Film izle hacklink kiralık bahis sitesi satılık bahis sitesi Adalet.az | Azərbaycanski həyat Adalet.az | Azərbaycanski həyat Adalet.az | Ədalət -
ANA SƏHİFƏ / YAZARLAR

Azərbaycanski həyat

Nicat Novruzoğlu

20452    |   2018-02-28 15:30
Şriftin ölçüsü:
A+ Böyütmək
A+ Balacalaşdır

Yuxudan durdum. Yeni Zellandiyanın yağı ilə "Tri korova”-nın pendirini iranski çayla cütləşdirib səhər qəhvəaltısı edib düzəldim yola. Fransuzski Busa minib yollandım bazara. Avtobusda hərə bir dildə danışır. Yarı ruski, yarı talışski, yarı qruzinski. Xülasə, çatdım bazara. Bazar nə bazar. Can dərmanı da var, quş iliyi də.

Qruzinski qoyun ətin, ukraynski mal ətin və toyuq ətin alıb keçdim tərəvəzə. Sağ olsun qonşular. Bizi ac qoymurlar. Türeçiski xiyar ilə iranski pomidoru da əlavə etdim möhtəşəm zənbilimə.

Rasiyiski kartof gəl-gəl deyirdi. 5 kilo da ondan alıb keçdim soğana. Sağ olsun Türkiyə. Soğan deyil ey, şikildi-şikil.

Qruzinski alma da pis deyil, göz oxşayır. Limon iranskdir. Portağal, naringi türeçiski. Ananas nə bilim haralinski.

Zənbil deyil ey, beynəlxalq aləmdi. Hörüyü iranski, tikilişi türeçiski.

Bu iskilərin içində davam edir qarın bazarlıq.

Nardı, armuddu dedilər, onlar da iranski.

Kivi suptropikiski.

Banan afrikanski.

Bütün dünyanı yığıb gətirdim evə.

Bu boyda dünyanı yemək olar?!

Mədə başladı italyanski musiqi çalmağa.

Özümü verdim marketiskiyə. Bir Yesuntiki aldım o da rosiyiski. Xeyri olmadı. Xeyri olsaydı bizdə nə işi var idi. Elə burda içib sağalardıq. Day Jeleznavodskiyə, Kislovodskiyə, Yesuntikiyə nəyə gedirdik.

Yollandım həkimə. Klinika türeçiski, almanski, iranski...

Həkimin özünün təhsili də yevropeyski. Aparatları kitayski.

Yazdı bir kağız dərman. Dərmanlar bolqarski, fransuzski, italyanski, ispanski, macarski, polski, portuqaliski, slovenski, yunanski.

Gəldim işə. Kompüter kitayski, klaviaturası latınski.

Bir yazı yazdım əndrəbadinski.

Di salamat qalın - deyb yollandım pivnoya. Saçaq pendir hollandski, yanında noxud iranski, böyründə pivə almanski.

Bir az dəmləşib gəldim evə. Televizor kitayski. İçərisində kino göstərirlər - ruski. Tərcümə də kitayski...

Qaz qurtardı. Söndü kombi italyanski.

Zəng gəldi. Telefon kitayski.

Corabın ucu yenə cırılıb. O da türeçiski.

Dünya başıma fırlanır. Yatdım...

Ayıldım. Yenə həmən həyat - azərbaycanski.





İmza:

YAZARIN ARXİVİ

2018-04-20 : İT GÜNÜNDƏ
2018-03-29 : DAY-DAY
2018-02-12 : XANALIQ
2018-01-24 : Vayına oturum
2017-11-01 : QOL-un içi
2017-10-25 : Nətərsən?
2017-10-17 : FAL QƏLƏM
2017-10-06 : TRANSPLANTASIYA
2017-09-16 : İlk zəng
2017-09-14 : MƏN ÖLƏCƏM
2017-09-11 : MƏN ÖLƏCƏM
2017-08-23 : SAHİBSİZLƏR
SON XƏBƏRLƏR
2019-09-24
2019-09-23


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Qarabağ", yoxsa "Sevilya"?

"Qarabağ" (42.86%)
"Sevilya" (57.14%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK