ANA SƏHİFƏ / YAZARLAR

Daşlaşmaq - Nicat Novruzoğlu yazır

81934    |   2020-06-24 09:20
Şriftin ölçüsü:
A+ Böyütmək
A+ Balacalaşdır

Biz birlikdə güclüyük. Gözəl səslənir. Atalar da bu haqda vaxtında deyib. Amma soruşan yoxdur ki, biz güclü olmaq istəyirikmi?

Xeyli vaxt idi köşə yazmırdım. Barmaqlarımı maskalamışdım.

İzləmə mövqeyində idim. Rəsmiləri də, rəsmisizləri də.

Demək olar ki, hər gün bunlar bir birlərini bu COVİD -19 virusu ucundan ittiham edirlər. Bu onu günahlandırır, o bunu. Rəsmilər brifinq zamanı, rəsmisizlər bütün günü sosial şəbəkədə.

Rəsmi deyir, evdən çölə çıxma, sosial məsafəni qoru, maska tax, gigiyenik təmizliyə fikir ver və s. Ki, yaşayasan. Gündəlik tutulma sayı 500-ə çatıb. Günə 6-7-də ölüm.

Rəsmisiz deyir, virus boş söhbətdi, şoudu, plandı, öhdəlikdi. Xaricdən pul almaq istəyirlər. Ölənləri də öz beyin və təfəkkürlərinin labaratoriyaları vasitəsi ilə analiz edib bir birlərinə xəbər edirlər ki, virusdan ölməyib.

Bax bu minvalla korona ilə qaçdı- tutdu oynayırıq. Hələ ki korona tutur. Biz qaça bilmirik.

SMS-li karantini yenə işə saldıq. 3 şərtlə çıxa bilərsiniz viruslu küçələrə. Guya şərtsiz çıxmırsınız ki?! Dovşan kimi də olsa çıxırsınız. Niyə özünüzü dovşan gününə qoyursunuz ki?(Qeyd: bu dovşan mənim dovşanımdı. Digər dovşanlarla müqayisələndirməyin).

Maska taxmırsınız. Öyünürsünüz. Qoruyucu maskadan başqa hər cür maska taxdıq üzümüzə. Vallah, bu istinin günündə sutkalıq həbs adamın gözünü tutmayaydı o maska taxmayıb marketdə, ictimai nəqliyyatda ağzımızın içinə girənlərin elə ağzının üstündən şappıldadardım. Adam hər gün Kamil Zeynallı olmaq istəyir.

Mən fikirləşirdim ki, balaca ölkəyik. Biz tezliklə virusu məhv edib bütün dünyaya örnək olarıq. Axı bizim başımız çox çəkib. Hesabla birinci cümlədə ki, o haştaq işləməliydi, işləmədi. Pandemiya sübut etdi ki, biz güclü deyilik. Çün, biz bir deyilik. Biz elə 10 milyonuq.

Ölkə balacadı, problem böyük. Problem ancaq virusa işləyir.

Əlimizdə imkan olsa brifinq keçirən operativləri daş-qalaq edərik. Əslində daşı günahsız atmalıdı. Bizdə nə vaxt günah olub ki?! Hamımız daş atanıq.

Elə ona görə də bir-birimizə daş atıb daşlaşırıq. Daşlaşmaqla virusa qalib gələcəyik. Axı virus daşa yoluxmur. Biz ancaq belə virusa qalib gələ bilərik-daşlaşmaqla.





İmza:

YAZARIN ARXİVİ

2018-04-20 : İT GÜNÜNDƏ
2018-03-29 : DAY-DAY
2018-02-12 : XANALIQ
2018-01-24 : Vayına oturum
2017-11-01 : QOL-un içi
2017-10-25 : Nətərsən?
2017-10-17 : FAL QƏLƏM
2017-10-06 : TRANSPLANTASIYA
2017-09-16 : İlk zəng
2017-09-14 : MƏN ÖLƏCƏM
2017-09-11 : MƏN ÖLƏCƏM
2017-08-23 : SAHİBSİZLƏR
SON XƏBƏRLƏR
2020-07-08


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (88.89%)
Pullsuz (11.11%)

ÇOX OXUNAN
GÜNÜN LƏTİFƏSİ

Siyasətçi ilə dolu bir avtobus seçki kampaniyası üçün kənd-kənd gəzirlərmiş. Avtobus böyük bir fermanın yanından keçərkən avtobus sürücünün diqqətsizliyindən dərəyə aşır.

Fermer qaçaraq gəlir və gecə qurda-quşa yem olmasın deyə cəsədləri basdırmağa başlayır.

Ertəsi gün polis sorğu üçün fermaya gəlir.

Fermerdən soruşur:

- Deməli, avtobusdakı bütün siyasətçiləri basdırdın. Hamısının ölü olduğundan əminsən?

Fermer cavab verir:

- Bəziləri yaşadıqlarını iddia elədilər, amma siyasətçiləri bilirsiniz də, necə yalan danışırlar. Amma məni aldada bilmədilər.




digər lətifələr
ARXİV
FACEBOOK