Xalq artisti Mələkxanım Eyubova səhhətində problemlər yaşayır.

Adalet.az xəbər verir ki, xanəndə bu barədə "İkinci həyat" proqramında danışıb.  sənətçi deyib ki, səhhətindəki problemin səbəbi peşəsi ilə əlaqədardır:

"Dedilər ki, peşə xəstəliyidir. Dəf çalıram, barmaqlarım ağrıyır. Səhnədə hündürdaban ayaqqabılar geyinirik, belimizə ağırlıq düşür. Çıxışlarımız zamanı istidən soyuğa və ya əksinə məkana daxil oluruq. Bu da sağlamlığımıza təsir edir. Qan işləmir, boyun və baş ağrıları olur. Onurğam da ağrıyır. Hər zaman masaja üstünlük vermişəm. Gənclik illərimdən bu günə kimi masaja gedirəm. Bu masajlar məni ayaqda saxlayıb. Amma indi problemlər yaranıb. Həkimlər çox zaman deyirdilər ki, gəl ağrıyan hissəni əməliyyat edək. Amma razılaşmıram".

Qeyd edək ki, xalq artisti Mələkxanım Eyubova osteoxondrozdan əziyyət çəkir.

Əntiqə Kərimzadə