ANA SƏHİFƏ / YAZARLAR

Nicat NOVRUZOĞLU: SƏDR, AT AL, AT!

23794    |   2019-02-03 11:19
Şriftin ölçüsü:
A+ Böyütmək
A+ Balacalaşdır

Qaçqınların və Məcburi Köçkünlərin İşləri üzrə Dövlət Komitəsi çox qısa bir zaman kəsiyində neçə-neçə uğura imza atıb. Komitə şəffaflığın tam təmin edilməsinə, əvvəlki illərdən yığılıb qalmış problemlərin həll olunmasında, məcburi köçkünlərin rahat mənzillərlə təmini üçün yeni binaların tikilməsində, yeni qəsəbələrin salınmasında çox mühüm addımlar atır. Eyni zamanda komitə bütün qapılarını ev-eşiyindən didərgin düşmüşlərin hamısının üzünə açdı. Özü də təkcə qəbul günlərində deyil, günün hər saatında sədr hər bir şikayətçini qəbul etməyə, dinləməyə və problemlərini həll etməyə hazırdı, vaxtının çoxunu da köçkünlərin yaşadığı bölgələrə, qəsəbələrə gedib onlarla birbaşa təmasda olmağa çalışır.

2000-ci ildə Ulu Öndər Heydər Əliyev prokurorluqla bağlı belə bir ifadə işlətmişdi: «Prokurorluğun pəncərələrini açın, orda xoş olmayan hava dəyişsin». İndi Rövşən Rzayev də komitənin pəncərələrini açıb oranın xoş olmayan havasını dəyişir.


Deməli, bütün bunlar qalıb bir kənarda, sədr üçün ayrılan bir avtomobil ağzıgöyçəklər üçün söz-söhbətə səbəb olub. Bu avtomobil də nazirlər və komitə sədrləri üçün hökumətin ayırdığı avtomobillərdən biridi.

Yadıma vaxtilə qəzetimizdə getmiş və manşetə çıxarılmış bir yazı düşdü : «Elman Məmmədov, at al, at!».

90-cı illərin ortalarıdı. Xocalı camaatı da ölkənin 60-dan çox rayonuna dağılıb. Hamı da başçını görmək istəyir. Həmin dövrün icra başçısı Elman Məmmədovun da bir xidməti maşını var, elə xocalıların günündədi, tökülüb-itir, çox vaxt yolda qalır. Onda bizim müdir də belə bir məqalə yazmışdı ki, Elman Məmmədov, bilirəm, maşın almağa pulun yoxdu, at al, at.

İndi bir milyondan artıq məcburi köçkünlərin problemləri ilə məşğul olan komitə sədri atla gəzməlidi?!




İmza:

YAZARIN ARXİVİ

2018-04-20 : İT GÜNÜNDƏ
2018-03-29 : DAY-DAY
2018-02-12 : XANALIQ
2018-01-24 : Vayına oturum
2017-11-01 : QOL-un içi
2017-10-25 : Nətərsən?
2017-10-17 : FAL QƏLƏM
2017-10-06 : TRANSPLANTASIYA
2017-09-16 : İlk zəng
2017-09-14 : MƏN ÖLƏCƏM
2017-09-11 : MƏN ÖLƏCƏM
2017-08-23 : SAHİBSİZLƏR
SON XƏBƏRLƏR
2020-06-02


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (89.39%)
Pullsuz (10.61%)

ÇOX OXUNAN
GÜNÜN LƏTİFƏSİ

İki qonşu olur: biri hamıya pislik edən, bir neçə villanın sahibi, gününü eyş-işrətdə keçirən, Allahı, peyğəmbəri tanımayan bir məmur. O birisi də Allahı, peyğəmbəri tanıyan, xoş xasiyyətli müəllim.

Bir gün Allahı, peyğəmbəri tanımayan məmur ölür. İki-üç aydan sonra müəllim də ölür.

İnkir-minkir müəllimi sorğulayır, görürlər yaxşı adamdı, amma onun da günahları var. Deyirlər:

- Davay, cəhənnəmə.

Bir söz demədən gedir girir cəhənnəmə.

Bir az fırlanmış görür ki, məmur qonşusu oturub stolun başında, böyür-başında da əyanları. Məmurun başında da dəfnə çələngi. Yaxınlaşıb deyir:

- Qonşu, o dünyanı qatıb-qarışdırdın, min günaha batdın, cəhənnəmdə də stolun başında oturmusan, yanında da əyanların, başında da dəfnə çələngi.

Məmur deyir:

- Ə, yaxşı bax, məni ağaca keçiriblər, başımda çiçəkləyib.





digər lətifələr
ARXİV
FACEBOOK