Türkiyənin xarici işlər naziri Hakan Fidan Suriya ilə İraqda sülh və siyasi sabitliyin təmin olunmasının regionda iqtisadi inkişafı sürətləndirəcəyini bildirib.

Adalet.az xəbər verir ki, bu barədə "Haber Global" məlumat yayıb.

H. Fidan Suriyanın və İraqın bütün ərazilərində sabitliyin təmin olunmasının region xalqları, dövlətlərinin inkişafına mühüm töhfə verəcəyini qabardıb.

"Suriya ilə İraqda əmin-amanlıq olduğu zaman regiondakı bütün xalqlar, dövlətlər yollarına sülh, sabitlik və inkişaf şəraitində davam edəcəklər. Bizim buna ehtiyacımız var", – nazir vurğulayıb.

Onun sözlərinə görə, Türkiyə ilə yanaşı, Suriya və İraqda siyasi sabitlik, təhlükəsizliyin təmin edilməsi regionun iqtisadi potensialının üzə çıxmasına imkan yaradacaq.

Fidan bildirib ki, Türkiyədə həyata keçirilən islahatlarla yanaşı, regional siyasət və əməkdaşlıq da iqtisadiyyatın inkişafına ciddi təsir göstərəcək.