Bu gün əksər Bakı bazarlarında  bir özbaşınalıq və dərəbəylik hökm sürür! Ən azından ona görə ki, bazarlar ayrı-ayrı adamların nəzarət altındadır. Bəlkə belə deyil, cənablar? Əlbəttə , belə də olanda istər- istəməz bir dərəbəylik yaranır.

Bir dəfə gedən səhər saat 5- də Bakıda hər hansı bir bazara baxın və görün orada nələr baş verir! Görəcəksəniz ki, rayonlardan  gələn kənd adamlarının məhsulları bazarlara biraxılmır. Ya onlar gətirdikləri kənd təsərrüfatı məhsullarını dəyər- dəyməz qiymətə " bazar kötük" kötüklərinə satmalıdır, ya da məhsulların götürüb , kəndə qayıtmalıdır.

Kəndlinin əlindən qəpik- quruşa aldıqları göy-göyərtiləri, mer- meyvəni alverçilər od qiymətə satırlar. Daha doğrusu, onlar bu ucu məhsullara qiymətindən iki- üç dəfə artıq satırlar. Ona görə də bazarlarda bütün məhsulların qiyməti kəllə-çarxa qalxır. Təbii ki, bu mövcud nöqsanları heç bir əlaqədar qurum hələ indiyə kimi aradan qaldırmayıb, çünki bu qiymət artımında onlarında payı var! Bu baxımdan da  indən sonra da bazarlarda  dərəbəylik və hərc-mərclik hökm sürəcək!!!

Emil FAİQOĞLU