hacklink Adalet.az | Faiq QİSMƏTOĞLU: O BALACA UŞAQ Adalet.az | Faiq QİSMƏTOĞLU: O BALACA UŞAQ Adalet.az | Ədalət -
ANA SƏHİFƏ / YAZARLAR

Faiq QİSMƏTOĞLU: O BALACA UŞAQ

8511    |   2018-09-12 12:34
Şriftin ölçüsü:
A+ Böyütmək
A+ Balacalaşdır

… Mənim dünyamda həmişə o balaca uşaqlara, o günəşdən doğulmuşlara, o nurlu və işıqlı cocuqlara xüsusi bir yer var. Çünki o uşaqları, o cocuqları və o günşədən doğulmuşları görəndə sanki mələklərlə üzləşirəm. Bu uşaqlar uşaqdan çox mələyə bənzəyirlər. Onların ürəyi, qəlbi kimi özləri də təmizdilər. Onlar xəbislik bilmirlər, qeybət eləmirlər, kiminsə dalınca danışmırlar…

Həmişə Yeni Günəşlidə yaşadığım binanın yaxınlığındakı məktəbin stadionuna idman eləməyə gedirəm. Düz 2015-ci ildən bu günə kimi hər gün bu vərdişlər davam eləyir. Yəni hər gün nə az, nə çox bir saat sürətlə yeriməliyəm. Və bir saat sürətlə yeriyəndən sonra qan tərin içində oluram, tez də evə qayıdıram. Əvvəllər səhər saat 5-də stadiona gedirdim. Sonra ölkənin tanınmış kardio-cərrahı və mənim ürəyimə stend qoymuş, dostum və qardaşım Firdovsi İbrahimov məsləhət bildi ki, səhər-səhər idmana getməyim və ürəyi yükləməyim. Ən yaxşısı günorta və axşam saatları idmanla məşğul olum. Elə onun dediklərini də həmin vaxtdan yerinə yetirirəm.

Qonşumuzda bir uşaq var – İbrahim. O uşaq sonradan leykoz xəstəliyinə tutuldu. Hər gün mənimlə birgə stadiona gedirdi. O qədər mehrini mənə bağlamışdı ki, hətta ikinci mərtəbədə qaldığıma baxmayaraq, məni çağırırdı və qoşulub gedirdik məktəbin həyətindəki stadiona. Xəstəliyi onun üstünü alanda sözün düzü çox pis oldum. Hətta ona kömək məqsədilə bir yazı da qələmə aldım. Allahın və bəndələrin xeyirxahlığı ilə uşaq müalicə olunub, vəziyyəti də yaxşıdı. O gün gördüm ki, velosiped sürür. Qaça-qaça gəldi mənim yanıma, qucaqladı və üzümdən öpdü. Mən də onun üzündən öpdüm. Anası bu səhnəni görüb kövrəldi və əlinin arxasıyla gözünün yaşını sildi…

… Bir aydır ki, orda bir balaca uşağın da idman elədiyini, atasına qoşulub qaçdığını görürəm. Bu uşaq çox qeyri-adi və çox da heç bir uşağa bənzəməyən görünüşə malikdir. Mənim oğlum Emin o uşağa aslan parçası deyir. Bir dəfə bu uşağa baxan adam o dəqiqə hiss edəcək ki, nəsə onda qeyri-adi bir cizgilər var. İri alnı, günəşə bənzəyən çöhrəsi, çox sıx da saçları var. Adama elə xoş təsir bağışlayır ki, istəyirsən onu bağrına basıb öpəsən. Uşaq atasıyla gedəndə özümü saxlaya bilməyib onu qucaqlayıb öpdüm. O da məni öpdü…

Bu uşağın adı Mirəlidir. Sən demə, Mirəli Ağcabədi rayonunun Hindarxı kəndindən olan sayılıb-seçilən məşhur seyidlərindən biri – Ərəbov Seyid Mirələm Mirheydər oğlunun nəvəsi imiş. Onun atası Mirağadır. Böyük qardaşnın adı isə Miraslandı.

… Dünən axşam işdən evə qayıdırdım. Bir az da yorulmuşdum. Binamızın qarşısındakı mağazanın yanında onun atası Mirağanı gördüm. Soruşdum ki, aslan parçası hardadır? O da qayıdıb dedi ki, nə qədər elədim evdən çıxmadı. Dedi ki, səndən küsmüşəm. Axşam söz vermisən parka aparacam, aparmadın. İndi də səninlə getmirəm. Ancaq böyük oğlu Miraslan yanındaydı. Miraslanı da çox istəyirəm. Lakin o balaca uşağı bütün uşaqlardan çox istəyirəm. O balaca uşaq mənim ürəyimi, qəlbimi fəth edib və adını yazıb qəlbimə. Heç özüm də bilmirəm bu uşağı niyə belə çox istəyirəm.


… Hər dəfə stadiona gedəndə diqqətlə mənə baxır, sonra əyləşdiyi yerdən qalxır, qaça-qaça gəlib məni qucaqlayır. Oğlum Emin də hər adam yovuşan deyil. Son vaxtlar Emini də özümlə stadiona aparıram. Soruşur ki, ata, aslan parçası orda olacaq? Mən də deyirəm hə. Bax onda Emin qoşulub mənə stadiona gedir. Orda Mirəlin görməyəndə görürəm ki, qanı qaralır. Bu vaxt Mirəlinin atası Mirağa gəlir. Görür ki, Emin dilxordu. Maraqlanır ki, Emin, qanın niyə qaradı? Mən də qayıdıb deyirəm ki, Mirəli yoxdu deyin qanı qaralıb. O da telefonla böyük oğlu Miraslanla danışıb deyir ki, tez Mirəlini götür gətir stadiona. Miraslan da beş-on dəqiqə keçmir ki, Mirəliylə özlərini çatdırırlar bizim yanımıza. Bunları görən kimi Eminin gözlərinə işıq gəlir və qucaqlayıb o balaca uşağı, o aslan parçasını öpür...
Atası Mirağa deyir ki, Mirəli dünyaya gələndən bizim evimizdə ruzi, bərəkət daha da çoxalıb. Bizim nəsildə seyidlər çoxdu. Amma bu uşağı kim görürsə, onunla kim söhbət eləyirsə, ondakı müsbət enerjini, işığı, nuru uzun müddət yadından çıxara bilmir.

Mirəli Suraxanı rayounun Yeni Günəşli yaşayış sahəsindəki 282 nömrəli tam orta məktəbin 2-ci sinifində oxuyur və 9yaşı var. Müəllimləri də bu uşağın qeyri-adi istedadından, təfəkküründən və çöhrəsindəki nurdan sevinclə danışırlar. Qəribədir ki, uşaq bu cizgilərin heç birini his eləmir. Ancaq ona diqqətlə baxanda, söhbət eləyəndə görürsən ki, Mirəli heç də digər uşaqlara bənzəmir. Ağayana hərəkəti, ətrafa olan sevgisi və bir də günəş kimi üfüqdən boylanan çöhrəsilə çox insanların diqqətini özünə çəkir.

… Qaça-qaça mənə yaxınlaşır və deyir:

- Baba, tərləmisən, yaxşısı budu get paltarını dəyiş!

Diqqətlə ona baxıram və dillənirəm:

- Axı, sən məndən çox tərləmisən, patların da selin-suyun içindədi. Külək də möhkəm əsir. Yaxşısı budur sən də evə get!

Atası Mirağa qayıdıb bildirir:

- Müəllim, onun başını kəssən də tək evə gedən deyil. Gərək ya mən, ya da qardaşı Miraslan evə aparsın. Elə yaxşı deyirsən, tərin içindədir, xəstələnər. Məni bağışla, aparım evə paltarını dəyişsin...

… Getməmişdən qaça-qaça yenə mənim yanıma gəlir. Öpüşüb görüşür. Sonra da oğlum Eminə tərəf yeriyir. Onunla da görüşür. Əl eləyib bizdən uzaqlaşır…
Biz artıq bir-birimizə çox öyrəşmişik. Bir gün bu balaca, bu günəşə bənzəyən nurlu uşağı görməyəndə elə bil nəsə itirmişəm. O dəqiqə atasına zəng eləyirəm, o da uşağı götürüb gəlir stadiona. Onu görən kimi Eminin gözlərinə işıq gəlir və deyir:
- Ata, aslan parçası gəlir!

… O balaca uşaqlar, o balaca cocuqlar, balaca kişilər gələcəkdə bu millətin, bu xalqın ümid yeridi, güvənc yeridi. Onlar böyüyüb savad alacaqlar. Əlinə silah alıb torpağımızı, vətənimizi qoruyacaqlar. O balaca uşaqlar böyük kişi olacaqlar və bizim görə bilmədiyimiz ağır işlərin altına çiyin verəcəklər. Allah onları qorusun və hifz eləsin!





İmza:

YAZARIN ARXİVİ

2018-11-24 : ONLUQ QIZIL
2017-12-15 : O BİR QAYA
2017-12-13 : PARTAPART...
2017-12-05 : UNA NƏ QATAQ?
2017-11-28 : O BALACA UŞAQ
2017-11-22 : QALXIN, OTURAQ!
2017-11-08 : O, BİR NUR İDİ
2017-08-31 : DUZSUZ ADAMLAR
2017-08-28 : İSRAFÇILIQ
2017-08-18 : MÜBARƏK ÖLÜM
2017-08-11 : AY İŞIĞI
2017-07-07 : NƏNƏ VƏ NƏVƏ
2017-06-23 : MÖCÜZƏ
2017-06-06 : ÖLDÜR MƏNİ...
2017-05-23 : ÖLMƏYƏN ÜMİD
2017-05-12 : QARA QOÇ
2017-03-30 : NANKOR OĞUL
2017-03-17 : TUT QURUSU…
2017-02-03 : ÖLÜ XORTLADI…
2017-01-06 : BU ÜRƏKLƏ…
2016-12-09 : SÖZÜN ƏTRİ
2016-11-05 : O YAZ YAĞIŞI...
2016-11-04 : O YAZ YAĞIŞI…
2016-10-15 : AĞ YUXU
2016-07-09 : ÇİNAR AĞACI
2016-04-23 : ŞEYTAN AĞACI
2016-03-08 : BALACA PADŞAHLAR
2016-02-20 : KÖPƏYƏ EHSAN
2016-01-16 : DÜNYA MALI...
2015-11-14 : EŞŞƏK SÜDÜ
2015-08-22 : ZƏRBƏ
2015-07-04 : AĞACLAR QURUYUR
2015-06-13 : QORXMA, OĞUL!
2015-06-02 : ALAÇATI...
2015-05-16 : BİR KƏLMƏ...
2015-05-15 : ARXAYA BAXANDA...
2015-05-01 : ENDİRİMLƏR...
2015-04-11 : YAZ YAĞIŞI
2015-04-03 : BOLLUQ OLACAQ?
2015-03-20 : ELÇİLİK
2015-03-14 : DƏYİRMAN DAŞI
2015-03-05 : "BARI NAXÇIVAN"
2015-02-14 : FALA BAXIRAM
2015-01-24 : GÖZƏL ÖLÜM
2015-01-16 : QARA ÇÖRƏK
2015-01-15 : QARA ÇÖRƏK
2014-12-31 : SƏBRLİ OLSAN...
2014-12-20 : KİRVƏ
2014-12-13 : DİLİN BƏLASI
2014-12-06 : CƏHALƏT QUYUSU
2014-11-29 : LOTU
2014-09-27 : SƏBR ELƏ
2014-09-25 : BELƏ TOY OLAR?!
2014-09-20 : BÖYÜK GÜNAHLAR
2014-09-13 : KÜPƏ
2014-09-06 : BEŞ CANAVAR
2014-09-03 : SU QITLIĞI...
2014-08-16 : BÖYÜK DAYAQ
2014-08-12 : LAQEYDLİK
2014-08-09 : SOYUQ ADAMLAR...
2014-08-02 : TÖHMƏT
2014-07-19 : YALAN...
2014-06-07 : ÇƏTİN GÜN
2014-05-28 : EHSAN
2014-05-17 : ƏLDƏN QALAN...
2014-03-08 : Təmiz adam
2014-03-01 : Qarınotaranlar
2014-02-28 : Yağmurlu hava...
2014-02-22 : GÜN KEÇDİ...
2014-02-08 : TOY GECƏSİ...
2014-01-25 : TAMAH
2014-01-18 : XƏCALƏT TƏRİ
2014-01-11 : YAĞIŞ...
2013-12-28 : DÖNÜŞ
2013-11-23 : SƏDR ATI
2013-11-16 : YURD YERİ...
2013-11-02 : PAXIL
2013-09-07 : BAŞ REDAKTOR
2013-08-31 : CADUGƏR
2013-08-17 : KOBRA
2013-08-03 : POÇTALYON
2013-07-27 : AYRILIQ...
2013-07-20 : SÖZGƏZDİRƏN
2013-07-13 : SƏNGƏR
2013-07-06 : QUDURĞAN
2013-06-22 : DƏMİRÇİ
2013-06-15 : GOPÇU KİŞİ
2013-05-25 : QOHUMLUQ
2013-05-18 : HƏSRƏT YAĞIŞI
2013-05-11 : ƏRİK AĞACI
2013-05-04 : AYRILIQ
2013-04-27 : ELÇİLİK
2013-04-20 : İLDIRIM
2013-04-13 : GÜN İŞIĞI
2013-04-06 : DÖYÜŞ
2013-03-30 : EHSAN
2013-03-20 : YARMARKA OYUNU...
2013-03-16 : ÜRƏK DÖZSƏ...
2013-03-08 : KOR ARVAD
2013-03-02 : YALTAQ
2013-02-23 : ZƏHRİMAR
2013-02-16 : SÖNƏN OCAQ
2013-02-02 : DÜYÜN
2013-01-26 : VƏZİFƏ
2013-01-19 : MƏRDİMAZAR
2012-12-22 : QORXU
2012-12-15 : TƏNHA QOCA...
2012-12-08 : ÜZÜK
2012-11-27 : GÖZ DƏYİB...
2012-11-27 : QAN DAVASI...
2012-09-15 : GECƏYARISI QƏTL
2012-08-18 : GÖZ YAŞI...
2012-08-04 : DAŞ HASARLAR...
2012-06-15 : TOY...
2012-06-02 : DURULAN DÜNYA...
2012-05-12 : KÖÇ...
2012-04-28 : POÇT QUTUSU...
2012-04-07 : ÜNVANSIZ EŞQ
2012-03-03 : ZƏHƏR TULUĞU
2012-02-18 : POLKOVNİK...
2012-02-11 : YALANÇININ...
2011-12-31 : Bir ovuc torpaq
2011-12-24 : DÜZ SÖZ...
2011-12-17 : O DÜNYALIQ...
2011-12-10 : QUTUDA İLAN...
2011-12-03 : ARTIQ TAMAH...
2011-10-22 : DƏRİN QUYU...
2011-08-13 : PARTLAYIŞ...
2011-08-06 : OD İÇİNDƏ...
2011-07-23 : AĞ DÜNYA...
2011-05-07 : QARA EYNƏK...
2011-04-30 : HAQSIZLIQ
2011-04-23 : MÜBARİZƏ...
2011-04-16 : GÜNAH...
2011-02-12 : HARINLIQ...
2010-12-31 : ATƏŞFƏŞANLIQ
2010-11-06 : BAHALIQ
2010-08-28 : DƏLƏDUZLUQ...
2010-07-10 : BƏDNƏZƏR
2010-06-12 : ÇƏTİN GÜN
2010-03-13 : YOLUNU AZANLAR...
2010-02-27 : YASİN PULU
2010-02-20 : ÇİY SÜD
2010-02-13 : YANAR ÜRƏK...
2010-01-09 : YAD QIZI
2009-12-31 : DÜNYA QOPUR
2009-12-19 : UZUN GECƏ...
2009-11-07 : ADAM OL...
2009-10-24 : QURDUN PAYI...
2009-08-15 : DƏLİXANA
2009-06-06 : NADAN
2009-05-09 : BUZ BALTASI
2009-05-02 : PULSUZLUQ
2008-10-30 : ÇİY SÜD
SON XƏBƏRLƏR
2019-12-13


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (88%)
Pullsuz (12%)

ÇOX OXUNAN
GÜNÜN LƏTİFƏSİ

Yayın cırhacırı Abdal Qasım oturubmuş, görür iki erməni bərkdən danışa-danışa gəlir.

Yanındakı dostuna deyir:

- Ə, bu köpəyuşağları bu istidə bu dildə nətəhər danışırlar ey?!





digər lətifələr
ARXİV
FACEBOOK