ANA SƏHİFƏ / AVTOMOBİL

Gəncə Avtomobil Zavodunun hesabat yığıncağı keçirildi

27841    |   2017-12-25 17:49
Şriftin ölçüsü:
A+ Böyütmək
A+ Balacalaşdır

Gəncə Avtomobil Zavodu İstehsalat Birliyinin ilin yekununa dair hesabat yığıncağı keçirilib.

Tədbirdə Gəncə şəhər İcra Hakimiyyətinin başçısı Elmar Vəliyev, Gəncə Avtomobil Zavodu İstehsalat Birliyinin Müşahidə Şurasının sədri Xanlar Fətiyev, Belarusiyanın Azərbaycandakı Fövqəladə və Səlahiyyətli səfiri Gennadi Axramoviç və zavod işçiləri iştirak edib.

Gəncə şəhər İcra Hakimiyyətinin başçısı Elmar Vəliyev tədbir iştirakçılarını salamlayaraq 2017-ci ildə zavodun fəaliyyətinin ürəkaçan olduğunu söyləyib. Prezident İlham Əliyevin 10 noyabr tarixində Nizami yurduna olan səfərindən danışan Elmar Vəliyev bildirib ki, daimi inkişaf edən Gəncədə 2018-ci ildə də uşaq bağçaları, "Gəncəçay” park-bulvar kompleksinin sağ sahili, "Süni Mərmər və Qranit İstehsalı” ilə yanaşı "Kərpic” zavodu və başqa obyektlər tikilib, istifadəyə veriləcək.

Gəncə Avtomobil Zavodu İstehsalat Birliyinin Müşahidə Şurasının sədri Xanlar Fətiyev bildirib ki, Azərbaycanın Çexiyadakı səfirliyində Gəncə Avtomobil Zavodu və Çexiyanın "Tatra” şirkəti arasında Azərbaycanda bu şirkətə məxsus yük maşınlarının istehsalı barədə əməkdaşlığa dair Memorandum imzalanıb. Qeyd edib ki, 2018-ci ildən etibarən Azərbaycanda müxtəlif növ "Tatra” yük maşınlarının yığımına başlanılacaq. Gələn ildən Türkiyədə Gəncə Avtomobil Zavodunun nümayəndiliyi açılacaq. Zavodun Gürcüstanda da nümayəndəliyi olduğunu bildirən millət vəkili xüsusi vurğulayıb ki, burada yığılan avtomobillər xarici ölkələrə ixrac ediləcək.

Belarusun Azərbaycandakı Fövqəladə və Səlahiyyətli səfiri GennadiAxramoviçGəncə Avtomobil Zavodu ilə əməkdaşlığın ilbəil gücləndiyini bildirib. Gəncə Avtomobil Zavodunda yığılan avtomobillər sayəsində ölkələrin iqtisadiyyatının bundan sonra da inkişaf edəcəyini deyən GennadiAxramoviçqeyd edib ki, 2018-ci ildə zavodun fəaliyyətində daha çox yeniliklər olacağına inanır.

Sonra Belarusiyanın Azərbaycandakı Fövqəladə və Səlahiyyətli səfiri GennadiAxramoviçəGəncə - Qomel şəhərləri arasında qardaşlıq münasibətlərini inkişaf etdirilməsinə vəGəncə Avtomobil Zavodunun fəaliyyətinin genişləndirilməsinə verdiyi töhvəyə görəGəncə Şəhər İcra Hakimiyyəti başçısının "Sertifikatı" təqdim olunub.

Sonda zavod işçilərinə Gəncə şəhərinin ictimai həyatında və sosial-iqtisadi inkişafında səmərəli fəaliyyətinə görə Gəncə Şəhər İcra Hakimiyyəti başçısının "Fəxri Fərman"ları təqdim edilib və xatirə şəkil çəkdirilib.




İmza:
SON XƏBƏRLƏR
2020-05-30
2020-05-29


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (89.23%)
Pullsuz (10.77%)

ÇOX OXUNAN
GÜNÜN LƏTİFƏSİ

İki qonşu olur: biri hamıya pislik edən, bir neçə villanın sahibi, gününü eyş-işrətdə keçirən, Allahı, peyğəmbəri tanımayan bir məmur. O birisi də Allahı, peyğəmbəri tanıyan, xoş xasiyyətli müəllim.

Bir gün Allahı, peyğəmbəri tanımayan məmur ölür. İki-üç aydan sonra müəllim də ölür.

İnkir-minkir müəllimi sorğulayır, görürlər yaxşı adamdı, amma onun da günahları var. Deyirlər:

- Davay, cəhənnəmə.

Bir söz demədən gedir girir cəhənnəmə.

Bir az fırlanmış görür ki, məmur qonşusu oturub stolun başında, böyür-başında da əyanları. Məmurun başında da dəfnə çələngi. Yaxınlaşıb deyir:

- Qonşu, o dünyanı qatıb-qarışdırdın, min günaha batdın, cəhənnəmdə də stolun başında oturmusan, yanında da əyanların, başında da dəfnə çələngi.

Məmur deyir:

- Ə, yaxşı bax, məni ağaca keçiriblər, başımda çiçəkləyib.





digər lətifələr
ARXİV
FACEBOOK