Nə yaxşı ki... - Faiq  Qismətoğlu yazır

FAİQ QİSMƏTOĞLU
1324 | 2023-10-31 19:13

Mən bu mövzuda dəfələrlə yazılar qələmə almışam. Düşünmüşəm ki, onlar haqqında , daha doğrusu, yaxşı həkimlər barəsində həmişə həqiqəti yazmaq bizim borcumuzdur.

Niyə? Çünki yaxşı həkimlər bir mələyə bənzəyirlər.Xəstələrin ən ağır anında onlar köməyə gəlir və həkimlər xəstəni ölümün pəncəsindən  alırlar. Başqa sözlə demiş olsaq, Allahla xəstə arasında vasitəçidir.

Yəni həkimlər Allahın yer üzünə göndərdiyi   mələklərdir!  Bu yaxınlarda bir qonşum - uzun illər  rus dili və ədəbiyyatı müəllimi işləmiş və indi təqaüddə olan  Xuraman Səməd qızı Rüstəmova böyrəyində yaranmış problemlə bağlı  uroloq-cərrah , gözəl insan  Kamran Əkbərova müraciət edib. Kamran həkimə Xuraman xanımı müayinə edəndən sonra qəti qərara gəlib ki,mütləq onun böýrəyində təcili əməliyyat  aparılmalıdir, sonra gec olar! Xanımı Kamran həkim  əməliyyata götürür və  cərrahiyyə  əməliyyatı uğurla başa çatır.

Xuraman Rüstəmova deyir ki, mənə həyata qaytardıgına görə, Kamran Əkbərova və onun komandasına  minnətdaram. Onlar mənə elə qayğı və diqqət göstərdilər ki, bu heç vaxt yadımdan çıxmayacaq! Düşünürəm ki,Azərbaycan  səhiyyəsində  Kamran müəllim kimi insanlar nə qədər çox olsa, xalqımıza bir o qədər xeyir olar və həkimlərin nüfuzu millətimizin arasında  daha da yüksələr.

Bir daha məni həyata qaytardıqlarına görə, Kamran həkim başda olmaqla  bütün həkim personallarına təşəkkür eləyirəm!  

Həkimlər Allah-təalanın yer üzünə göndərdiyi mələklərdir! Nə yaxşı ki, bu mələklər var! Və həmin mələklərdən  biri də uroloq-cərrah Kamran Əkbərovdur! Allah belə həkimlərimizi qorusun!..

TƏQVİM / ARXİV