bahis siteleri deneme bonusu canlı bahis bahis siteleri bahis siteleri canlı bahis kacak bahis https://www.warezm.com kaçak bahis mobil ödeme bahis time4bets kaçak bahis canlı bahis güvenilir bahis siteleri Adalet.az | POMPEY, XOCALI VƏ... 613 ŞAM Adalet.az | POMPEY, XOCALI VƏ... 613 ŞAM Adalet.az | Ədalət -
ANA SƏHİFƏ / YAZARLAR

POMPEY, XOCALI VƏ... 613 ŞAM

25804    |   2013-02-23 14:22
Şriftin ölçüsü:
A+ Böyütmək
A+ Balacalaşdır

Yalançı nikbinlik riyakarlıqdan başqa bir şey deyil. Bu həyatda seviniləsi o qədər az şey var ki...  Dəqiqəsinə ümid yoxdu, ölümü qaşla göz arasındadı, xaini, paxılı, ikiüzlüsü, yaltağı da dördbir yanında. Nə darıxmağa qoyurlar səni, nə də... sevinməyə...
Qəddarlığı, rəhmsizliyi, tamahkarlığı kəllədən yuxarı. Haqqa, ədalətə yumulan gözləri, qapanan qulaqları, sərvətə qıcanan dişləri gündən-günə dəyərli olan hər şeyi üstələyib heçə endirir, gülüş, rişxənd hədəfinə çevirir.
Bu rəzilliklərdən uzaq olmağı bacaranda, şükür eləməyə də nəyisə qalır dünyanın...
Hərdən insanın yaratdıqlarına təbiət də qənim kəsilir. Yəqin, bu, insan təbiətdən daha mükəmməlini yarada biləndə baş verir. Yerin təkində, göyün dibsizliyində olanların qısqanclığı oda-alova dönüb qarsır dünyanı, sellərə-sulara qarışıb udur yaradılanları... İnsan zəkasının bəhrəsini, sivilizasiyaları Yer üzündən silə bilir. Ancaq tarixdən yox! İnsanlar sevə-sevə yaratdıqlarını cismən itirəndə onu yaddaşlarda, nağıllarda, nəğmələrdə yaşada bilirlər. Olduğundan da gözəl təsvir edib özlərindən sonra gələnlərə ötürməyi bacarırlar...
Pompey gözəl şəhər idimi?! Şübhəsiz! Vezuvi də yeraltı güclərin yerin üzünə püskürən nəhəng, qarşısıalınmaz kini, qəzəbiydi...
Xilas eləmək olmazdımı Pompeyi?! Özünü olmasa da, sakinlərini xilas eləmək mümkündü. Əgər adamlar bir-birlərini eşitsəydilər, eşitdiklərini anlayıb düşünsəydilər, düşünüb çarə bulsaydılar... Bir şəhərin içində neçə qrup, neçə dəstə olmasaydı, dostla düşməni ayırmaq asan olsaydı... İnsanlar anlaşmayanda təbiətin zalımlığı, acımasızlığı birə-beş artırmış, demək...
Tək-tək ağlı başında olanların, özünü deyil, özgəsini də düşünənlərin səsi eşidilməyəndə xainlər, satqınlar əl-ələ verib fəlakəti bir az da artırırlar...

***
Xocalı Pompeydən "cavan" idimi?!..
Dünən salınan kənd də sakinləri üçün qədimdi, uludu...
Bir gecənin içində dünyanın ən qədim şəhərlərindən birinin yerində özü boyda odu keçib qaralmış ocaq qaldı...
Xocalı "xaraba", "bayquş" kimi qəlb üşüdən, damarlarda qanı donduran sözlərə sinonim oldu...
Tarixin təməli bir gündə, lap elə bir saatda qoyula bilir. Bir yaşıl budağı torpağa basdırmaqla, daşı daş üstünə qoymaqla əsrlərə, min illərə baş vuracaq nə qədər gərəkli işlər görülüb bu qoca dünyada...
Təməl qoyan uca insandı, banidi, özülçüdü...
Dağıdan, uçuran, mənimsəyən təməl qoymağa yeri olmayandı, yurdsuz, ocaqsızdı... Oğrudu...
Xarabalıqlardan yığdıqlarından, oğurladıqlarından özünə imarət yapanlar görüb bu dünya...

***
Sən, insan oğlu, azad deyilsən!..
Min illərdi "Azadlıq!" deyə çığırıb-bağırsan da birdəfəlik, həmişəlik heç nə qazana bilməmisən....
Çünki... özün istəmirsən bunu...
Çünki... Ruhun azad deyil sənin. Nə qədər ki, nəfəs alırsan, təkcə yuxularda istədiyin yerə gedə bilirsən, istədiyini edirsən. Ancaq... yuxuların da idarə olunur... Bunu bilirsənmi?!
Deməli, yuxularda da azad deyilsən...
Ruhunun azad olacağı başqa bir xəyali dünya yaratmısan özünə. Bu dünyada çəkdiklərini unudacağın, deyə bilmədiyini deyəcəyin, yeyə bilmədiyini yeyəcəyin, qovuşa bilmədiyinə qovuşacağın bir dünya! Varlığından, yoxluğundan hələ kimsənin qəti bir söz deyə bilmədiyi şirin, ilahi bir aləm!..
Yaxşı ki, Tanrı düşünməkdə, xəyal qurmaqda azad yaradıb insanı... Yoxsa, necə çıxardardıq canımızdan, qanımızdan bu dünyada udduğumuz zəhərləri?!..
Hələ ki, bu dünyadasan, ağlın kəsəndən ayağının altında əzməyə qul, başının üstündə durmağa ağa gəzirsən. Olmayanda özün axtarıb tapırsan. Çiynini qısıb, başını əyib qapaz gözləyirsən. Məqamında öz başına dəyəndən daha bərkini səndən aşağıda duranın təpəsinə vurursan...
Yaşam düsturuna, zövqünə çevirmisən artıq bunu...
Ancaq sən dünyaya azad gəlmişdin. Başının üstündə göy, ayağının altında torpaq vardı. Bu, hər şey demək idi. Daha nə lazım idi sənə?! Cismin yerdə gəzib, ruhun göylərdə dolaşacaqdı, demək...
Bacardınmı bunu?!. Özündən küs. Başqasının azadlığına əl qatanda itirdin Öz Azadlığını. Əlini çəkməsən, sənin də üstündən əl çəkilməyəcək...

***
Sən, insan oğlu, təbiətdən də qəddarsan! Təbiət Pompeyi yer üzündən siləndə heç olmasa, beş-altı adamın sağ qalmasına imkan vermişdi. Sənsə Xocalını hənirsiz, nəfəssiz qoydun. Sağ qalanlarını da yurdsuz, ocaqsız... Ürəyin soyumadı. Elədiklərinə min don geyindirib dünyanın gözü önündə fırlatdın. İllər ötdükcə haqqa getmək əvəzinə, nahaqqa qucaq açdın...
Bu gün özünə ziyalı deyib sinələrində daş ürək gəzdirənlərin yatanda da daş yuxular görürlər,  "türkün əliynən öldürülən" əzizlərinin hər birinə şam yandırıb Aydan da nurlu bir dünya yaratmaq istəyirlər...
Bizsə hələ qaranlıqlarda çabalayırıq. Dostumuzla (o varmı, görəsən?) düşmənimizin arasında vurnuxuruq...
Nə qədər ki, "Torpaq yuxular"ı görməyəcəyik, şamlarımız da yandırılmamış qalacaq...
Ən azından, təkcə Xocalıda yandırılası 613 şam...
O yerdə ki, yuxuda görməyə də daş qoymadılar qala...    
Vəsilə USUBOVA
vasila-usubova@mail.ru


İmza:

YAZARIN ARXİVİ

2015-01-10 : ƏN UZUN GECƏ
2014-11-15 : QIRMIZI İP
2014-07-12 : GEC OLMAYAN
2014-07-05 : SAMAN ÇÖPÜ
2014-06-21 : GÜNAHSIZ
2014-06-14 : GÜNAHSIZ
2014-06-07 : GÜNAHSIZ
2014-05-31 : GÜNAHSIZ
2014-05-24 : GÜNAHSIZ
2014-05-17 : GÜNAHSIZ
2014-05-09 : GÜNAHSIZ
2014-05-03 : GÜNAHSIZ
2014-04-26 : GÜNAHSIZ
2014-03-15 : SONUNCU YARPAQ
2014-03-08 : MONMARTR, 18-40
2014-03-01 : Marsa da uçsaq
2014-02-22 : DƏRD ZİRVƏSİ
2014-02-15 : GEC DƏ OLSA...
2014-01-25 : GÜNDƏLİK
2014-01-18 : XİLASKAR
2013-10-12 : NƏNNİ
2013-09-21 : PAYIZ GƏLİR...
2013-08-17 : ADSIZ DUYĞULAR
2013-08-03 : ƏHYA GECƏLƏRİ
2013-07-06 : Sən dönsən...
2013-06-22 : KÖYNƏK
2013-05-25 : ÖZGƏ DƏRDİ
2013-02-09 : AĞILDAN BƏLA
2013-01-26 : DARIXAN ADAMLAR
2013-01-19 : DƏLİLİK ZAMANI
2013-01-12 : ƏSKİ YARALAR
2012-12-01 : SUSUZ DƏNİZ
2012-09-22 : GƏLDİN...
2012-09-15 : BİR QUCAQ SABAH
2012-09-08 : ANGEDONİYA
2012-08-18 : "DÜBEYTİ"
2012-06-30 : O TƏNHA AĞAC...
2012-06-02 : AĞ QARANQUŞ
2012-02-18 : HARMONİYA
2012-01-14 : QONŞU QIZ
2011-12-31 : TƏLƏSİRİK...
2011-12-10 : AYAQYALIN
2011-11-19 : XƏZAN YELİ
2011-10-15 : TƏSƏLLİ
2011-08-06 : DƏYİRMAN
2011-07-16 : ÇOX AZ ŞEY
2011-06-25 : SAVAŞIN 70 YAŞI
2011-05-14 : "QARA QUTU"
2011-03-19 : VƏDƏ KÜLƏYİ
2011-03-05 : KİŞİSİZ...
2011-02-26 : YAZA NƏ QALDI?!.
2011-02-19 : ADİ HƏYAT
2010-12-31 : İL KEÇDİ...
2010-11-06 : İMTİNA
2010-08-21 : KİBRİT FALI
2010-07-24 : YEL DƏYİRMANI
2010-05-08 : XİLASKAR
2010-04-10 : QİYAMƏT
2010-03-20 : XINAYAXDI
2010-02-27 : BOŞLUQ
2010-01-09 : KARVAN GETDİ...
2009-12-26 : YUXU KİMİ...
2009-12-19 : DARIXANDA...
2009-12-12 : İMTAHAN
2009-12-05 : QUYU
2009-10-17 : ELDƏN AYRI...
2009-10-10 : GÖZÜ YOLDA...
2009-10-03 : TARAZLIQ
2009-09-26 : ...YALVARMA!
2009-09-12 : İLĞIM
2009-09-05 : BİR STƏKAN ÇAY
2009-08-08 : QIRMIZI
2009-08-01 : SƏKKİZ SAAT
2009-07-11 : AĞIRLIQ
2009-04-25 : SIĞINACAQ
2009-04-11 : SÖZ VAXTI
2009-02-14 : ÜÇÜNCÜ YOLÇU
2009-01-31 : BİXƏBƏR
2009-01-24 : QIRMIZI VƏ QARA
2009-01-17 : BAŞQA ADAM
2009-01-10 : 3 SAATLIQ NƏFƏS
2008-12-31 : QUM SAATI
2008-12-13 : QURBANSIZ
2008-11-22 : CİDDİ MÖVZU
2008-11-15 : ÜMİD VƏ QORXU
2008-11-01 : AĞ YOL
2008-10-18 : AG VƏ QARA
2008-10-11 : KÜTLƏ
2008-09-20 : TƏSƏLLİ
2008-09-06 : YAZIQLIQ
2008-08-23 : ATA EVİ
2008-08-02 : ÇAY PULU
2008-07-05 : YADDAŞ AĞRISI
2008-06-14 : ÇƏRÇİVƏ
2008-04-19 : SÖZ ARDINCA...
2008-03-30 : İRƏVANLILAR
2008-03-20 : YAZA ÇIXDIQ...
2008-03-08 : UTANCAQ
2008-02-23 : BOZ AY
2007-12-15 : DARIXAN ADAMLAR
2007-12-01 : BİZƏ QALSA...
2007-11-24 : İŞIQSIZ DÜNYA
2007-10-27 : ETİRAF
2007-10-06 : GÜNLƏR VARDI...
SON XƏBƏRLƏR
2019-06-24


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Yay tətilini harada keçirəcəksiniz?

Evdə (37.5%)
İşdə (62.5%)

ÇOX OXUNAN
GÜNÜN LƏTİFƏSİ

İki kişi restoranda oturublar. Yanlarında ofisiant keçir. Biri ona qışqırır:

- İki pivə xahiş edirəm!

İkincisi əlavə edir:

- Təmiz bakalda olsun xahiş edirəm!

Bir neçə dəqiqədən sonra ofisiant əlində iki bakal pivə gəlir və soruşur:

- Təmiz bakalda kim istəmişdi?





digər lətifələr
ARXİV
FACEBOOK