adalet.az header logo
  • Bakı 18°C
  • USD 1.7
20 Yanvar 2022 12:24
690
ŞOU-BİZNES

Könül Kərimovanın növbəti dəfə “gündəmə  olmaq” cəhdi: “Üstümdə davaydı...”

Şou-biznes nümayəndələri  gündəmə gəlmək, gündəmdə olmaq, hər gün müxtəlif insanların müzakirə obyektinə  çevrilmək  xatirinə nə bilirlərsə  onu da edirlər. Yarıçılpaq poz verən, özü haqqında şaiyə yayan,   başqasını tənqid və təhqir etməkdən çəkinməyən, əlbəyaxa  vuruşan... Hansı  şəkildə desəniz,  gündəmə can atmaq xatirinə  o yolları sınayırlar.

Əməkdar artist Könül Kərimova son zamanlar gündəm olmaq yolunda ən çox  “zəhmət”ə qatlaşanlardandı. Məsələn, Türkiyənin Alanya bölgəsində dincələn müğənni geyindiyi cırıq şortiki, sonra hovuzda çimərkən paylaşdığ fotolar  səs küy yaratdı. Daha sonra  müğənninin özünə aid etdiyi, müəllifi özü olduğu iddia etdiyi “Qızım“” mahnısının əsl sahibi çıxıb onu ifşa etdi. Daha sonra  mərhum sənətkar Məhəbbət Kazımova məxsus məşhur “ Laçınım” mahnısının ona aid olduğunu bəyan etdi, daha sonra səhnəyə bığ qoyub çıxdı. Bütün olayların hamısında tənqid olunan əməkdar artist bununla gündəmdə qaldığını düşündü.    

Adalet.az xəbər verir ki, Könül Kərimova növbəti dəfə "Tarixin bir günü" proqramında “gündəm ” əhval-ruhiyyəsi  yaratmaq  fikrinə düşüb.  Müğənni iddia edib ki, guya müğənni olduğu üçün onu sevənlərin sayı çox olub:”Subay vaxtımda elçilər üstümdə dava edirdidi. Deyirdilər ki, efirə çıxır, yaxşı qızdır. O qədər elçi gələn olurdu ki... Bacım gözəl idi. Amma mən qara qız olmuşam, üfürsən yıxılardım. Amma müğənni idim deyə, üstümdə dava idi. Sonda da xalam oğlunaərə getdim”.  

Bildiyiniz kimi, müğənni Könül Kərimova Ağcabədilidir. Ağcabədi ilə Ağdam bir-birinə yaxın rayonlar olduğu üçün bunu xüsusilə qeyd edirəm ki,  toylara gedən, toyda oxuyan qızlara  heç kim  ciddi fikirlə baxmazdı. Nəinki baxmaq, heç onunla evlilik xəyalları da qurmazdı. Çünki  “toyda oxuyan qız”  içib keflənmiş, danışığını, hərəkətini bilməyən  sərxoş kişilərin qarşısında “ağzını ayırıb oxuması” rayon yerində  qəbuledilməz hesab edilirdi. Könül Kərimovanın oxumağa başladığı dövrdə də  toyda oxuyan qıza münasibət   məhz belə idi.

Efirə çıxmaq təbii ki, bir müddət rayon və bölgə toylarında məşhurluqdan sonra baş vermişdi. Yəni, artıq bölgədə m ”toylarda oxuyan qız” imicini tam qazanmışdıvə özü demiş, “qara-quru” bir qızın  üstündə “dava” düşməsi absurd bir söhbətdir.

Müğənninin sonda dediyi “ axırda xalam oğluna ərə getdim” sözündən  də bəllidir ki, yeganə seçənəyi elə “xalaoğlu ” olub.  

P.S. Səsi-sənəti olan bir məşhurun ucuz reklamlarla gündəmə gəlməsi, haqqında müzakirələr açdırması  heç xoş deyil. Həmin məşhurun səsini də, sənətini də, digər uğurlarını da ucuzlaşdırır, gözdən salır.

 

Əntiqə Rəşid