hacklink Adalet.az | MƏNƏ DƏNİZ... VERMƏYİN! Adalet.az | MƏNƏ DƏNİZ... VERMƏYİN! Adalet.az | Ədalət -
ANA SƏHİFƏ / YAZARLAR

MƏNƏ DƏNİZ... VERMƏYİN!

Fəridə RƏHİMLİ

9310    |   2018-07-13 18:16
Şriftin ölçüsü:
A+ Böyütmək
A+ Balacalaşdır

Sadəcə dənizi görməyə izn verin...

Bu ilin istiləri anomal yox, daha çox anormaldır! - kimi səslənsə daha doğru olar. Uzun illərdən bəri belə istilərin olduğunu xatırlamıram. İstidə ilk yada düşən isə su olur - istər içmək üçün, istərsə də yuyunmaq, sərinləmək üçün. Bizdə isə çayların bol, dənizin ən yaxın olduğu halda bu keyfiyyətlərdən məhrumuq.

Yer üzünün sərvətiylə, möcüzələriylə, təbabətiylə, adət-ənənəsiylə, mətbəxiylə və s. seçilən, tanınan guşələri var, amma ən birinci insanı cəlb edən o yerin təbiətinin gözəlliyi olur. ilk ona qiymət verilir. Bəzən çox gözəl təbiəti olan belə bölgəni "Nağıllardan çıxmış", "Yerüstü cənnət", "Möcüzə", "Allahın lütfü" və sair adlandırırlar. Azərbaycan da belə gözəlliklər diyarından bir parçadır. Doqquz iqlim qurşağının verdiyi imkanlar bu balaca ölkədə dağ da, meşə də, çay da, dəniz də, düzənlik də, hətta səhra da görməyə imkan verir. Və zaman-zaman həm bu gözəlliyi, həm də bu gözəlliyə zəngilnik qatan yeraltı, yerüstü sərvətlərimiz üzündən xalqımızın başı çox çəkib. Çəkib, yadellilərdən, amma sapı özümüzdən olan baltaların kəsdiyi yer daha çox acı verir...

Bugünkü yazımın səbəbi də gözəlliklərdən bəhs etmək deyil, bu gözəlliklərə həsrət qoyulmağımız haqdadır.

Türkiyənin ən gözəl guşələrindən biri Qaradənizdə - Trabzonda olarkən, təbiətin bəxş etdiyi gözəlliklərin necə səxavətlə insanların ixtiyarına verildiyini seyr etdikcə, Allahın bizə verdiyi nemətlərin necə insafsızcasına əlimizdən alındığını düşündüm və illərlə əsəblərimi tarıma çəkən bu duruma bir daha qeyzləndim.

Batumidən Türkiyəyə keçən Sarpdan tutmuş, Hopa, Rizə, Çayeli, Of, Trabzon, Akçaabad, Samsun, Gezre, Görele, Giresun, Ordu, Sinop... Qaradəniz boyu ta İstanbula qədər uzanıb gedən bu gözəlliklər orada yaşayanların özlərinə məxsusdu. Bəli, dəniz də, meşə də, dağ da...hər şey xalqın ixtiyarındadı.

Yolboyu dənizin sahilində keçən yolçuların dayanıb istirahət etmələri üçün hər şərait yaradılıb, - taxtadan tikilmiş, günəşdən qorunmaq və yemək üçün kiçik "evciklər" və dənizə girə bilmək üçün şərait, təmiz, bol narın qum. Ərzincanda rastlaşdığım mənzərə isə mənim üçün (bəlkə çoxları üçün!) əsl möcüzə idi. Böyük sahəli, hər bir gözəlliyi ilə istirahət üçün yararlı, yaşıl parkın əsas özəlliyi onda idi ki, bu parkın ətrafında üç möcüzəli su axır - biri acı, biri turş, biri kükürdlü. Turş su təbii qazlı sudur və butulkaya doldurub, qapağını açarkən bizdə satılan süni hazırlanmış qazlı sulardan daha təzyiqlidir. (Qazlı sularımızı açanda hər dəfə ağlıma ilk gələn "Dərviş Parisi partladır" filmindəki: Oğlan, bu qədər də barıt qoymaq olar?- olur). Həm bu suda böyrək daşını düşürmə özəlliyi var (bunu özümdə sınadım). İkinci acı su burun, boğaz yolları iltihabını təmizləyir. Burnuma çəkməyi tövsiyə etdilər. Doğrudu, beynimə qədər yandırdı, amma anında nəfəs almamda elə bir dəyişiklik hiss etdim ki. Üçüncü kükürdlü su isə dəri xəstəliklərinin - qoturun, dəmrovun, ekzemanın və başqa dəri xəstəliklərinin ən təbii müalicəsi üçün yararlıdı. Hər üç suyun özünə məxsus rəngi var.

O suyu seyr etdikcə ilk ağlıma gələn bu oldu: "Nədən buranın "imkanlıları" bu parkı, heç olmasa bu suları hasarlayıb, milyardlar qazanmırlar?".

Amma yelilərdən bir az başqa cür soruşdum: Nədən bütün gün axıb israf olan bu sulardan dövlət istifadə etmir? Cavab əvəzinə mənə parkın ortasındakı bir lövhəni göstərdilər. Lövhə Rumi 1341-ci il tarixdə yapılmış və 1932-ci ildə Ərzincan valisi Ali Kamalin təşəbbüsü ilə vurulmuşdu və orada bütün təbii sərvətlərin xalqa məxsus olduğu bildirilirdi.

Bəli, bu yazıda əsas məqsədim də budu, dövlətə məxsus olan sərvətin həm də xalqa - bizə, mənə, sənə, ona məxsus olması lazım olduğunu hayqırmaq! Hələ başqa sərvətləri demirəm...

Rayondan gələrkən Ələt, Qobustan, Qaradağ ərazisində dəniz boyu hasarların çəkildiyini görməmiş deyilsiniz. Bu hasarlar, hasarların içindəki zəngin villalar xalqın malını insafsızca mənimsəyərək onları bu gözəllikdən, rahatlıqdan təcrid edənlərin özbaşınalığını, gözgörəti qanunlarımızı saymamalarını ifadə edir. Onların el arasında deyildiyi kimi, "dədələrinin malı kimi" istifadə etdikləri bu rahatlıqda milyonların haqqı var. Başqalarının haqqıyla lüks həyat sürənlər, siz ayağınızın altına xalqı qoyub o hasardan boylana bilərsiniz. Bəs biz necə görək dənizimizi?

Türkan, Hövsan, Novxanı (nisbətən), Corat... görmədiyim başqa sahillərdə də - hər tərəfdə dəniz hasarlanıb, yaxud çimərliklər özəlləşdirilib və oraya daxil oldunmu, heç bir şey yeyib-içmədən də boş masada oturma haqqı olaraq müəyyən məbləğ ödəməlisən.

Bir karikatura vardı xalq çöməlib, belindəkilər üst-üstə ucalır, xalq dözür, sonra səbr kasası dolanda ayağa qalxır və o yüksəkdəkilər kəllə-mayallaq aşağı yuvarlanırlar. Bu yuvarlanmaları tez-tez görürük, ölkə rəhbəri onlara layiq olduqları cəzanı verir.

Siz kimsiniz? Özünüzü hansı xalqa məxsus hesab edirsiniz?

P.S. Dəfələrlə yüksək instansiyaların xəbərdarlığına baxmayaraq hasarlar nəinki sökülür, hətta bir az da ucaldılır.




İmza:

YAZARIN ARXİVİ

2019-04-05 : YALTAQ
2019-03-20 : YENİ GÜN OVQATI
2019-03-07 : QADIN
2019-02-22 : QAR QAN AĞLAR...
2019-02-08 : YEYİM,YEMƏYİM?
2018-12-22 : GƏL...
2018-12-08 : ZƏRURƏT
2018-11-24 : ALO...
2018-11-08 : PALÇIQ VANNASI
2018-09-14 : ŞİLLƏTERAPİYA
2018-03-30 : YAS DƏFTƏRİ
2018-01-20 : KİTAB OXUYAQ
2018-01-12 : ƏLÇATMAZ ARZU
2017-12-22 : TƏMİZ ADAM
2017-12-08 : SÖZ
2017-12-02 : AĞ XALATLI BƏLA
2017-09-23 : AYRILIQLAR
2017-08-31 : ŞAYİƏBAZLIQ
2017-08-11 : ANAMIN QOXUSU...
2017-06-30 : ŞƏHİDİM
2017-06-02 : ANAMIN QOXUSU...
2017-05-26 : NƏ VAXT QOCALDIM
2017-04-07 : QEYRƏT
2017-02-10 : QƏNAƏT
2017-02-03 : Əl vurmayın...
2017-01-27 : ÜMİD ÖLƏNDƏ
2016-12-23 : SƏBR
2016-12-17 : DEPRESSİYA
2016-12-10 : Sindrom
2016-11-05 : SON BAHAR
2016-10-22 : İNANCIM
2016-08-20 : SƏRHƏD
2016-07-30 : NƏFS...
2016-06-11 : KİŞİ SÖZÜ
2016-02-20 : YALTAQ
2016-02-06 : ÜMİD QAPISI
2016-01-30 : ÇƏTİN XİDMƏT
2016-01-16 : ACLIQ
2015-11-28 : AD QOYANIN...
2015-11-14 : ÜMİD KÖRPÜSÜ
2015-10-17 : YAĞIŞ YAĞIR...
2015-09-12 : DOST
2015-08-29 : LOĞMANLARIMIZ
2015-07-11 : İMAN BAYRAMI
2015-06-03 : İT ÖMRÜ
2015-05-02 : HACI ... LEYLƏK
2015-03-20 : YAŞAM SEVGİSİ
2015-02-21 : BÖHTAN
2015-01-17 : ÇÖPÇÜ
2014-12-27 : HƏMRƏY OLUN
2014-12-20 : SON İSTƏK
2014-12-13 : XƏZİNƏ
2014-11-08 : YÜK
2014-10-11 : HARAM SÜFRƏ
2014-09-20 : NOOLDU BİZƏ?..
2014-09-13 : UDUŞ
2014-09-06 : İSLAHAT
2014-08-30 : YAŞAM SEVGİSİ
2014-08-23 : YUXU
2014-07-26 : Əzrayıl andı
2014-07-19 : DİLƏNÇİ
2014-07-05 : DÖN
2014-06-14 : ÖZGƏ DƏRDİ
2014-06-07 : TUTİYƏ
2014-04-26 : MƏNƏMLİK
2014-04-05 : EVDAR KİŞİLƏR
2014-01-18 : ACI XATİRƏLƏR
2013-12-21 : QƏLPƏ
2013-12-07 : YAŞAMAQ ƏZMİ
2013-11-23 : GETMƏ...
2013-11-16 : ARXALI...
2013-11-09 : GÜNLƏR...
2013-10-26 : SARI GƏLİN
2013-10-19 : DƏLİ
2013-10-05 : FÜZULİ NAĞILI
2013-09-28 : VAXT OĞRUSU
2013-09-07 : ÖZÜNÜ TANI
2013-08-17 : ÇÖRƏK OĞRUSU
2013-08-03 : ZƏKAT
2013-07-27 : TALE
2013-07-20 : TALE
2013-06-15 : YAD AĞLAR...
2013-05-25 : DƏVƏ DÖZÜMÜ
2013-05-11 : ŞUŞANIN HİMNİ
SON XƏBƏRLƏR
2019-11-14
2019-11-13


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (93.33%)
Pullsuz (6.67%)

ÇOX OXUNAN
GÜNÜN LƏTİFƏSİ
"- Orda danışdığın anektodu mənə də danışa bilərsən?"

"Lavrov: 

- Hansını? Mollanın Teymurla olan fil anektodunu?"



digər lətifələr
ARXİV
FACEBOOK