Qulu Ağsəs: Nə gördün Qarabağda?!
Tanınmış şair, “Ulduz” jurnalının baş redaktoru Qulu Ağsəs növbəti dəfə Qarabağa aid şeir yazıb.
Adalet.az şairin Azərbaycan əsilli fransız fotoqraf Rza Deqatinin fotolarından ilhamlanaraq qələmə aldığı həmin şeiri təqdim edir:
– Nə gördün Qarabağda,
(soruşdum Rza Diqqətinin fotolarından)
orda vəziyyət nə cürdü?
Salamatçılıqdı, dedi:
məscid – minbərdən,
kəhriz – çinardan,
qəbir – başdaşından,
mina – kadrdan
hündürdü!
Hə, bir də
mat qaldım bir şeyə:
oranın quşları
adam kimi danışır,
adamları
quş kimi oxuyur deyə...