Film izle hacklink kiralık bahis sitesi satılık bahis sitesi Adalet.az | Whatsapp ailənizə girərsə... Adalet.az | Whatsapp ailənizə girərsə... Adalet.az | Ədalət -
ANA SƏHİFƏ / YAZARLAR

Whatsapp ailənizə girərsə...

Emin Akif

29977    |   2018-02-06 14:58
Şriftin ölçüsü:
A+ Böyütmək
A+ Balacalaşdır

Kərim votsapda arvadına yazır:

- Dur, dodaqların rəngində arvad çayı gətir, ağzımın dadı dəyişsin.

Arvadı Gülnarənin başı rəfiqələrilə söhbətə qarışır, ərinin mesajını açmır. Beş dəqiqədən sonra kişi dözməyib arvadına səslənir:

- Ay qız, votsapa bax, saymırsan məni?

Gülnarə ərinə "okey, canım" yazıb qızının adını axtarır. Qızı Nigar isə feysbukda canlı yayım açıb kirimişcə telefonun ekranına baxır. Üç dəqiqənin içində videonun altında qız üstündə bir-birinə nömrə atıb söhbətə çağıran kim, "nece de qesexsen” yazıb girişən kim. Hələ yetmiş yaşlı kişinin "niya susursan o bal dodaqlarini terpet” yazmağı bir yana qalsın, bu qızın susmağına baxan boş-bekar yüzdən çox adamın özünə əl qatmağı da ayrı dərddir.

Gülnarə qızına yazır:

- O canlı yayımı dayandır, oğlanlarla az yazış, min dəfə demişəm ki, görüşməyəcəksənsə heç kimə ümid vermə. Adın çıxacaq. Atanı bloka atmısan, bir gün görsə halın yaxşı olmayacaq.

Nigar o birisi telefonu ilə anasına yazır:

- Eee, mama, başlama da.

Anası Gülnarə yazır:

- Zəhər mama, çor mama. Universitetə girmisən, amma qiymətlərini pulla alırıq. Bilirəm, ağız büzürsən orda, ağzını cıraram, buna bax, qudurmuş. Atan çay istəyir, dur, çay gətir.

Nigar bacı Səbinəyə yazır:

- Bacı, niyə elə səni tərifləyirlər, eynəklərin qırılsın, indi sən prezident təqaüdü alırsan deyə mən söyülməliyəm? O kitabı qoy, əlindən yerə. Mən canlı yayımdayam, kəsə bilmərəm. Dur, ataya çay apar.

Səbinə dərsini yarımçıq saxlayıb gedir mətbəxə, aləmi vurur biri-birinə. Ev camaatı qaçır mətbəxə, görür ki, stəkan-nəlbəki qırılıb, çaydan yerə aşıb. Kor-peşman hamı öz yerinə qayıdır.

Kərim arvadına yazır:

- Mən sənin çayını içmək istəyirdim. Lazım olsaydı, elə qızlara yazardım da.

Cavab gəlmir...

Gülnarə qızı Nigara yazır:

- Mən atana çay süzməyi sənə dedim, demədim ki, çayı Səbinə süzsün, ay həyasız.

Cavab gəlmir...

Nigar bacısı Səbinəyə yazır:

- Aaz, sən necə qızsan ki, bir çayı da süzə bilmirsən? Kitab oxuduğun qədər biraz da ev işlərini öyrən də.

Cavab gəlmir...

Kərim vəziyyəti görüb kor-peşman, boğazı quruya-quruya hamını bloka atıb Nataşaya yazır:

- Cavabsız suallar içindəyəm, Nataşa. Çayın altını isit, gəlirəm yanına, "Maya lyubov”.




İmza:

YAZARIN ARXİVİ

SON XƏBƏRLƏR
2019-09-16


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Məktəbli formalarının qiymətlərindən razısınızmı?

Hə (25%)
Yox (75%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK