adalet.az header logo
  • Bakı 12°C
  • USD 1.7
06 May 2021 12:55
54445
ƏDƏBİYYAT
A- A+

SULTAN MƏRZİLİ: HARAY

POEZİYA

 

Baxta baxan,

Ovcuma bax!

Paslı mismar deşiyindən

Sən baxdıqca,

qanlı xətlər oxunacaq.

Aydınlıqlar ayə kimi,

qaranlıqlar içindədir,

bizdən uzaq...

Gözlərimin içinə bax,

dərisi soyulan Nəsimi

bir damla qan-yaş bürünüb

qürbətlərdən sürünüb,

bəbəklərimdən görünüb

qayalı dağ olacaq.

Hər dəfə,

dar ağacı bitəndə,

Yenidən doğulacaq.

Əllərimi

Qaldırım göy üzünə,

tutum məscid üstündə,

paralanmış,

şaqqalanmış, şəkk olunmuş,

min dəfə ölüb-doğulmuş

Ayı.

Bəlkə də göründu əzan

səsində

çarmıxa çəkilən

İsanın:

- Allah-Allah!

Harayı.