SON DƏQİQƏ:

Aqil ABBAS: ELŞAD PAŞASOYUN STATUSUNA ƏLAVƏ 

  29082   |  
Şriftin ölçüsü  

Dostum Elşad, dünən axşam sizin çox ciddi bir  statusunuzla rastlaşdım. Çox qəribədir ki, mən sənin toxunduğun məsələ ilə bağlı dünən  nə isə yazmaq istəyirdim. Həm bir neçə yazı və replikalar yazdım, həm də yanıma gələn dostlar yordu, ona görə dedim ki, eybi yox, həmin məsələni  sabah yazaram.

Və sən yazdın. Sağ ol, çox ciddi  bir məsələdi.  Amma bir  xırda  əlavəm var.  Sərhəd bölgəsində  erməniləri  təpə-qapaz eləyib videoya  çəkənlər əsgər və zabitlərdir. Və bu Müdafiə Nazirliyi hara baxır ki, belə videoları paylaşa bilirlər və daha dəqiq desək, göz yumurlar belə videoların  paylaşmasına. Guya  bu, millətə  ruh verəcək. 44 günlük  müharibədə Azərbaycan ordusu erməni  əsgərlərini  təpə-qapaz eləməyib ey, Ermənistanın demək olar ki, bütün silahlı qüvvələrini məhv edib, analarını  ağlar qoyub. Hələ də meyitlərini Qarabağdan yığıb-yığışdıra bilmirlər.

Yəni  Ali Baş Komandan İlham Əliyevin sərkərdəliyi ilə Azərbaycan Ordusu təşnə ürəyimizə su səpib.

Ona görə də belə videolara  ehtiyac yoxdu. Müdafiə Nazirliyi əmr verməlidir ki, əsgər və zabitlərimiz belə məsələlərdə özlərinə bir  çəki-düzən versinlər.

Və sənin ürəyimdən tikan çıxaran statusunu dərc edirəm.

ELŞAD PAŞASOY: "Erməni o boyda soyqırım törətdi, amma bir yerdə öldürdüklərini, döydüklərini, işgəncə verdiklərini çəkib yaymadı. Üstəlik, həyasızcasına Xocalıya aid fotoları xaricdə yayaraq, "baxın, türklər bizi qırıb", dedilər. Baxıram ki, bizim əsgərlərin erməniləri döyməsi ilə bağlı kadrlar vaxtşırı yayılır. Bir söz demirəm, əsgərimizin əlləri ağrımasın! Amma çəkib yaymaq, üstümüzə gələn itlərin sayını artırmaq nəyə lazım? Budur, Ermənistan iki əsgərin döyülməsi ilə bağlı araşdırmalara başlayıb. Avropa Məhkəməsinədək gedəcəklər, əsas da bizim yaydığımız video. Eləcə də Laçında saxlanılan, az sonra Xankəndiyə (!) yola salınan erməni hərbçi ilə bağlı səhnə. Biz qalib ölkəyik, qalib orduyuq, bir az soyuqqanlı olaq! Qisasımızı alaq, düşməni əzək, amma bunu cahana yaymağın mənası nədir? Axı, sonra əsirlərlə davranış konbvensiyasını qarşımıza qoyacaqlar...Görmürsünüz, dünya ədalətsizdir, heç şəhid olan jurnalistlərimizlə bağlı da erməniyə bir söz deyilmədi. Haqlı ikən hazsız duruma düşməyək!"

Dosta Göndər :

  

SON XƏBƏRLƏR

2021-06-18

Video

Yazarlar

MARAQLI

DÜNYA

ƏDALƏT BU GÜN
May: 27, 25,

Redaktor seçimi

FOTOREPORTAJ

GÜNÜN SİTATI

SORĞU

Azərbaycanda futbol var?

ÇOX OXUNAN

GÜNÜN LƏTİFƏSİ

Zahid Oruc Brüsseldə oteldə istirahət edir.

Qəflətən yaylım atəşi açılır, ardınca ikinci, üçüncü...

Zahid müəllim həyəcanla vestübülə düşür və otelin işçilərindən nə baş verdiyini soruşur. Otelin administratoru:

- Ser, ABŞ prezidenti Co Bayden Brüsselə gəlib, ona görə atırlar.

Zahid müəllim təəcüblə:

- Nədi, birinci dəfədən vura bilmədilər?

ARXİV

TƏQVİM

FACEBOOK