Film izle hacklink kiralık bahis sitesi satılık bahis sitesi Adalet.az | ÇOX AZ ŞEY Adalet.az | ÇOX AZ ŞEY Adalet.az | Ədalət -
ANA SƏHİFƏ / YAZARLAR

ÇOX AZ ŞEY

21241    |   2011-07-16 06:28
Şriftin ölçüsü:
A+ Böyütmək
A+ Balacalaşdır

-Bilirsənmi, cavanlığımda mən çox az şeylə xoşbəxt ola bilirdim. Bir şirin söz, bir xoş baxış yetərdi ki, ayaqlarım yerdən üzülsün, vücudum qanadsız-filansız səmanın əngikliklərinə qalxsın. Tay-tuşlarım çox vaxt mənə qibtə edərdilər. Çox zaman da səmimiyyətimə inanmadıqlarını duyurdum. Deyirdilər, hər nə varsa, sənin öz canındadı, özün nikbin adamsan. Sənin gördüklərini biz də görürük, eşitdiklərini də eşidirik, deməli, eyni mühitdə yaşayırıq. Amma səni sevindirən, həyəcanlandıran şeylər bizi qətiyyən təsirləndirmir...
   
   Onlar haqlıydılar. Tələbəlik illərində çoxunun həyatı, qayğı və ehtiyacları, arzuları oxşar olur. Hamı bu günlə yaşamaqdan çox gələcəyə sonsuz ümidlərlə boylanır. Auditoriyalardan ayrılıb əsl həyatın qoynuna atılacağı günü səbirsizliklə gözləyir. Elə bilir ki, bu günəcən yaşadığı ehtiyaclar-pulsuzluq, paltarsızlıq, boyat, dadsız yeməklər birdəfəlik ömründən silinib gedəcək. Diplomunu alıb cibinə qoyan kimi xəyallarında bəslədikləri gerçəkləşib qabağında bitəcək. Heç kimin ağlına gəlmir ki, yaşadığı bu gün ən gözəl, qayğısız günləridi ömrünün. İndi ondan heç kəs heç nə ummur, gözləmir, tələb eləmir. Yaxın-uzaq, pis-yaxşı imkan qədər hamı ona kömək eləmək istəyir. Elə ki, ali məktəbi bitirib işə başlayırsan, qarşına çıxan ilk çətinlikdən o günlərdən ötrü burnunun ucu göynəyir. Hayıfg imtahan, zaçot qorxusundan o beş ildə Tanrı günü görmədik, deyirsən... Mənsə, təəssüflənə bilmərəm. Yaşadığım hər anın qədrini bilirdim. Tay-tuşlarım qibtə eləməkdə haqlıydılar. Bir gözəl qızın ani, xoş baxışı ən əzazil müəllimin qorxusunu belə canımdan çıxara bilirdi. Elə o gözlərin xəyalıynan da dərslərimi oxuyub yaxşı qiymətlər alırdım...
   
   Susub əlini tərləmiş alnına aparır, Bəlkə də yaşarmış mavi gözlərini məndən gizlətmək üçün belə eləyir. Az-maz bələdəm xasiyyətinə, istəklərinə, həsrətində olduğu şeylərə... Qulaq dincliyi, könül xoşluğu ilə yaşamağı sevən adamdı. Hərislik, tamahkarlıq ona yaddı. Bu səbəbdən də çoxları onu başa düşmür. Əslində başa düşürlər, amma özlərində olmayan bu müsbət keyfiyyətlərinə görə onu sıralarına qatmırlar. Cürbəcür ayamalar qoşub kənar gəzməyə çalışırlar. Axı, adamlar özlərinə oxşamayanı sevmirlər. Heç özlərinə oxşayanı da sevmirlər. Nəyi xoşladıqları təkcə özlərinə bəllidi...
   
   
   
   ***
   
   Rus dili müəllimidi. Həm tələbəlik illərində, həm də ailə qayğıları bənd-bərəni bağlayanacan çox gəzib-dolaşıb Rusiyanın şəhərlərini. Ömrünün ən bəxtəvər çağları sayır o dönəmləri...
   
   -Biz yaşamağı bacarmırıq. Çox zaman da günahı imkansızlığın üstünə yıxırıq. Qətiyyən belə deyil. Oynamaq bilmirik, deyirik, yerimiz dardı. Bir az tamahımızı aşağı eləsək, bu taxta-tuxtaya, qab-qazana az aludə olsaq, yaşamağa vaxtımız da qalar, imkanımız da. Küçə süpürənimiz də, peraşki satanımız da üçmərtəbəli evdə oturmaq istəyir. Varlanmaq ehtirası gözlərimizi o qədər tutub ki, ayın, ilin necə keçdiyindən də xəbərimiz olmur. Hamımızın həyatını bir el sözüynən ifadə eləmək olar: "səhər naxıra, axşam axura". Dedi-qodudan, qal-qeybətdən, bir-birimizin gəlir-çıxarını hesablamaqdan, xainliyini çəkməkdən o qədər yoruluruq ki, yorğan-döşəyə özümüzü güclə çatdırırıq. Elə yorğan-döşəkdə də gözümüzə yuxu gedənəcən özümüzü qoyub başqaları haqqında düşünürük. Kimin nəyi əyri, nəyi düz elədiyini götür-qoy edirik...
   
   Ancaq... onlar belə deyillər. Onlardan ötrü əsl həyat işdən sonra başlanır. Ayrıca bir gecə həyatı yaşayırlar. Ağlına başqa şeylər gəlməsin. ( Gör, nə qorxaqdı! Bu ürəklə, əlbəttə, istədiyin kimi yaşaya bilməzsən. Hələ başqalarında günah axtarır. Daha demir ki, özü qarşısındakının ani fikirlərindən belə qorxur. Yox, əzizim, başqalarını qınamaqda haqlı deyilsən. Axırını düşünən heç vaxt qəhrəman olmur. Sən isə qəhrəman nədi, heç öz ömrünün də yiyəsi ola bilməmisən!... Bayaqdan mübahisə eləməyə hazırlaşırdım. Bütün həvəsim öldü. Yaxşısı budu, susub qulaq asım!) Mən küçə əyləncələrini, rəqs meydançalarını, bağ, park gəzintilərini, restoranları, qəlyanaltıları nəzərdə tuturam. Oralarda heç nəyin dərdini çəkmirsən. Bu dünyanın faniliyi barədə fikirlər beynini gəmirmir. Ancaq yaşamaq, sənə bir dəfə verilmiş ömrün dadını çıxarmaq istəyirsən....
   
   Elə ki, Biləcəridən bəri keçirsən...
   
   Qaşlarını çatıb diqqətlə üzümə baxır. Həm də elə baxır ki, sanki bütün dediklərinin baiskarı mənəm...
   
   -Biz nə vaxtacan belə olacağıq?! Sən heç bu barədə düşünmüsən?! Rusların bir məsəli var. Deyirlər ki, xoşbəxtlikçin adama çox az şey lazımdı. Bir az ağlını işlətsən, görərsən ki, bu doğrudan da, belədi. Çox az şey... Lap az......
   
   Bəs, bizim gözümüz niyə doymur bu axmaq-axmaq işlərdən?! Elə qamarlayırıq, elə yığışdırırıq. Bir-birimizin cibinə giririk, tikəsini ağzından çıxarırıq. Kimin kimə dişi batırsa, gönünü qopardır. Bunu yaxşı bacaranlara zirək, bacarıqlı, pulqazanan deyirik. Bacarmayanlara, özünə yaraşdırmayanlara əfəl, maymaq... Belə də iş olar?!
   
   Bizdə də bir yaxşı deyim var: xoşbəxt o kəsdi ki, evdən çıxıb işə həvəslə gedir, işdən də çıxıb evə. Mən binəva uzun illərdi bunu edə bilmirəm...
   
   Üçüncü bir yer də tanımıram......
   
   Başını bulayıb əllərini yelləyir. Bir az da keçsə, deyəsən, göz yaşlarını saxlaya bilməyəcək. Dostum bu yerdə lap "Papaq" filmindəki parisli cananlardan ötrü göz yaşı axıdan şuşalı cavanları xatırladır...
   
   Dedim axı, mübahisə eləməyə həvəsim yoxdu. Mübahisə eləsəm də, təzə bir söz deyə bilməyəcəm. Hələ qorxuram axırda davalaşaq da...
   
    Mən susmağın xeyrini çoxdan sınaqdan çıxarmışam...
   
   Susmaq gözəl şeydi......
   
    Saata baxıram. İş vaxtının qurtarmasına on-on beş dəqiqə qalır. Evə getməyin zamanı yetişib....
   
   İstəsək də, istəməsək də ömrümüzdən bir gün də belə getdi. Budaqdan düşən yarpaq, təqvimdən qoparılan vərəq kimi yelə verildi...


YAZARIN ARXİVİ

2015-01-10 : ƏN UZUN GECƏ
2014-11-15 : QIRMIZI İP
2014-07-12 : GEC OLMAYAN
2014-07-05 : SAMAN ÇÖPÜ
2014-06-21 : GÜNAHSIZ
2014-06-14 : GÜNAHSIZ
2014-06-07 : GÜNAHSIZ
2014-05-31 : GÜNAHSIZ
2014-05-24 : GÜNAHSIZ
2014-05-17 : GÜNAHSIZ
2014-05-09 : GÜNAHSIZ
2014-05-03 : GÜNAHSIZ
2014-04-26 : GÜNAHSIZ
2014-03-15 : SONUNCU YARPAQ
2014-03-08 : MONMARTR, 18-40
2014-03-01 : Marsa da uçsaq
2014-02-22 : DƏRD ZİRVƏSİ
2014-02-15 : GEC DƏ OLSA...
2014-01-25 : GÜNDƏLİK
2014-01-18 : XİLASKAR
2013-10-12 : NƏNNİ
2013-09-21 : PAYIZ GƏLİR...
2013-08-17 : ADSIZ DUYĞULAR
2013-08-03 : ƏHYA GECƏLƏRİ
2013-07-06 : Sən dönsən...
2013-06-22 : KÖYNƏK
2013-05-25 : ÖZGƏ DƏRDİ
2013-02-09 : AĞILDAN BƏLA
2013-01-26 : DARIXAN ADAMLAR
2013-01-19 : DƏLİLİK ZAMANI
2013-01-12 : ƏSKİ YARALAR
2012-12-01 : SUSUZ DƏNİZ
2012-09-22 : GƏLDİN...
2012-09-15 : BİR QUCAQ SABAH
2012-09-08 : ANGEDONİYA
2012-08-18 : "DÜBEYTİ"
2012-06-30 : O TƏNHA AĞAC...
2012-06-02 : AĞ QARANQUŞ
2012-02-18 : HARMONİYA
2012-01-14 : QONŞU QIZ
2011-12-31 : TƏLƏSİRİK...
2011-12-10 : AYAQYALIN
2011-11-19 : XƏZAN YELİ
2011-10-15 : TƏSƏLLİ
2011-08-06 : DƏYİRMAN
2011-07-16 : ÇOX AZ ŞEY
2011-06-25 : SAVAŞIN 70 YAŞI
2011-05-14 : "QARA QUTU"
2011-03-19 : VƏDƏ KÜLƏYİ
2011-03-05 : KİŞİSİZ...
2011-02-26 : YAZA NƏ QALDI?!.
2011-02-19 : ADİ HƏYAT
2010-12-31 : İL KEÇDİ...
2010-11-06 : İMTİNA
2010-08-21 : KİBRİT FALI
2010-07-24 : YEL DƏYİRMANI
2010-05-08 : XİLASKAR
2010-04-10 : QİYAMƏT
2010-03-20 : XINAYAXDI
2010-02-27 : BOŞLUQ
2010-01-09 : KARVAN GETDİ...
2009-12-26 : YUXU KİMİ...
2009-12-19 : DARIXANDA...
2009-12-12 : İMTAHAN
2009-12-05 : QUYU
2009-10-17 : ELDƏN AYRI...
2009-10-10 : GÖZÜ YOLDA...
2009-10-03 : TARAZLIQ
2009-09-26 : ...YALVARMA!
2009-09-12 : İLĞIM
2009-09-05 : BİR STƏKAN ÇAY
2009-08-08 : QIRMIZI
2009-08-01 : SƏKKİZ SAAT
2009-07-11 : AĞIRLIQ
2009-04-25 : SIĞINACAQ
2009-04-11 : SÖZ VAXTI
2009-02-14 : ÜÇÜNCÜ YOLÇU
2009-01-31 : BİXƏBƏR
2009-01-24 : QIRMIZI VƏ QARA
2009-01-17 : BAŞQA ADAM
2009-01-10 : 3 SAATLIQ NƏFƏS
2008-12-31 : QUM SAATI
2008-12-13 : QURBANSIZ
2008-11-22 : CİDDİ MÖVZU
2008-11-15 : ÜMİD VƏ QORXU
2008-11-01 : AĞ YOL
2008-10-18 : AG VƏ QARA
2008-10-11 : KÜTLƏ
2008-09-20 : TƏSƏLLİ
2008-09-06 : YAZIQLIQ
2008-08-23 : ATA EVİ
2008-08-02 : ÇAY PULU
2008-07-05 : YADDAŞ AĞRISI
2008-06-14 : ÇƏRÇİVƏ
2008-04-19 : SÖZ ARDINCA...
2008-03-30 : İRƏVANLILAR
2008-03-20 : YAZA ÇIXDIQ...
2008-03-08 : UTANCAQ
2008-02-23 : BOZ AY
2007-12-15 : DARIXAN ADAMLAR
2007-12-01 : BİZƏ QALSA...
2007-11-24 : İŞIQSIZ DÜNYA
2007-10-27 : ETİRAF
2007-10-06 : GÜNLƏR VARDI...
SON XƏBƏRLƏR
2019-09-21
2019-09-20


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Qarabağ", yoxsa "Sevilya"?

"Qarabağ" (42.86%)
"Sevilya" (57.14%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK