Film izle hacklink kiralık bahis sitesi satılık bahis sitesi Adalet.az | Qız, duz, qoz və başqa məsələlər Adalet.az | Qız, duz, qoz və başqa məsələlər Adalet.az | Ədalət -
ANA SƏHİFƏ / YAZARLAR

Qız, duz, qoz və başqa məsələlər

Çarəsiz sərnişinlər barədə iki hissəli yazının əvvəli

28630    |   2008-02-09 00:11
Şriftin ölçüsü:
A+ Böyütmək
A+ Balacalaşdır

Təkcə özünə yox, həm də digər ölkələrə hörmət edən dövlətlərdə ictimai rəyi öyrənmək deyilən vacib bir iş var. Yekə-yekə institutlar həftənin beş günü saat 9-dan 18-dək bu mühüm işlə məşğul olur. Yalan olmasın, bir mikrorayonluq adam qarışqa kimi çalışır, sorğular keçirir, camaatın rəyini öyrənir, analizlər aparır və nəticələr hazırlayır.
   
   Bizdə belə şeylərlə məşğul olmağa ehtiyac yoxdu. Daha doğrusu, bir mikrorayonluq adam çalışan institutu saxlamaq nəyə lazım? Onsuz da bir yerə yığışanda ya qeybət edəcəklər, ya da nərd vuracaqlar. Bizim məmləkətin halını öyrənmək, insanlarımızın nələr düşündüyünü öyrənmək üçün gündə bir-iki dəfə marşurut avtobuslarına, metroya minmək yetər. Necə ki, mən hər gün "QAZel"ə, metroya baş çəkib belə demək mümkünsə, ictimai rəyi öyrənirəm. Təbii ki, özüm və "Ədalət"in dəyərli oxucuları üçün.
   
   
   
   I sərnişin: - Alo, alo, eşidirsən? Necəsən, mənim quzum? Evdə təksən? Mənəm də... Marşurutda yol gedirəm. Yolda "probka" olmasa tez gələcəyəm. Evinizdə isti su gəlir? pürəm səni...
   
   II sərnişin: - Qonşu, əlimi sənə xeyirliyə vurum, zəhrimar duz məni yaman incidir. Getmədiyim həkim, falçı qalmayıb. Bir kisə pul xərcləmişəm, əlac tapılmır ki, tapılmır.
   
   III sərnişin: - Alo, köpəy uşağı, telefondan hansı it uşağı sallanıb? Bir saatdı evə düşə bilmirəm, telefonu ver anana.
   
   Sürücü: - Bir az sıxlaşın. Planımızı qaldıranın atası... Nə gecə bilirik, nə gündüz...
   
   III sərnişin: - Uşaqlara tapşır ki, telefondan sallanmasınlar. Corablarımı yudunmu? Allah başın qala-qala ayağına daş salmasın.
   
   IV sərnişin: - Novruzun gəlməyinə iki ay var, amma qozun qiyməti od tutub yanır. Bazardakılarda insaf deyilən şey qalmayıb. Guya pensiyalarımızı artırıblar. Pensiya ilə dükana girmək olur?
   
   I sərnişin: - Alo, alo. Gəlirəm də... Dözə bilmirsən? Ay səni dovşan yesin, saxlasın axşam yesin. Bombasan, bomba.
   
   Sürücü: - Bir az da mehriban olun, zalım uşaqları bu bir həftədə nəfəsimizi kəsdilər. Yetən pul istədi. Mənə deyən lazım, ay ağılsız, gül kimi "KAMAZ"da işləyirdim də...
   
   IV sərnişin:- Ay bala, yavaş sür də... Daş aparmırsan ki...
   
   III sərnişin: - Qardaşına zəng vur, soruş gör taxtanın kubunu ustalarla neçədən danışdı?
   
   II sərnişin: - Qonşu, əlimi sənə xeyirliyə vurum, sən oxumuş adamsan. Buş bu İraq camaatından nə istəyir? Yazıqların başında duz əkir. Bu duz mənim axrıma çıxacaq. Deyirlər ki, xəstəxanalar pulsuz olacaq. Yəni inanaq?
   
   I sərnişin: - Alo, alo, dəhşətsən e, dəhşət... Çatıram, bir az da döz. Şampan alım, yoxsa araq?
   
   Sürücü: - Dünən "QAİ"dəki oğlana deyirəm ki, belə igidsənsə get Qarabağı al. Bir az da sıxlaşın.
   
   IV sərnişin: - Ay bala. Nəfəsimiz kəsildi ki. Bu qədər adamı hara yığırsan?
   
   Sürücü: - Xala, heç kimi məcbur mindirmirəm ki... Kimin xoşu gəlmir, düşüb piyada getsin.
   
   II sərnişin: - Əlimi sənə xeyirliyə vurum, ay qonşu. Bayaq ayaq üstə duran qıza baxdın? z-gözünə o qədər çəkib elə bil Aygün Kazımovadı. Hələ geyimini demirəm... Bunun ata-anası, qardaşı evdən necə küçəyə buraxır? Duzun dərmanını tapsaydım...
   
   Sürücü: - Düşən varsa qabağa gəlsin. Qazandığımı elə ona-buna verirəm. Evə gedəndə qəpik-quruş qalır. Düşən var?
   
   IV sərnişin:- Hərə öz qapısının ağzında saxlatdırır. Bu qədər cərimələyirlər, yenə bu sürücülər öz bildiklərini edirlər.
   
   II sərnişin:- Alo, sənnən yoxdu e. Bir dənəsən, bir dənə. Mesajımı oxudun? Lap az qalıb, çatıram. Gör nələr olacaq...
   
   IV sərnişin: - Ay oğul, yaşıl darvazanın yanında saxla, mən düşüm...
   
   
   
   (Ardı olacaq)


YAZARIN ARXİVİ

2019-06-14 : Ziya
2019-02-09 : Alim-Maestro
2018-09-14 : Bizi deyirlər...
2018-07-04 : İftixarımız
2018-04-07 : Fəxri Zakir
2017-12-02 : Onun adı Rey
2016-09-30 : ...Sadə Qabil
2016-08-13 : Poeziya, Salam
2016-08-12 : Poeziya, Salam
2016-06-11 : Təhsil elçisi
2015-10-09 : Qadağaya qadağa
2015-08-29 : Birinci 10 il
2015-04-11 : Təzə Ağdamlı
2015-03-20 : Bizim Corc
2014-12-13 : "Kitayski" çex
2014-04-05 : Abini anarkən...
2014-01-11 : Əfsanə bolluğu
2013-12-28 : Sonuncu alman
2013-11-30 : Nə sözün?
2012-08-09 : Gedin və baxın!
2012-05-30 : Məqsədli yazı
2011-08-27 : A+A+A
2011-01-08 : Hamı telekanala!
2010-10-02 : Al bıçağı...
2010-06-19 : Top, tar və...
2009-12-12 : 2012
2009-06-20 : YILMAZ, BU KİM?
2009-03-20 : DAVALI YORĞAN
2008-05-24 : Nazirlər soyunur
2008-04-26 : Qalxa-qalxa gedir
2008-03-30 : Tərcümeyi-hal
2008-03-01 : Mənə "beş" ver
2007-11-10 : Reklamlı yazı
SON XƏBƏRLƏR
2019-09-16


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Məktəbli formalarının qiymətlərindən razısınızmı?

Hə (25%)
Yox (75%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK