Şagirdlərin belləri əyilib
![](https://www.adalet.az/uploads/img/posts/2024/05/28/11jpg-1716875447.jpg)
Bu gün Azərbaycan məktəblərində ibtidai sinif şagirdlərinin nələr çəkdiyini çoxlarımız yaxşı bilirik!
Bilirik ki, onların kitab -dəftərlərlə dolu çantaları nə qədər ağır olur. Bu çantaları göturməyə hər şagirdin gücü çatmır.Gücü çatanlarsa, o çantanı götürərkən çox əziyyət çəkir. Həkimlər, eləcə də ayrı- ayrı ekspertlər bildirir ki, ibtidai siniflərdə oxuyan şagirdləri bu çəntanı çiyninə alıb, apararkən həddindən artıq ağır olduğuma görə, tez yorulur və belələri əyilir.
Bu isə gələcəkdə həmin uşaqlarda müxtəlif xəstəliklərin yayılmasına, eləcə də fəqərə yırtığının olmasına şərait yaradır! Bir neçə gün bundan öncə Yeni Günəşlidə dərsdən nəvəsini çıxmasını gözləyən nənə uşaq gələn kimi, çantanı onun əlindən alaraq öz belinə keçirdi! Artıq bütün cəmiyyət və valideynlər yaxşı bilir ki, çantalar həddindən artıq ağır olur və bunu götürən şagirdlərin beli əyilir! Neçə illərdir bu barədə sosial şəbəkələrdə, cəmiyyətdə müzakirələr gedir, amma çox təəssüf ki, problemlər bu günə kimi, öz həllini tapmayıb! Nəticədə isə ibtidai siniflərdə təhsil alan şagirdlər isə min bir əziyyətlə üzləşir.
Ona görə də Elm və Təhsil Nazirliyi bu məsələni diqqət mərkəzində saxlamalı və problemin tezliklə həllinə Nail olmalıdır. Yoxsa, əks- təqdirdə o uşaqlar həllə bundan sonra da çiyinlərində gücləri çatmadığı çantanı çox daşımalı olacaqlar!!!
Emil Faiqoğlu