"Cənab Prezidentin rəhbərliyi altında həyata keçirilən mədəniyyət siyasətinin əsas prioritet istiqaməti bu sahədə təhsilin keyfiyyətinin yüksəldilməsidir. Mədəniyyət sahəsində cənab Prezidentin Mədəniyyət Nazirliyi qarşısında qoyduğu çoxsaylı tapşırıqlar, öhdəliklər və vəzifələr var".

Adalet.az xəbər verir ki, bunu Milli Məclisin Elm və təhsil komitəsində keçirilən "İncəsənət məktəblərinin mövcud vəziyyəti və inkişaf perspektivləri" mövzusunda ictimai dinləmədə çıxışı zamanı mədəniyyət naziri Adil Kərimli deyib.

Nazir bildirib ki, musiqi-incəsənət məktəblərində həyata keçirilən təhsil könüllülük əsasındadır: "Dövlətimiz bu sahəyə kifayət qədər vəsait ayırır. Toplam bizim builki büdcəmiz 493 milyon manatdırsa, onun 200 milyon manatdan bir az artığı incəsənət sahəsində təhsilə aid olur. Bunun səmərəli istifadə olunması sahənin inkişaf etdirilməsinə öz ciddi töhfəsini verəcək".