Dağın başındakı ikinci keçini tapa bilmədim
Deməli, belə. Bizim bir eloğlu çıxmışmış dağlara və dağın başında bir keçi tapır. Və sevinə-sevinə gətirir evə. Və ondan sonra hər gün yenə həmin yerə gedirmiş ki, bəlkə bir keçi də tapdı, amma heç vaxt ikinci keçini tapa bilmir.
Dünən Azərbaycan-Serbiya oyununa baxanda bu lətifə yadıma düşdü. Serbiyanın qapıçısı topu verdi bizim oyunçuya və bir qol vurduq. Sevincimizin həddi-hüdudu yox idi və özümü həmin eloğlum kimi dağın başında keçi tapan kimi hiss elədim. Və oyunun sonunacan həsrətlə gözlədim ki, Serbiyanın qapıçısı ikinci bir «keçi» də verəcək bizə, amma namərd vermədi.