-17 : ELDƏN AYRI...
2009-10-10 : GÖZÜ YOLDA...
2009-10-03 : TARAZLIQ
2009-09-26 : ...YALVARMA!
2009-09-12 : İLĞIM
2009-09-05 : BİR STƏKAN ÇAY
2009-08-08 : QIRMIZI
2009-08-01 : SƏKKİZ SAAT
2009-07-11 : AĞIRLIQ
2009-04-25 : SIĞINACAQ
2009-04-11 : SÖZ VAXTI
2009-02-14 : ÜÇÜNCÜ YOLÇU
2009-01-31 : BİXƏBƏR
2009-01-24 : QIRMIZI VƏ QARA
2009-01-17 : BAŞQA ADAM
2009-01-10 : 3 SAATLIQ NƏFƏS
2008-12-31 : QUM SAATI
2008-12-13 : QURBANSIZ
2008-11-22 : CİDDİ MÖVZU
2008-11-15 : ÜMİD VƏ QORXU
2008-11-01 : AĞ YOL
2008-10-18 : AG VƏ QARA
2008-10-11 : KÜTLƏ
2008-09-20 : TƏSƏLLİ
2008-09-06 : YAZIQLIQ
2008-08-23 : ATA EVİ
2008-08-02 : ÇAY PULU
2008-07-05 : YADDAŞ AĞRISI
2008-06-14 : ÇƏRÇİVƏ
2008-04-19 : SÖZ ARDINCA...
2008-03-30 : İRƏVANLILAR
2008-03-20 : YAZA ÇIXDIQ...
2008-03-08 : UTANCAQ
2008-02-23 : BOZ AY
2007-12-15 : DARIXAN ADAMLAR
2007-12-01 : BİZƏ QALSA...
2007-11-24 : İŞIQSIZ DÜNYA
2007-10-27 : ETİRAF
2007-10-06 : GÜNLƏR VARDI...
SON XƏBƏRLƏR
2019-09-21
2019-09-20


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Qarabağ", yoxsa "Sevilya"?

"Qarabağ" (42.86%)
"Sevilya" (57.14%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK