ANA SƏHİFƏ / GÜNDƏM

Şəhid Bəhruz Zeynalov: Dənizin və göylərin fatehi

60229    |   2020-02-12 09:05
Şriftin ölçüsü:
A+ Böyütmək
A+ Balacalaşdır

-Ay ana, gedib şadlıq sarayını danışdınız?

-Hə, qızım!Həm də şəhərin ən möhtəşəm şadlıq sarayını! Böyük, geniş.. axı Bəhruzun dostları çoxdu… Hamısı gələcək!

-Yəqin toy gününü də dəqiqləşdirmisiniz?

-Hə, qız evi ilə də razılaş, ayın 21- toydu.

-Ana, qardaşım bəylik kostyumunu gedib alıbmı?

-Yox, deyir ki, sınaq uçuşlarımız var, gedim başa vurum, gəlib alarıq… Amma dünən nişanlısı ilə gedib gəlinlik paltarını sifariş veriblər.

- Toy xonçalarını gəlib özüm hazırlayacam. Gəlinə aldığımız geyimləri, qızıl ziynət əşyalarını ağ, güllü bir xonçaya qoyarıq. Şirniyyatları daha böyük, qırmızı xonçalara yığarıq. Gərək qaqaşımın toyu hamının toyundan seçilə, dillə deyilə…axı o leytenantdı, pilotdu, hərbçidi, fəxrimizdi, igidimizdi. Mənim qaqamdan yoxdu… vallah…

Ana gülümsəyir: Vallah mənim qardaşımda hərbçidi mə heç sən qədər "forslanmırdım”.

Yenə gülümsəyir, gözlərində bir sevinc sezilir. Telefon qulağında ötəri güzgüyə baxır, təəccüb edir, o "forsu” özündə də hiss edir. Nə yaman şirin hissdi, oğul anası olmaq, hərbci anası olmaq, pilot anası olmaq, nəhayət Bəhruzun anası olmaq! Gözü oğlunun divardan asılmış şəklinə sataşır, xəyala dalır: Evdə Bəhruza qulluq edəndə həmişə 3 dəfə deyirdi: "Sağ ol, ana... Sağ ol, sağ ol”. Deyirdim, Bəhruz, niyə sən hamıdan fərqli sağ ol deyirsən? O da cavabında "Axı sən hərbçi anasısan. Sən mənim generalımsan. Biz generallara sağol, sağol, sağol deyirik. Bəhruzum elə körpəlikdən özünü hərbiçi kimi aparıb. Onu başqa peşədə görmək ağlıma da gəlmirdi. Heç kimin ağlına gəlməzdi. Qəribəliklərlə dolu idi. Qarşısındakından qüvvətli olsa da, ona heç vaxt qələbə çalmazdı. Zəiflərə gücünü göstərmirdi. Bax mənim balamın əqidəsi belədi. Hələ 4 yaşı vardı. Dayısı, atası və qardaşı Elgizlə hərbi hissəyə gediblərmiş. Atası ilə Elgiz adi yerişlə yeriyir. 4 yaşlı Bəhruzum isə generala hərbi salam verərək keçib, hərbçi addımları ilə irəliləyib. Onda general-leytenant Yaşar Aydəmirov ona yaxınlaşıb və deyib ki, sən mütləq hərbçi olmalısan. Papağını çıxarıb, Bəhruzun başına qoyub. Sonradan Bəhruz "andiçmə”sində Aydəmirovla şəkil də çəkdirmişdi. Oğluma düzgün yol göstərirdi. Əsl hərbçi kimi yetişirdi oğlum. Bilmirəm müharibə vaxtı hərbi hissədə həkim olan,elə onda ağır yaralanan atası Novruzamı , yoxsa hərbçi qardaşım Rahibəmi çəkdi, bu? Gözünü bu dünyaya açar-açmaz yurdsuz-yuvasız qaldıq. Pərən-pərən düşdük, yataqxanalarda böyütdüm balamı , əziyyətlərin-kasıbçılığın içində yaşadı. Nə vaxt yolda yaşlı dilənçilər görürdü, özünə gələ bilmirdi. Dünyanı anlayar-anlamaz evdə vətən sözü eşitdi, torpaq həsrəti duydu. Balam çox vətənpərvərdi. Ramil Səfərovun azadlığa çıxmağı üçün dualar edirdi. Mən deyirdim, inanmıram ki, Ramil qayıtsın. Deyirdi, ümidinizi üzməyin, dualar edin. Ramil Azərbaycana gələndə sevindiyindən ağladı. "Bəlkə də, Allah mənim dualarımı eşitdi” - deyirdi. Ramillə çox fəxr edirdi. Telefonuna Mübariz, Ramil və Fəridin şəkilini qoymuşdu. Yaman dostcanlıdı balam… Bir dəfə onun 7 yaşını qeyd edirdik. Bir də gördük ki, qapı döyüldü, yaşlı kişilər gəldi. Bəhruza oyuncaq təyyarə almışdılar. Gələnlər arasında polis rəisi, çörək sexinin müdiri də var idi. Onlar soruşanda ki, Bəhruz bu evdə yaşayır? Hamımız təəccübləndik və narahat olduq. Sən demə, bunlar evimizin yanına tez-tez gəlirlərmiş. Bəhruz onlarla dostlaşıb.(Gülümsünür)



Axır vaxtı toylarda çox oynayır, gərək toyu tez eləyim, öz toyunda da oynasın. Şükür Xudaya, balama şükür, pilot balama!

Birdən xəyallarından ayrıldı. Yadına düşdü ki, telefonun o başında bacı şirin-şirin qardaşının toyu üçün hazırlıqlarından,”planlar”ından nəfəs dərmədən danışır . "Bilsə ki, onu dinləmirəm küsəcək”-deyə gülümsədi.

-Ay ana, Bəhruzun toyunda gərək təzə paltar alam. Axı bəy bacısıyam.

-Yaxşı qızım arada gələrsən, ətraflı danışarıq…

Tamam ana qızı Günayla söhbəti bitirib, evə səliqə- səhman vermək istədi. Nə illah elədisə, əli işə yatmadı. Qəlbinə dərin bir kədər çökdü. Səbəbini anlamasa da, ürəyi çırpındı. Bu an sanki kürəyinin arasından buz kimi bir ilan sürüşüb keçdi. Bütün vücudu titrədi . Saçıları tikan-tikan oldu. "Qəflətən mənə nə oldu”-deyə fikrini yayındırmağa çalışdı. Televizora tərəf getdi. Ekran açıldı. Nədənsə, orda da hüznlü bir musiqi çalınırdı. Ağır, tükürpədici… özünü zorla kətilin üstünə yıxdı. Həyəcanı getdikcə artırdı. Anlamsız baxışlarını ekrana zillədi. Musiqi kəsildi. Diktor uzun –uzadı nəsə danışırdı. Ana nə qədər çalışdısa heç nə anlaya bilmədi. Bircə sözü eşitdi… Bəhruz, dəniz, qəza…Huşunu itirib yerə yıxıldı.

Diktor isə danışırdı: "Bu gün- 2013-cü il fevralın 11-i saat 10:30-da HHQ-yə məxsus helikopter radarlardan itərək Şıxov çimərliyi istiqamətində qəzaya uğrayıb. Məlumatda deyilir ki, "Mİ-17" markalı helikopter Azərbaycan ordusunun ambulans helikopteri olub. Helikopter Bakıdan Kürdəmirə xəstə əsgərləri gətirmək üçün uçurmuş.

Qəzadan dərhal sonra ölən şəxslərin axtarışına başlanıb. Bu məqsədlə Hərbi Dəniz Qüvvələri və FHN-in gəmi və katerləri, helikopterlər cəlb olunub. Axtarışa 6 gəmi cəlb edilib. Rəsmi açıqlamaya görə, Xəzərə düşən "Mİ-17"-də 3 nəfər olub. Onlar helikopteri idarə edən zabitlər - kapitan Əhmədov Yaşar Mail oğlu, baş leytenant Rüstəmov Rüstəm Gülhüseyn oğlu və leytenant Zeynalov Bəhruz Novruz oğludur. Axtarış tədbirləri nəticəsində Rüstəm Rüstəmov və Bəhruz Zeynalovun meyiti sudan çıxarılıb. Saat 15-də helikopter dənizin dibindən çıxarılıb. Qəzada ölən leytenant Bəhruz Zeynalovun fevralın 21-də toyu olacaqmış.

Qeyd edək ki, Bəhruz Zeynalov 9 may1989-cu ildə Ağdam rayonunda anadan olub.24 yaşında şəhidlik zirvəsinə ucalıb. Ehtiramla yad edirik!

Əntiqə Rəşid

Adalet.az




İmza:

Dəniz nəqliyyatının 2 işçisinə “Əməkdar mühəndis” fəxri adı verilib - SƏRƏNCAM

Ruhların xoşbəxt etdiyi Ağdam... - Nicat Kolanı yazır

Xüsusi karantin rejiminin sərtləşdirilməsi ilə bağlı qərar təsdiqləndi

“Haqqı çatanlar mükafatlandırılacaq” - Jurnalistlər Prezidentə təşəkkür etdilər

Şahmar Mövsümov: 190 manat birdəfəlik ödəmə qısa bir müddətdə ödəniləcək

Polis günü və tədris ilinin buraxılışına həsr olunan təntənəli mərasim keçirilib

Azərbaycanda daha 534 nəfər koronavirusa yoluxdu, 471 nəfər sağaldı, 6 nəfər öldü

Sərt karantinə nəzarət gücləndirildi, ciddi yoxlamalar başladı - DİN-dən XƏBƏRDARLIQ

İlham Əliyev milli mətbuatın 145 illik yubileyinin keçirilməsi haqqında Sərəncam imzaladı

KİVDF qəzetlərə maliyyə yardımının göstərilməsinə dair müsabiqənin nəticələrini açıqlayıb

GƏNCƏNİN 100 YAŞLI QƏZETİ

Rəşad Mahmudov: ƏMANƏTİNİZ ƏMANƏTİMİZDİR, doğma səhiyyə işciləri!!!

ALİMPAŞA MƏMMƏDOV ƏSHABƏLƏRİ İLƏ YAS YERİNDƏ EHSAN YEYİBMİ?

AZAL-dan sərnişinlərə xəbərdarlıq: Provokasiyalara uymayın!

Fəaliyyətinə icazə verilən sahələr və icazə üçün müraciət QAYDALARI

Hərbi qulluqçuya hörmətsizlik nümayiş etdirən şəxs saxlanıldı - VİDEO

BŞBPİ bir qadının polisə tabesizlik etməsini əks etdirən görünütüləri araşdırıb

"Yeni Klinika"da indiyədək 1200 koronaviruslu xəstə stasionar müalicə alıb

Azərbaycanda daha 513 nəfər koronavirusa yoluxdu, 440 nəfər sağaldı, 8 nəfər öldü

Daha 4 rayona prokuror vəzifəsini icra edən şəxslər təyin edildi

“Media könüllüləri -145” - regionun ən böyük media platformasına start verildi

Prezident İlham Əliyev Nursultan Nazarbayevə telefonla zəng edib

SON XƏBƏRLƏR
2020-07-07
2020-07-06


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (88.57%)
Pullsuz (11.43%)

ÇOX OXUNAN
GÜNÜN LƏTİFƏSİ

İki qonşu olur: biri hamıya pislik edən, bir neçə villanın sahibi, gününü eyş-işrətdə keçirən, Allahı, peyğəmbəri tanımayan bir məmur. O birisi də Allahı, peyğəmbəri tanıyan, xoş xasiyyətli müəllim.

Bir gün Allahı, peyğəmbəri tanımayan məmur ölür. İki-üç aydan sonra müəllim də ölür.

İnkir-minkir müəllimi sorğulayır, görürlər yaxşı adamdı, amma onun da günahları var. Deyirlər:

- Davay, cəhənnəmə.

Bir söz demədən gedir girir cəhənnəmə.

Bir az fırlanmış görür ki, məmur qonşusu oturub stolun başında, böyür-başında da əyanları. Məmurun başında da dəfnə çələngi. Yaxınlaşıb deyir:

- Qonşu, o dünyanı qatıb-qarışdırdın, min günaha batdın, cəhənnəmdə də stolun başında oturmusan, yanında da əyanların, başında da dəfnə çələngi.

Məmur deyir:

- Ə, yaxşı bax, məni ağaca keçiriblər, başımda çiçəkləyib.





digər lətifələr
ARXİV
FACEBOOK