Əməkdar artist Mətanət İsgəndərli növbəti estetik əməliyyat etdirəcəyini açıqlayıb.

Adalet.az-ın məlumatına görə, sənətçi "Xəzər axşamı" verilişində bildirib ki, yaxın günlərdə, təxminən 5-10 gün ərzində əməliyyat masasına uzanacaq. Onun sözlərinə görə, bu dəfə bədən şəkilləndirmə proseduru həyata keçiriləcək.

Müğənni yeni görünüşü ilə bağlı dəyişiklik etmək qərarına gəldiyini qeyd edib və hazırlıq prosesinin davam etdiyini vurğulayıb.

Xatırladaq ki, Mətanət İsgəndərli daha əvvəl artıq çəkidən azad olmaq məqsədilə mədəkiçiltmə əməliyyatı keçirmişdi. Sənətçinin yeni estetik prosedurla bağlı açıqlaması sosial şəbəkələrdə də maraqla qarşılanıb və izləyicilər arasında müxtəlif rəylərə səbəb olub.