Türkiyəli müğənni Hadisə ilə 34 yaşlı iş adamı Mehmet Dinçerler rəsmi şəkildə boşandıqdan sonra da gündəmdən düşmədi. Hadisənin boşanmış həyat yoldaşı Mehmet Dinçerlərin evin kirayəsini və depozitini ödəmədiyi üzə çıxandan sonra İbrahim Çelikkoldan Hadisəyə böyük dəstək gəldi.

Beləki, evləndikdən sonra İbrahim Çelikkolun evində kirayə yaşayan cütlüyün kirayə pulu ilə bağlı problemlərinin olduğu iddia edildi. İddialara görə, Mehmet Dinçerlərin 150 min TL-lik depoziti ödəmədiyi üzə çıxanda İbrahim Çelikkol "Evi istədiyin qədər istifadə edə bilərsən", - deyərək Hadisəyə dəstək oldu.

Adalet.az HaberTürk-ə istinadən xəbər verir ki, oktyabrın 1-də Beykoz Ədliyyəsində Mehmet Dinçerlərlə 5 aylıq evliliyinə son qoyan məşhur müğənni Yeniköydə yeni aldığı və qiymətinin təxminən 40 milyon TL olduğu deyilən malikanə alıb. Malikanəsinin dəqiq qiymətini bilmək üçün sual verən jurnalistlərə “Yeni evim mənə xeyirli olsun, artıq gecdir, bu saatda danışmayaq" deyə cavab verdi.

Qeyd edək ki, boşanmanın səbəbkarı olan 3 milyonluq üzük və toyda taxılan qızıllar Hadisədə qalıb.

Əntiqə Rəşid