"Telman Nurullayev 1996-cı ildə Azərbaycan Kommunist Partiyası sıralarından qurultayın qərarı ilə xaric olunub. Telman Nurullayev kimilərin Kommunist Partiyasına heç bir aidiyyatı yoxdur”. Bunu Modern.az saytına Azərbaycan Kommunist Partiyasının (AKP) sədri Rauf Qurbanov AKP-nin digər qanadı olduğu iddia edilən partiya rəhbərinin Azərbaycanın Gömrük İttifaqına qoşulması üçün Rusiya prezidentinə etdiyi müraciəti şərh edərkən bildirib.

R.Qurbanovun sözlərinə görə, bu kimi şəxslər kommunist adı altında AKP-nin fəaliyyətinə kölgə salmaq qüvvələr tərəfindən ortaya çıxarılır. " "Azadlıq” radiosunun qonağı olan və Kommunist Partiyasının katibi kimi təqdim olunan Ədalət Abidinov jurnalist Xədicə İsmayılın "siz nə işlə məşğul olursuz?” sualına cavab verə bilmir. Onlar nə parlament, nə bələdiyyə nə də prezident seçkisində iştirak etmirlər. Ədalət Abidinov deyir ki, onlar təşkilatlanma işi ilə məşğuldur. Necə olur ki, mühüm siyasi proseslərdə iştirak etməyəsən, amma təşkilatlanma işi ilə başını qarışdırasan?”-deyə R. Qurbanov ittiham edib. AKP sədri bildirib ki, Telman Nurullayevin "sədrlik” etdiyi   Azərbaycan Kommunist Partiyası adlı bir təşkilat və bu qrup 3-4 nəfərdən ibarət kiçik bir dərnəkdən başqa bir şey deyil. "Onlar Azərbaycanın ictimai-siyasi həyatına təsir göstərə bilmirlər. Rəsmi olaraq mənim sədrlik etdiyim partiya dövlət qeydiyyatından keçib. Ona görə də mən vaxtilə Kommunist Partiyasını Milli Məclisdə təmsil edən deputat olmuşam”.

R. Qurbanov T. Nurullayevin ətrafında olanların Krım məsələsinə görə Rusiya prezidenti Vladimir Putinə göndərdiyi dəstək məktubunu da şərh edib. "Putin burjua cəmiyyətinə rəhbərlik edən prezidentdir. Putin kommunist olmadığı təqdirdə ona necə müraciət edə bilərlər? Deməli onların məqsədi tamam başqadır.  Onlar yazır ki, Azərbaycanın çoxsaylı ziyalıları adından, sovet adamları adından Putinə müraciət ünvanlayırlar. Bu gülüş doğurur”.

T. Nurullayevin rəhbərlik  etdiyi AKP-nin bəyanatının "sərsəm” olduğunu deyən R. Qurbanov Krımı işğal etdiyinə görə Rusiya rəhbərliyini də tənqid edib. "Biz referendum keçirilərək Krımın Rusiyaya birləşməsini kəskin tənqid edirik. Biz yalnız Putinə Krımda yaşayan rus xalqının təhlükəsizliyini qorumaq üçün atdığı diplomatik addımları dəstəkləmişdik. Amma biz heç vaxt müstəqil dövlətin ərazi bütövlüyünə qarşı təxribatı alqışlamırıq və bu, beynəlxalq qanunlara zidd bir addımdır. Azərbaycanın Qarabağ problemi olduğu təqdirdə bəzilərinin  Rusiyaya dəstək verməsi öz dövlətinə qarşı olan xəyanətindən xəbər verir. Onda belə çıxır ki, sabah da erməni separatçılar Dağlıq Qarabağda referendum keçirib Ermənistana birləşmək haqqında qərar qəbul edə bilər və dırnaqarası kommunistlər də ona dəstək verməlidirlər?!”.  

Qeyd edək ki, T. Nurullayevin rəhbərlik etdiyi və AKP-nin digər qanadı olduğu iddia edilən partiya V. Putinə Azərbaycanın Gömrük İttifaqına qoşulması üçün müraciət ünvanlanıb. Müraciətdə Kremlin Ukraynaya qarşı apardığı siyasətin təqdir olunduğu vurğulanıb.