nulled forum sanal pezevenk hacklink satın al hacklink al Sit Giriş Hack haber epin scripti warez forum warez script hacklink nulled scripts warez forum xenforo nulled hack forum spyhackerz warez php script Adalet.az | Vaqif Mustafayevə məktub - Eminquey yazır Adalet.az | Vaqif Mustafayevə məktub - Eminquey yazır Adalet.az | Ədalət -
ANA SƏHİFƏ / YAZARLAR

Vaqif Mustafayevə məktub - Eminquey yazır

12801    |   2019-02-21 11:07
Şriftin ölçüsü:
A+ Böyütmək
A+ Balacalaşdır

Əziz və Hörmətli Vaqif Mustafayev! Sizi narahat edən kanalınızın narahat etdiyi insanlardan biridir. Əvvəla onu deyim ki, Space tv-nin sahibi Sevil Əliyevaya böyük təşəkkür düşür. O mənada ki, bu kanaldan xeyli insan evinə çörək aparır. Amma çörəyi qazananda da gərək halal yolla qazanasan. Haram – təkcə, kiməsə atmaq, maşenniklik deyil, həm də öz iş yerinə xəyanət etməkdir. Space tv 97-ci ildən fəaliyyət göstərir və hətta, bir neçə kanaldan yaşca böyükdür. Düzdür, televiziyamız bir qədər də ürəkaçan halda deyil, amma Space tv-nin inkişafı ümumən televiziyamızın vəziyyətindən daha acınacaqlıdır.

Adama sual verərlər ki, nöşün? O şün ki, bizdən qabaqkı nəsilin Hind filmlərinə olan marağı bütöv Space tv-ni Hindistanın dövlət televiziyasına çevirməməlidir. Artıq bu "dışşş, bıdışşşş”lar, reklam fasiləsinə düşən öpüşmə səhnələri bizə maraq vermir. Artıq bu filmlərin əsas qayəsi olan "yağış romantikası” da biz vızzz gəlir. Bizim üçün artıq yağış da romantika deyil, şəhərin palçığını üstümüzdə evə gətirəndən sonra. Sovet dövrü də deyil ki, küçələrimiz hər səhər tezdən yuyulsun, təmizlənsin.

Əkbər yaxşı aktyordur, amma bütün Azərbaycanın doğum gününü bir verilişdə keçirmək kimin nəyinə lazımdır ki? Əkbərdən sonra yenə bu missiyanı Mikayıl davam etdirir.

Mikayıl haqqda yazılmayan tənqidlər qalmayıb. Hərçənd ki, Mikayıl bəyin bu tənqidlər heç mikrofonuna da deyil, amma biz də belə dincəlirik. Xarici televiziyaların tamaşaçı kütləsinə baxanda elə bilirsən ki, o ölkələrdə yaşayan insanlar həqiqətən də çox mədənidirlər. Rusiyanın televiziyalarındakı dava-dalaşları çıxsaq, ümumi mənzərə belədir. Yəni, mənim nə demək istədiyim yəqin ki, aydındır. Hətta, tamaşaçı kütləsi orada gəlib oturub əl çalmağı özünə iş bilir, peşə bilir. Sizin tv-yə qonaq gələndə bu kütlənin başçılarını gördüm, o verilişdən bu verilişə, bu kanaldan o kanala sifariş götürürdülər. Amma əgər Azərbaycan bu gün dünya kanalları içinə bu kütlə ilə, bu verilişlərlə düşəcəksə, vay bizim ekranımıza.

Tv-nin ən əsas simaları da xəbər aparıcılarıdır ki, Space-nin xəbərlər proqramı adamı birbaşa nevroza aparır. Deməli, proqramın aparıcıları Elvin Basqallı və Nurlan Əliyevdir. Elvin Basqallı da Nurlan Əliyev də gözəl insanlardır. Elvinsə həm də yerlimdir. Amma bu proqramda siz xalqa önəmli informasiyaları çatdırmalısınız, qışqırmalı yox. Sakit tərzdə, əcaib intonasiyalarda yox. Bunu sizin təcrübəsizliyinizə də keçmək olardı, amma elə də qısa zaman deyil ki, efirdəsiniz. Hətta, İradə İsaq sizin haqqınızda şikayət statusu yazanda, iş yoldaşlarınızdan biri bu nöqsanların dəfələrlə sizə irad tutulduğu və sizin də bu halınızdan məmnun olduğunuz bəlli oldu. Sizin xəbərlərin sürətinə çatmaq üçün 6,3 motor beyin lazımdı. Özü də dönə-dönə deyirsiniz ki, bizi qaçırmayın. Qardaş, mən hər dəfə sizin xəbərlərə baxanda təngənəfəs oluram. Bizi qaçıran sizsiniz e, biz sizi qaçırmırıq.

Banu verilişində o gözəl xanım rayon-rayon, kənd-kənd Azərbaycanın canına düşüb toylarımızı çəkir, xub. Amma filan rayonun filan kəndinin filan ailəsindəki toy mənim nəyimə gərək? Hə, adət-ənənəni göstəririk, deyirsinizsə, bu tip verilişlərin istifadə müddətdi çoxdan keçib, vallah, keçib ee, keçib. Hamı bilir ki, aş, kabab, buğlama, bozbaş, küftə, dolma və başqa isti yeməklər rayon toylarının adətidir. Hamı bilir ki, gəlin-qaynana ancaq toyda öz mehribanlıqlarının zirvəsinə çatırlar. Hamı bilir ki, lampa başına fırlanma, çörək kəsmə, bal yedizdirmə, Quran altından keçirmə, boşqab sındırma, ayaq basdalama və başqa xürafat inanclar ayrılmaz hissəmizdir. Hamı bilir ki, sən toy çaldırırsan, sonra banklar sənə toy tutur. Maşın önünü kəsən uşaqlara manatlıq tullamaqla deyil e.

Məsələn, niyə Azərbaycan televiziyasında "istedad” gəzən verilişlər yoxdur? İstedad deyəndə təkcə qatar dartan pəhləvanlar, zəngulə vuran xanəndələri nəzərdə tutmuram ha, mən qeyri-adi istedadları deyirəm. Çünki, kanallarımızın özündə qeyri-adiliyə meyillilik azdır, maraq azdır. 12 kanallıq maraqsızlıq. Elə toy, elə konsert, elə ağlaşma. Nə isə, Space tv...

Bəlkə də xalqın çox hissəsi sizin fəaliyyətinizdən razıdır, xoşhaldır. Amma siz xalqın sevimli kanalı olduğunuzu deyirsiniz. Mən də bu xalqdan biri olaraq həm öz adıma, həm də həmfikirlərim adıma yazıb bildirirəm ki, çiçəklənmə dövrümüzün məhsuldarlığından siz də istifadə edin, soyunun bu nimdaş verilişləri əyninizdən. Soyunun bu hind nostalgiyasını əyninizdən. Ki, görənlər, bizi Hindastanla qonşu dövlət saymasın. Görənlər bizi hind adətlərinə düçar biri kimi tanımasın. Soyunun bu qışqırığı ki, informasiyalar beynimizi qapmasın, sığallasın. Və o zaman görəcəksiniz ki, soyunmaq təkcə biədəblik deyil, biyabırçı məşhurlaşma planı deyil, həm də i.ıqlanmaqdır, aydınlanmaqdır. Azaldın bu bayağı müğənniləri qonaq siyahınızdan.

Sonda Vaqif müəllim, savadınıza, intellektinizə, istedadınıza inanıb sizdən yeniliklər gözləyirik, Space Hindistanın yox, Azərbaycanın televiziyasıdır.



İmza:

Deputatların heç birində koronavirus aşkarlanmadı - RƏSMİ

Koronavirus səbəbindən bəşəriyyətin yarısı karantindədir

Türkiyədəki azərbaycanlı tələbələr dövlətə aid yataqxanalardan çıxarılmayıb - Erkan Özoral

İlham Əliyev koronavirusa görə karantin üçün hotellərini ayıran iş adamlarına təşəkkür etdi

Azərbaycan Afrika İttifaqı Komissiyasına 20 min dollar yardım edib

Bakıda qadın vəhşicəsinə döyüldü: Polis araşdırmalara başladı

Cəlilabadda polisi güllələyən şəxs həbs edildi - RƏSMİ

İlham Əliyev və Mehriban Əliyeva Bakıda tibb müəssisəsinin açılışında - YENİLƏNİB

Azərbaycanda ərin arvadını xəstəxananın həyətində amansızlıqla öldürməsinin təfərrüatı - VİDEO

Dövlət başçısı: “Yaşı 65-dən yuxarı insanlar evdə oturmalıdırlar. Vəssalam, birmənalı şəkildə!”

YAZARIN ARXİVİ

SON XƏBƏRLƏR
2020-04-04
2020-04-03


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (90.48%)
Pullsuz (9.52%)

ÇOX OXUNAN
GÜNÜN LƏTİFƏSİ

-Sonuncu dəfə deyirəm, vətəndaş, damdan düş, gir evə, səninlə burda çənə-boğaz eləməyə vaxtımız yoxdu - polis mayoru həyətdən səs gücləndirici ilə binanın başındakı kişiyə səsləndi - hamımız eyni vəziyyətdəyik, amma dözürük, sən də dözməlisən!

Kişi etiraz etdi:

-Dedim yox! Mən dözmək istəmirəm! Mən bu qədər özümü çeynətməm!
Mayor nişan alıb tapança ilə adamı çiynindən vuraraq dama sərdi...
Kişi gözünü açdı ki, xəstəxanada çarpayıdadı. Mayor da oturub çarpayının yanında.

-Nahaq vurdun məni! - mayora baxıb narazı dilləndi - kişi-kişinin arvad-uşaq yanında sınmasına razı olmasın gərək!

Mayor başını aşağı salıb gileyləndi:

-A kişi bezmişik ey əlinizdən, biriniz dama çıxırsınız, biriniz yuxu dərmanı içirsiniz, hələ o gün biri evində üstünə benzin tökmüşdü ki, "mənə söz deyən olsa, özümü yandıracam". Boğaza yığmısınız ey bizi. Bilmirik asayişi qoruyaq, ya sizinlə uğraşaq. Ə, elə bilirsən bizə asandı? Biz də kişiyik, anlayırıq sizi! Ama day intihara cəhd etmək nədi?! Allah bu koronavirusa lənət eləsin!

Kişi əlini uzadıb mayorun qolundan tutdu - bilirəm qardaş, sizin işiniz lap ağırdı, özü də indiki vəziyyətdə, amma məni də başa düş - kişini qəhər boğdu - əşşi mən arvada dedim köməyə ciddi ehtiyac yaransa, kartof qızardaram, uzağı bozbaş bişirərəm. Day əriştə kəsmək nəymiş! Bu qədər də yox də! Bax, cənab mayişor, mən deyiləm sənsən, arvad desəydi əriştə kəs, kəsərdin? Yox vallah! Dama çıxmaq nədi ey, bəlkə də sən tapança ilə məni vurduğun kimi, arvadı da vurardın!

-A kişi nə kartof qızartması, nə bozbaş, nə əriştə? Orda sənə dedim axı, hamımız eyni vəziyyətdəyik - mayor yerindən qalxdı, gətirdiyi meyvə dolu torbanı çarpayının ayaq tərəfindən götürdü, bayaqdan oturduğu kətilin üstünə qoydu, kövrəlmiş halda sözünə davam etdi - tez sağal, get evinə qardaş, ta bir də dəlilik eləmə! Görünür bu da bir sınaqdı, dözməliyik. Bax, mən dünən gecə, növbədən sonra, evdə yarpaq dolması bişirmişəm, bu günə də düşbərə sifariş ediblər...





digər lətifələr
ARXİV
FACEBOOK