Modelyerimizin kolleksiyası Fransanın məşhur telekanalında

149579    |   2017-07-12 15:19
Şriftin ölçüsü:
A+ Böyütmək
A+ Balacalaşdır

Azərbaycanlı modelyer Günel Rüstəmovanın 2017-2018-ci illərin payız və qış fəsilləri üçün kolleksiyası Fransanın "France 2” televiziya kanalında yayımlanıb.

Parisdə "Evreux” otelində keçirilən moda nümayişində Günel Rüstəmovanın kolleksiyası daha çox diqqət cəlb edib. Azərbaycanlı modelyerin kolleksiyasında Nizami Gəncəvinin "Fitnə”sinə həsr olunmuş geyim orijinallığı ilə iştirakçılarda daha çox maraq doğurub. Çiynində metaldan yaradılan öküz daşıyan "Fitnə” geyimini məşhur top-model Petra Nemtsova təqdim edib.

G.Rüstəmova kolleksiyasında təbiətlə müasir abstrakt arxitektura qarışığı təsəvvürü yaradır. O, yağlı boya ilə kağız üzərində yaratdığı formaları sonra geyimə çevirir.

Tutqun və açıq rənglərin qarışığından ibarət kolleksiyada bir-birinə dolaşmış mirvari, metal sap texnikasından istifadə edilmiş və yarımşəffaf, jakkard parçalardan hazırlanmış nadir geyimlər unikallığı ilə göz oxşayıb.

G.Rüstəmova orta təhsilini Bakıda, ali təhsilini Böyük Britaniyada alıb. O, əvvəlcə London Kollecində modelyerlik, daha sonra İngiltərədə nüfuzlu təhsil ocağı sayılan "Central Saint Martins”də incəsənət və moda sənayesi ixtisasını bitirib, yüksək dərəcəli dizayner diplomuna sahiblənib. G.Rüstəmova Avropada tanınmış modelyerlərdən biridir. Londonda yaşayan azərbaycanlı modelyerin kolleksiyaları indiyədək dünyanın bir çox moda şoularında nümayiş olunub. Londonda, Parisdə onun kolleksiyalarının nümayişi üçün yüksək səviyyəli moda şouları keçirilib.

G.Rüstəmova Yəmən şahzadələri daxil olmaqla, bir çox Avropa və Asiya ölkələrindən yüksək rütbəli məmur ailələrinin geyimlərinin modellərinin müəllifidir. Bununla yanaşı, o, rəssam kimi də fəaliyyət göstərir. /azertag.az/




İmza:
SON XƏBƏRLƏR
2018-07-21
2018-07-20


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Yay tətilini harada keçirirsiniz?

Evdə (20%)
İşdə (80%)

ÇOX OXUNAN
GÜNÜN LƏTİFƏSİ
Qadın hirslə ərinə zəng edir:
-Hansı cəhənnəmdəsən indiyə qədər? Saat neçədir, xəbərin var?
-Əzizim, o heç vaxt unutmadığın qeyri-adi üzük olan zərgərlik dükanı var idiye. O vaxt pulum olmadı, ala bilmədim sənə. Dedim ki, eybi yox, pulum olan kimi ilk işim bu üzüyü sənə almaq olacaq. Yadındadır? Qadın yumşalır və həyəcandan titrəyən səslə:
- Hə, əzizim, əlbəttə yadımdadır. Heç xatırlamaz olarammı?
- Bax o dükanın yanındakı çayxanada uşaqlarla domino oynayıram, bir azdan gələcəm.




digər lətifələr
ARXİV
FACEBOOK