"Qalatasaray"ın baş məşqçisi Okan Buruk "Qarabağ"la keçiriləcək xeyriyyə matçı ilə bağlı fikirlərini bölüşüb.

Adalet.az xəbər verir ki, türkiyəli mütəxəssis "CBC Sport"a açıqlamasında azərbaycanlı azarkeşləri oyuna dəcət edib:

"Türkiyədə baş verən zəlzələdən zərərçəkənlər üçün yardım məqsədilə martın 26-da Bakı Olimpiya Stadionunda "Qarabağ"la keçiriləcək dostluq matçında bütün Azərbaycan xalqını gözləyirik. Qardaşlığımızı, dostluğumuzu, sevgimizi orada bərabər göstərərik". 

Qeyd edək ki, martın 26-da Bakı Olimpiya Stadionunda keçiriləcək "Qarabağ" - "Qalatasaray" matçı saat 20:00-da başlayacaq.