Xəbər verdiyimiz kimi, İranın kəşfiyyat naziri İsmayıl Xətib öldürülüb. 

Adalet.az xəbər verir ki, İsrail mətbuatı nazirin öldürülməsinin təfərrüatını yazıb. 

Qeyd olunub ki, İsrail təyyarələri havada başqa bir missiyanı yerinə yetirərkən Xətibin yeri barədə onlara Müdafiə Kəşfiyyat Agentliyindən məlumatlar çatdırılıb. Qırıcılardan bəziləri zərbə uçuşu zamanı digər hədəflərdən yayınaraq Tehran səmasına qayıdıblar. 

İsrail Müdafiə Qüvvələri məlumatın tez bir zamanda ötürüldüyünü və hücumun qısa müddətdə həyata keçirildiyini vurğulayıb. 

Təhlükəsizlik mənbələrinin məlumatına görə, İranda hava qüvvələrinin hücum missiyası zamanı kəşfiyyat Xətibin Tehrandakı bir sığınacaqda yerləşməsi barədə ən son məlumat əldə edib. Məlumat dərhal komanda məntəqəsinə ötürülüb və komanda məntəqəsi bəzi təyyarələri ilkin hədəflərindən yayındırıb. Onlar fürsət pəncərəsindən istifadə edərək qısa müddətdə hücumu həyata keçirib.