ANA SƏHİFƏ / ŞOU-BİZNES

Könül Xasıyevanın "dilənməyi" - İntiqam VALEHOĞLU yazır

56117    |   2019-02-24 11:55
Şriftin ölçüsü:
A+ Böyütmək
A+ Balacalaşdır

Neçə gündür hər kəs Könül Xasıyevanın müğənni Mətanət Əsədovanın ad günündə oxumasından danışır, yazır, pozur. Biri deyir, Könül Xasıyevaya o hərəkəti yaraşdırmadım, o biri söyləyir ki, həmin hərəkət elə Xasıyevanın əyninə biçilib, başqa biri sənətkarı dilənçi adlandırır. Təbii ki, bu cür fikir müxtəlifliyinin içərisində doğrunun hansı olduğuna qərar vermək də çətindir. Amma Könül xanımın sənəti və şəxsi keyfiyyətləri barədə bir az danışsaq, yəqin ki, sizin də daha doğru seçim etmək imkanınız olacaq.

Məsələn, deyilənlərə inansaq, Könül Xasıyeva tələbə olarkən bir neçə gün dərsə gəlmir. Arif Babayev xəbər göndərir ki, ona deyin, dərsə gəlsin, gəlməsə qovula bilər. Uzun axtarışlardan sonra Könül Xasıyeva Arif Babayevə xəbər göndərir ki, qardaşım vəfat edib. Tələbə yoldaşları beşdən-üçdən atışıb bir avtobus tuturlar ki, Şəkiyə-hüzr məclisinə getsinlər. Gedirlər, məlum olur ki, heç kim rəhmətə getməyib. Sadəcə, Xasıyevanın başı toylarda pul qazanmağa qarışdığı üçün "optimal bəhanə" fikirləşib. Sadəcə, görünür ağlı kəsməyib ki, kimsə durub Bakıdan Şəkiyə gələr.

Heç kimə sirr deyil ki, Xasıyeva öz tələbə yoldaşlarının əksəriyyətindən, hətta hamısından daha tez məşhurlaşıb. Məsələn, Könül məşhur olanda Nüşabə Ələsgərli, Könül Kərimova, Gülüstan Əliyeva, Zakir Əliyev tanınmırdı. Deməli, Könüldə pul olanda bu adını çəkdiyim sənətçilərin heç birinin bəlkə də nəinki yaxşı imkanları, heç dolanmağa pulu yox idi. Soruşa bilərsiniz ki, o pullar hara getdi, kimə xərcləndi? Cavab çox maraqlıdır və bəlkə də çoxlarınız ilk dəfə bu barədə eşidəcəksiniz. Təxminən iki il əvəl Xasıyeva bir gürcü ilə tanış olur. Gürcü deyir ki, gəl, biznes quraq. Xalq artistimiz də bir milyondan artıq pulu gürcüyə verir ki, sən işləri qur, hazır olanda mənə xəbər eləyərsən. Gürcü də bir az astagəl adamdır. Düz iki ildir işi qura bilmir ki, bilmir. Burası zarafatdı. Gürcü aradan çıxıb, rəhmətlik Kamil Məhərrəmov demiş, pullar da mələyib. Kimsə deyə bilərmi ki, Xasıyeva indiyədək həmin milyondan bircə manat hansısa dosta, qohuma, tanışa, ehtiyacı olana əl tutub. Şəxsən mən bir neçə məlumatlı adamdan soruşmuşam, gördüm deyən olmayıb.

İndi qayıdaq Xasıyevanın Əsədovanın ad günündə oxumasına. Əslində, burada qəbahət yoxdur. Amma xalq artistimiz elə gəncliyindən o qədər pulgirdir ki, özünü saxlaya bilməyib ona verilənlərdən imtina etməyi bacarmadı. Kimsə deyə bilər ki, səhhətində problem var, xəstədir, övladı nasazdır. Bütün bunları mən də bilirəm. Əgər bir milyona sahib olan sənətkarın gözü yenə də doymursa, tanımadığı gürcüyə o pulu verib, iş qurmaq istəyirsə, deməli, mənim eşitdiklərim, sizin də az öncə oxuduqlarınız yanlış deyil.

Bu arada Könül xanımın bir şakəri barədə da danışmaq yerinə düşər. Məsələn, onun səhhətinin ən ağır vaxtlarında zəng vurmuşam ki, Könül xanım, necəsiniz, nə dərdiniz var? Özümü təqdim etmişəm və televiziyadan olmadığımı bilən kimi telefonu qapadıb. Elə səhəri gün ATV-də Yusif Ağayevin verilişində peyda olub.

Hə, yadıma düşmüşkən bunu da qeyd edim. Xasıyeva atasının qırxı çıxmamış oxuması barədə səsləndirilən tənqidlərə cavab verərkən Gülyanaq Məmmədovanı "güllə qabağına" verib. Deyib ki, məni nöş qınayırsız, Gülyanaq da atasının qırxı çıxmamış mənim məclisimdə oxumuşdu. Gülyanaq Məmmədova da deyir ki, bəli, atamın ili çıxmamış oxumuşam, amma qırx mərasimindən əvvəl məclislərə getməmişəm. İntəhası üzü gəlmir desin ki, Xasıyeva gözünün içinə qədər yalan deyir.

Bütün hallarda Xasıyevanın sənəti yetərincə böyükdür, dəyərlidir, sanballıdır. Amma nə yazıq ki, bir çox sənətkarlar kimi, Xasıyevanın da şəxsi keyfiyyətləri barədə eyni sözləri demək olmur.

İntiqam VALEHOĞLU




İmza:

Cem Yılmaz dəbdəbəli villasını satışa çıxarıb - FOTO

Cavidan Novruz həyat yoldaşına səsləndi: “Toyuq doğramağı öyrən, xahiş edirəm”

Nazpəri: “Silvester Stallonenin bağına getmişdim”

Mənzurə Musayeva: “Söhbət edə-edə plastik əməliyyat etdirdim” - VİDEO

Nadir Qafarzadə canlı efirdə qəzəbləndi: “Toysuz qalan müğənnini bağına çağırıb, oxutduracaq” - VİDEO

Ancelina Coli və Bred Pitt arasında buzlar əriyir

Məşhur “plus-size” model kameralar qarşısında uşağına süd verdi - FOTO

Onurğa iflicindən əziyyət çəkən Xalq artisti: “Xəstəlik dizimə qədər gəlsə, əl arabasında gəzəcəm” - VİDEO

Billi Ayliş onu tənqid edənlərə cavab üçün soyundu - VİDEO

Nüşabə acınacaqlı vəziyyətə düşən Nurlanı qınadı: “Toy müğənnilərini bəyənmir, bizdən yardım istəyir” - VİDEO

Aygün Kazımova: “Bu işdə özümə qadağalar qoyuram”

Kərim Abbasov: “Maddi sıxıntılarım olanda bankir bacanağıma zəng vururam”

SON XƏBƏRLƏR
2020-05-29


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (89.23%)
Pullsuz (10.77%)

ÇOX OXUNAN
GÜNÜN LƏTİFƏSİ

İki qonşu olur: biri hamıya pislik edən, bir neçə villanın sahibi, gününü eyş-işrətdə keçirən, Allahı, peyğəmbəri tanımayan bir məmur. O birisi də Allahı, peyğəmbəri tanıyan, xoş xasiyyətli müəllim.

Bir gün Allahı, peyğəmbəri tanımayan məmur ölür. İki-üç aydan sonra müəllim də ölür.

İnkir-minkir müəllimi sorğulayır, görürlər yaxşı adamdı, amma onun da günahları var. Deyirlər:

- Davay, cəhənnəmə.

Bir söz demədən gedir girir cəhənnəmə.

Bir az fırlanmış görür ki, məmur qonşusu oturub stolun başında, böyür-başında da əyanları. Məmurun başında da dəfnə çələngi. Yaxınlaşıb deyir:

- Qonşu, o dünyanı qatıb-qarışdırdın, min günaha batdın, cəhənnəmdə də stolun başında oturmusan, yanında da əyanların, başında da dəfnə çələngi.

Məmur deyir:

- Ə, yaxşı bax, məni ağaca keçiriblər, başımda çiçəkləyib.





digər lətifələr
ARXİV
FACEBOOK